Morgunblaðið - 08.09.2022, Blaðsíða 64

SALTO
Hornsófi. Hægri eða vinstri.
Stone eða Koníak bonded leðuráklæði. 275 x 216 x 85 cm.
295.992 kr. 369.990 kr.
www.husgagnahollin.is
Sími: 558 1100
Verð og vöruupplýsingar í auglýsingunni eru birtar með fyrirvara um prentvillur.
CHRISTO Fallegt hringlaga borðstofuborð. Hvíttaður
olíuborinn eikarspónn. Ø120 x 75 cm. 111.992 kr. 139.990 kr.
AFSLÁTTUR AF ÖLLUM
20%
DÖNSKUM VÖRUM*
Danskir
DAGAR
MAXIME
Innskotsborð. 3 í pk.
Ø50 x 50 cm.
55.992 kr. 69.990 kr.
CONNECT
Sófaborð. Eikarplata með
svörtum fótum. 60 × 60 × 40 cm.
63.920 kr. 79.900 kr.
BÅSTAD
3,5 sæta sófi. Marsel grátt áklæði. 306 x 101 x 78 cm.
247.992 kr. 309.990 kr.
„Tondeleyó! – Lögin
hans Fúsa“ er yfir-
skrift tónleika sem
verða haldnir í
bókasöfnum í
Reykjavík í hádeg-
inu næstu daga og
eru í tónleikaröðinni
Jazz í hádeginu. Lög
eftir hinn ástsæla
Sigfús Halldórsson
verða sungin í
djassaðri túlkun
söngvarans Kjalars Martinssonar Kollmar. Flytjendur
með honum eru Sunna Gunnlaugsdóttir á píanó, Svan-
hildur Lóa Bergsveinsdóttir á slagverk og Leifur Gunn-
arsson á kontrabassa en Leifur er listrænn stjórnandi
tónleikaraðarinnar. Tónleikarnir verða í bókasafninu í
Grófinni í dag, fimmtudag, kl 12.15, á sama tíma á
morgun, föstudag, í bókasafninu í Gerðubergi, og loks
kl. 13.15 í bókasafninu Spönginni á laugardag.
Kjalar Martinsson Kollmar djassar
lög Fúsa á hádegistónleikum
FIMMTUDAGUR 8. SEPTEMBER 251. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Víkingar unnu í gærkvöld stærsta sigur í efstu deild
karla í knattspyrnu í 29 ár þegar þeir léku Leiknismenn
úr Reykjavík grátt og sigruðu þá 9:0 í Bestu deildinni á
Víkingsvellinum. Þeir eru þar með komnir í annað sæt-
ið, tveimur stigum á undan KA en níu stigum á eftir
toppliði Breiðabliks, þegar sjö umferðum er ólokið af
Íslandsmótinu. »54
Stærsti sigurinn í deildinni í 29 ár
ÍÞRÓTTIR MENNING
Steinþór Guðbjartsson
steinthor@mbl.is
Hjónin Guðrún Katrín Ingimars-
dóttir og Ásgeir Helgason, kölluð
Gunna og Geiri, fluttu frá Reykjavík
til Perth í Ástralíu 1969 og hafa
lengst af búið þar skammt frá strönd-
inni síðan. „Við höfum alltaf verið sól-
armegin í lífinu og ætlum að halda
því áfram,“ segir Gunna og Geiri tek-
ur í sama streng.
Gunna segir að sem barn hafi hún
verið þreytt á myrkrinu, snjónum og
skafrenningnum. „Mig dreymdi um
að búa í landi þar sem sólin skín og
búa í húsi á einni hæð.“ Þegar hún
var 19 ára stóð Íslendingum til boða
að flytja til Ástralíu. Þá hafi þau
Geiri, sem er ári eldri, verið búin að
vera saman í þrjú ár og hún hafi talað
hann til. Ef þau yrðu skemur en í tvö
ár yrðu þau að endurgreiða flugfarið
og því væri engu að tapa. „Við giftum
okkur og litum á þetta sem brúð-
kaupsferð.“
Mikil vinna og sældarlíf
Þau leggja áherslu á að flutning-
urinn hafi verið spennandi ævintýri í
þeirra augum. Geiri er bifvélavirki,
lærði hjá Ræsi og vann hjá föður sín-
um, í fjölskyldufyrirtækinu Sérleyfis-
bílum Helga Péturssonar, en Gunna
starfaði í Eyþórsbúð á Brekkulæk
áður en þau fluttu út. Þau fengu vel
launuð störf, efnuðust fljótt, keyptu
sér lóð, byggðu hús og fluttu inn
1971. „Lífið lék við okkur og hefur
reyndar alla tíð gert það,“ segir
Gunna. Geiri bætir við að þau hafi
farið barnlaus út og því getað unnið
eins og skepnur. „Á tímabili vann ég
við akstur og viðgerðir í námum fyrir
norðan Perth, átta vikur í einu og frí í
viku á milli, en þar af fóru tveir dagar
í rútuferðir heim og til baka.“
Skömmu eftir að Helgi Patrik,
sonur þeirra, fæddist fóru þau í frí til
Íslands 1974 og fluttu síðan til
Reykjavíkur í árslok 1975. Þau seldu
eignir sínar í Ástralíu og tóku upp
þráðinn þar sem frá var horfið í
Reykjavík. Dóttirin Katrín fæddist
og þau undu hag sínum vel. „Við
höfðum ekki yfir neinu að kvarta,
töldum samt að við hefðum betri
tækifæri í Ástralíu og snerum því aft-
ur þangað 1981,“ segir Geiri en börn-
in og fjölskyldur þeirra búa skammt
frá þeim. „Veðrið togaði í okkur,“
leggur Gunna áherslu á og vísar til
þess að sólardagarnir sé fleiri í Perth
en víða annars staðar.
Margir Íslendingar fluttu til Ástr-
alíu í lok sjöunda áratugarins. Þar
könnuðust þau við fólk sem greiddi
götu þeirra í fyrstu en annars höfðu
þau fljótlega lítið samband við Íslend-
inga og einbeittu sér að því að koma
undir sig fótunum.
Hjónin hafa komið nær árlega til
Íslands og ættingjar þeirra hafa oft
heimsótt þau. Geiri á tvö systkini á lífi
en foreldrar þeirra eru látnir. „For-
eldrar mínir heimsóttu okkur 14 sinn-
um,“ segir Gunna, sem á eina systur,
en bróðir þeirra dó fyrir 28 árum.
Móðir þeirra er látin en faðir þeirra
er 95 ára og á öldrunarheimili. Þau
voru í heimsókn á Íslandi á dögunum.
„Við flytjum ekki aftur, viljum vera
nálægt kengúrunum,“ segir Gunna.
„Við höfum haldið góðu sambandi við
ættingja og vini en það var mikið
gæfuspor fyrir okkur að flytja til
Ástralíu.“ Erfitt hafi verið fyrir fjöl-
skyldurnar að horfa á eftir þeim
tvisvar sinnum og í seinna skiptið
með börnin, en sambandið hafi aldrei
rofnað. „Lengi vel hringdi mamma í
okkur á hverjum morgni.“
Alltaf sólarmegin
- Geiri og Gunna enn í brúðkaupsferðinni til Ástralíu 1969
Morgunblaðið/Árni Sæberg
Á Íslandi Hjónin Guðrún Katrín Ingimarsdóttir og Ásgeir Helgason.
Í Ástralíu Fjölskylda Geira og Gunnu um jólin í Perth í fyrra.