Fréttablaðið - 17.12.2022, Blaðsíða 112

frettabladid.is
550 5000
RitstjóRn ritstjorn@frettabladid.is
AuglýsingAdeild auglysingar@frettabladid.is
PRentun Torg ehf.
dReifing Póstdreifing ehf.
dreifing@postdreifing.is 2022 - 2025
Óttars
Guðmundssonar
n Bakþankar
Bráðum koma blessuð jólin og
allir eiga að hlakka til. Það er þó
ekki einhlítt því að margir fara
reglulega á jólablús. Það er þó
engin ný saga.
Gísli Súrsson var ekkert jóla-
barn. Hann drap mág sinn í
jólaboði í Dýrafirði, sem setti allt
í bál og brand í fjölskyldunni.
„Síðan þá þoli ég bara ekki
jólin,“ sagði Gísli á dögunum á
AA-fundi. Órækja frændi minn
Snorrason Sturlusonar sagði
að jólin í Reykholti hefðu alltaf
verið leiðinleg. Eitt jólapartíið
árið 1241 endaði með því að
Órækja lét hálshöggva stjúp-
bróður sinn Klæng Bjarnarson í
hefndarskyni fyrir Snorra föður
sinn. „Það voru reyndar skástu
jólin,“ sagði Órækja. Klængur
sjálfur sagðist alltaf fara á jóla-
blús. „Mér leiddist í jólaboðum
með Órækju. Hann var með
ADHD og tók ekki lyfin sín í
desember. Mér fannst líka miður
að missa höfuðið í jólaboðinu!“
Egill afi minn Skallagrímsson tók
alltaf mikla ógleði um jól og lagð-
ist í rúmið og rifjaði upp hverjir
skulduðu honum peninga.
Sjálfur hef ég um árabil lagst í
sjálfsvorkunn um jól. Ég hugleiði
gamlar syndir og spila tónlist
með sænskum raunsæisblúsur-
um sem syngja um krabbamein
og feðurna sem svíkja börnin sín
og mæður sem drekka köku-
dropa. Mér líður best illa undir
þessari ljúfsáru eymd.
Mestu skiptir að jólablúsinn er
venjulega eigið val. Jólafýlupok-
arnir stjórna öllu sínu umhverfi
með svipbrigðum og sjálfsmeð-
aumkun. Allir tipla á tánum í
kringum blúsarann sem situr
með frekjusvip og krefst athygli.
„Góður blús er gulli betri,“ sagði
Egill afi stundum í fjölskyldu-
boðunum á Borg. n
Jólablús
20% AFSLÁTTUR
af öllum vörum
frá Samsonite
icewear.is
RANGÁ kápa
Íslensk ullareinangrun
kr. 33.990,-
Gleðilega
útivist
Reykjavík • Mörkin 3 | Akureyri • Undirhlíð 2
ALLT FYRIR
HJÁ TÖLVUTEK
GRÆJUJÓL