Fréttablaðið - 08.12.2022, Qupperneq 2

Núna heitum við á
einkaaðila að hefja
ræktun.
Þröstur
Eysteinsson,
skógræktarstjóri
Virkni og vellíðan
120 manns, 60 ára plús, voru mældir af nemum í íþróttafræði Háskólans í Reykjavík. Þetta eru þátttakendur í verkefninu Virkni og Vellíðan í Kópavogi, sem miðar
að andlegri og heilsueflingu eldra fólks. Breiðablik, HK, UMSK og Gerpla taka þátt. Lögð er áhersla á styrk, þol og jafnvægisæfingar. FRÉTTABLAÐIÐ/ANTON BRINK
bth@frettabladid.is
MENNTUN Stefnt er að því að nám í
áfengis- og vímuvarnaráðgjöf flytj-
ist yfir á háskólastig.
SÁÁ hefur um langt skeið rekið
skóla fyrir áfengisráðgjafa. Nú er
unnið að því í samstarfi við Háskóla
Íslands og menntamálaráðuneytið
að færa ráðgjöfina yfir á háskólastig.
Óljóst er enn hvenær það skref yrði
stigið.
Oddur Sigurjónsson, formaður
Félags áfengisráðgjafa, segir að SÁÁ
hafi staðið fyrir góðu námi. Hann
sjái fyrir sér ákveðna framþróun
sem gæti aukið vægi námsins og
viðurkenningu með því að námið
yrði háskólanám.
„Ef við yrðum hluti af háskóla-
samfélaginu gæfi það færi á auknu
samstarfi við aðrar starfsstéttir sem
gæti orðið til bóta,“ segir Oddur.
Hann segist einnig sjá fyrir sér
að möguleikar myndu aukast á að
áfengisráðgjafar starfi víðar, þótt
stærstur hluti ráðgjafa starfi hjá
SÁÁ.
Þetta kom fram í sjónvarpsþætti
um SÁÁ á Hringbraut. n
Áfengisráðgjöf
verði háskólanám
Flestir áfengisráðgjafar starfa á Vogi.
Þrjár milljónir skógarplantna voru framleiddar hér á landi um og upp úr hruni
en ræktunin mun að líkindum verða um 20 milljónir plantna í lok áratugarins.
FRÉTTABLAÐIÐ/GVA
Stefna stjórnvalda í loftslags-
málum, krafa á fyrirtæki um
kolefnisjöfnun og ábatasöm
viðskipti með kolefnis-
einingar kallar á stóraukna
skógrækt hér á landi. Fram-
leiðslugetan innanlands er
löngu fullnýtt.
ser@frettabladid.is
NÁTTÚRA Skógræktarstöðvar á
Íslandi hafa ekki lengur undan við
framleiðslu á plöntun til nýrækt-
unar og keppist Skógræktin nú við
að fá einkafyrirtæki til að hefja
starfsemi á þessu sviði.
Þetta segir Þröstur Eysteinsson
skógræktarstjóri en hann horfir
fram á umskipti á sínu sviði á næstu
árum. Þrjár milljónir skógarplantna
voru framleiddar um og upp úr
hruni, en á síðustu þremur árum
hefur ræktunin tvöfaldast. Á næsta
ári mun Skógræktin ein framleiða
sex milljónir plantna og vonast
er til að einkaaðilar rækti eina til
tvær milljónir plantna til viðbótar
á ári. Út áratuginn er svo áætlað að
plöntuframleiðslan muni aukast
um allt að tvær milljónir á ári og
fari í 20 milljónir plantna í lok hans.
„Framleiðslugetan er löngu full-
nýtt og nú þarf að spýta í lófana,“
segir Þröstur, en ræktunin fari nú að
langmestu leyti fram hjá Sólskógum
í Kjarnaskógi við Akureyri og í
Kvista bæ í Reykholti á Suðurlandi.
„Núna heitum við á einkaaðila
að hefja ræktun,“ bætir hann við
og kveðst vongóður. „Ég veit um tvo
aðila sem eru að skoða fjármögnun
og staðsetningu,“ segir skógræktar-
stjóri og vonast til að einkageirinn
taki vel við sér.
Aðstæður eru enda gjörbreyttar
– og þar vegur þrennt þyngst. „Í
fyrsta lagi eru stjórnvöld að setja
stóraukið fjármagn í málaf lokk-
inn vegna stefnu sinnar í loftslags-
málum,“ bendir Þröstur á, en í öðru
lagi horfi fyrirtæki nú fram í tím-
ann. „Forkólfar þeirra vita að þau
verða krafin um kolefnisjöfnuð á
næstu árum,“ segir Þröstur og nefnir
sjávarútvegsfyrirtækin sérstaklega.
„Þau ryðja slóðann, enda vita menn
á þeim bænum að allur fiskur á Evr-
ópumarkaði þarf ekki bara að vera
sjálfbærnivottaður heldur mun líka
verða gerð krafa um að hann verði
kolefnisjafnaður.“
Í þriðja lagi muni einkaaðilar
huga að skógrækt til að selja kol-
efniseiningar í grænt bókhald
fyrirtækja um allan heim. „Þetta er
að verða valkvæður markaður um
allan heim og því geta menn keypt
sér kolefnisjöfnun hvar sem þeim
sýnist,“ segir Þröstur.
En á þessu mikla uppvaxtar-
skeiði sem fram undan er vaknar
spurningin hvort Íslendingar þurfi
að fara að flytja inn skógarplöntur,
slíkur sem skorturinn er á þeim
orðinn. „Við útilokum ekki slíkt,
þótt við viljum forðast óværuna
að utan sem á stundum fylgir inn-
fluttum plöntum. En þess þá heldur
að einkageirinn hér á landi taki við
sér,“ segir Þröstur Eysteinsson. n
Skógrækt mun sjöfaldast
hér á landi á næstu árum
HJARTA
OG
ÆÐAKERFI
ARCTIC HEALTH
AHI.IS
OMEGA-3 COLLAGEN
HREIN ÍSLENSK FÆÐUBÓT
Í POKUM FYRIR LÁGMARKS KOLEFNISSPOR
lovisa@frettabladid.is
SKÓLAMÁL Í kvöld er opinn íbúa-
fundur í Ástjarnarkirkju um einelti
og stafrænt ofbeldi. Fundurinn er
haldinn í kjölfar eineltisumræðu í
samfélaginu en mörgum var brugðið
í október þegar greint var frá alvar-
legu einelti gegn nemanda í Hraun-
vallaskóla, sem er í sama hverfi og
kirkjan í Hafnarfirði.
„Þetta sló allt hverfið og allt
samfélagið og fólk er enn að velta
þessu fyrir sér. Þetta má ekki deyja
í umræðunni. Þetta var vekjandi
atriði allt,“ segir Bolli Pétur Bollason
prestur en ákall var eftir umræðuna
um að það yrði haldinn íbúafundur.
Bolli segir að allir séu velkomnir á
fundinn en þar mun Kolbrún Hrund
Sigurgeirsdóttir, verkefnastýra Jafn-
réttisskóla Reykjavíkur og formaður
ráðgjafarteymis í skóla- og frí stunda-
starfi hjá Reykjavíkurborg, ræða um
stafrænar áskoranir og ofbeldi.
„Hún mun tala um mikilvægi þess
að foreldrar og nærsamfélagið standi
saman.“
Eftir erindi hennar mun vera tími
fyrir umræður og fyrirspurnir að
sögn Bolla en fjölmargir hafa leitað
til kirkjunnar í kjölfar umræðunnar.
„Þetta er gott og rúmt húsnæði
sem við höfum þannig að það er nóg
pláss. Við vonumst til þess að sjá sem
flesta.“ n
Ræða einelti sem sló allt hverfið
Arnór Bjarki Blomsterberg og Bolli P.
Bollason prestar. FRÉTTABLAÐIÐ/ERNIR
2 Fréttir 8. desember 2022 FIMMTUDAGURFRÉTTABLAÐIÐ