Heilbrigðisskýrslur - 03.12.1994, Síða 27

Lífshorfur krabbameinssjúklinga
Batnandi lífshorfur krabbameinssjúklinga undanfarna áratugi koma fram í öllum
aldursflokkum, en mestar þó meðal ungs fólks.57 Greiningartækni hefur fleygt fram, meinin eru
minni þegar þau greinast og auðveldara að ráða við þau en þegar þau eru orðin stærri eða hafa
náð að dreifa sér (prófessor Hrafn Tulinius). Nú eru á lífi um fimm þúsund íslendingar sem
hafa fengið krabbamein en lífshorfúr fólks með krabbamein hafa bamað mikið. Um 20% þeirra
sem greindust með krabbamein á árunum 1956-60 lifðu í fímm ár eða lengur en 40% þeirra
sem greindust með sjúkdóminn á árunum 1981-85. Þessar upplýsingar eru fengnar úr gögnum
Krabbameinsskrár Krabbameinsfélagsins.
Hlutfall þeirra sem hafa fengið krabbamein fyrir tvítugsaldur og lifað í fimm ár eða lengur
hefur aukist úr 20% (1956-60) í 73% (1981-85), í aldurshópnum 20-44 ára hefur hlutfallið
aukist úr 39% í 69%, hjá 45-64 ára úr 27% í 50%, hjá 65-79 ára úr 15% í 34% og hjá áttræðum
og eldri úr 8% í 16%. Miklar breytingar á lífshorfum fólks sem fær krabbamein fyrir
tvítugsaldur má að miklu leyti rekja til árangursríkrar lyfjameðferðar, einkum við hvítblæði í
bömum.
Forvamir á sviði krabbameins em skipulagðar af Krabbameinsfélagi íslands, í samvinnu við
Landlæknisembættið.
Mynd 24:
Lífshorfur krabbameinssjúklinga
Á lifi 5 árum eftir greiningu
Krabbameinsfélag (slands
25