Heilbrigðisskýrslur - 03.12.1994, Page 73

Rekstur spítala - Fimm daga deildir-l24l2s
Fyrsta fimm daga deildin var stofnuð af prófessor Sigurður S. Magnússyni á
Kvensjúkdómadeild Landspítalans. Allt frá árinu 1988 hefur Landlæknisembættið lagt áherslu
á rekstur slíkra deilda. Fimm daga deildir virðast hafa gjörbreytt afkastagetu sjúkrahúsa. Þessar
deildir eru nú loksins reknar á allflestum deildaskiptum sjúkrahúsum þó að læknar hafi
brugðist nokkuð seint við og nú saxast mjög á biðlista. Flestar minniháttar aðgerðir hafa flust
út fyrir sjúkrahúsveggina og nauðsynlegt er að efla sem mest þá starfsemi. Legutími vegna
gall-, nýmasteina- og blöðruhálskirtilsaðgerða hefur styst um vikur vegna nýtískulegra aðferða.
Enn fremur hefur legutími vegna kransæðasjúkdóma styst. Magasársaðgerðum, sem áður vom
einna algengustu aðgerðirnar, hefur fækkað gífurlega vegna bættrar lyfjameðferðar. I
nágrannalöndunum hafa svipaðar aðgerðir meðal annars valdið því að 20-30% rúma á
deildaskiptum sjúkrahúsum standa auð og að kostnaður við sjúkrahúsrekstur hefur lækkað um
10-15%. Betri nýting á fjármunum hefur náðst með hagræðingu en án niðurskurðar. Trúlega
verður sama þróunin hér.
71