Morgunblaðið - 22.09.2022, Qupperneq 24

MORGUNBLAÐIÐ FIMMTUDAGUR 22. SEPTEMBER 2022
Gunnlaugur Snær Ólafsson
gso@mbl.is
„Sjávarútvegssýningin hefur farið
einstaklega vel af stað og mikill
fjöldi gesta leggur leið sína á hana,
bæði innlendir og erlendir. Svo var
ég að frétta að mjög stórir hópar
koma úr sjávarbyggðum eins og
Dalvík og Vestmannaeyjum. Maður
finnur að fólkið í sjávarbyggðunum í
kringum landið er á leiðinni,“ segir
Ólafur M. Jóhannesson, fram-
kvæmdastjóri Ritsýnar, sem heldur
sýninguna Sjávarútvegur 2022 í
Laugardalshöll.
Ólafur opnaði sýninguna form-
lega í gær en henni lýkur á föstu-
dag.
Hann segir gríðarlega eftirvænt-
ingu hafa verið í aðdraganda sýn-
ingarinnar. „Ég
hitti sjómenn
sem voru búnir
að taka sér frí til
að koma hingað.
Það er mjög mik-
ill áhugi og það
er svo margt
hérna sem snert-
ir líf sjómannana,
öll þessi tækni og
fleira.“ Bendir
hann á fjölda nýjunga sem kynntar
eru á sýningunni, svo sem sjálfvirka
fiskvinnsluvél frá Akureyri, nýja
vog sem stjórnað er snertilaust og
þokuhreinsunartæki.
Einnig er á sýningunni sérstök
sendinefnd frá Möltu undir forystu
Alicia Bugeja Said, matvæla-
ráðherra landsins, sem sýnir sjávar-
útvegi Íslendinga mikinn áhuga, að
sögn Ólafs.
Á annan tug þúsunda gesta
Góð stemning er á sýningunni
fullyrðir Ólafur og lofar gestum
skemmtilegri upplifun. Hann segist
ekki vita hver endanleg aðsókn
verður á sýninguna en segir að gera
megi ráð fyrir vel á annan tug þús-
unda gesta.
Samhliða opnun sýningarinnar í
gær voru veittar viðurkenningar.
Vigfús Vigfússon, sem gerir út
Dögg SU-18, var útnefndur trillu-
karl ársins af Landssambandi smá-
bátaeigenda. Nýsköpunarfyrirtækin
Sidewind og Alvar fengu viðurkenn-
ingu frá Íslenska sjávarklasanum og
Síldarvinnslan hlaut viðurkenningu
Samtaka fyrirtækja í sjávarútvegi.
Sýningin fari vel af stað
- Mikill fjöldi streymir í Laugardalshöll á sýninguna Sjáv-
arútveg 2022 - Sendinefnd frá Möltu - Margar nýjungar
Morgunblaðið/Eggert
Viðurkenningar Við afhendingu f.v. Örn Pálsson, Gunnþór Ingvason, Selma Dögg Vigfúsdóttir, Ragnar Ólafsson,
Heiðrún Lind Marteinsdóttir, Svandís Svavarsdóttir, María Kristín Þrastardóttir og Óskar Svavarsson.
Ólafur M.
Jóhannesson
Skeifunni 8 | Sími 588 0640 | casa.is
Opið virka daga 10-18, laugardaga 11-15
ítölsk hönnun – ítölsk framleiðsla
Casa býður upp á vaxtalausar raðgreiðslur (Visa / Euro) í allt að 6 mánuði.
L 206 cm Áklæði ct. 86 Verð 759.000,-
L 206 cm Leður ct. 25 Verð 899.000,-
STAN Model 3035 rafmagn
ELTAK sérhæfir sig
í sölu og þjónustu
á vogum
Bjóðum MESTA úrval
á Íslandi af smáum
og stórum vogum
Hraðfrystihúsið Gunnvör (HG) í
Hnífsdal hefur sagt upp þrettán
manna áhöfn Stefnis ÍS-28 og verður
útgerð skipsins hætt. Fyrirtækið
kveðst í tilkynningu ætla að reyna
eins og unnt er að finna störf fyrir
skipverjana á öðrum skipum félags-
ins. Ástæða uppsagnanna er sögð nið-
urskurður í útgefnum aflaheimildum.
„Úthlutað aflamark í þorski hefur
dregist saman um 23% á síðustu
tveimur fiskveiðiárum. Aflaheimildir
H-G hf. dragast saman um 1.200 tonn
við það. Einnig hefur orðið veruleg
skerðing í úthlutuðu aflamarki í gull-
karfa, sem hefur verið mikilvæg teg-
und í útgerð Stefnis. Í ljósi þessa hef-
Áhöfninni á Stefni
ÍS-28 sagt upp
ur verið ákveðið að hætta útgerð
Stefnis. Með þeirri aðgerð mun
rekstrargrundvöllur annarra skipa
félagsins styrkjast,“ segir í tilkynn-
ingu á vef HG.
Þá segir að uppsögn þeirra 13 sem
um ræðir gildi frá áramótum. „Út-
gerðin mun leitast við að útvega
þeim, sem missa vinnuna, störf á öðr-
um skipum félagsins eins og kostur
er.“
Stefnir ÍS 28 var smíðaður í
Flekkefjord í Noregi árið 1976 fyrir
Flateyringa og bar fyrst nafnið Gyllir
ÍS 261. Skipið var keypt til Ísafjarðar
í ársbyrjun 1993 og hefur verið gert
út frá Ísafirði í nær 30 ár.
Gunnlaugur Snær Ólafsson
gso@mbl.is
„Það sem mér fannst áhugaverðast
var hversu margar línur við fundum
á Reykjaneshrygg og hversu lítið af
almennu rusli eins og plasti, dósum
og þess háttar fannst á þeim svæð-
um sem við skoðuðum,“ segir Petrún
Sigurðardóttir, líffræðingur hjá
Hafrannsóknastofnun. Hún hefur
skráð og gert samantekt á því rusli
sem finnst á hafsbotni umhverfis Ís-
land.
Petrún flytur í dag erindið: „Rusl
á hafsbotni við Ísland: Samantekt á
skráningu rusls við kortlagningu bú-
svæða á hafsbotni 2004-2019“ í höf-
uðstöðvum Hafrannsóknastofnunar.
„Í rauninni er ekki skrítið að við
skulum hafa fundið svona mikið af
veiðarfærum, þar sem svæðin sem
við skoðuðum voru einkum fisk-
veiðisvæði þar sem sjómenn höfðu
gefið upplýsingar um að kóral gæti
verið að finna. Ekki er óalgengt að
veiðarfæri festist í kóral og grjóti,
enda fundum við mikið af ummerkj-
um um það,“ útskýrir hún.
Ljósmynd/Hafró
Hafsbotn Algengt er að veiðarfæri
festist í kórali og steinum.
Rætt um rusl
á hafsbotninum
- Veiðarfæri finnast víða
Afurðaverð á markaði
21. september,meðalverð, kr./kg
Þorskur, óslægður 478,45
Þorskur, slægður 514,25
Ýsa, óslægð 328,31
Ýsa, slægð 287,33
Ufsi, óslægður 234,86
Ufsi, slægður 266,65
Djúpkarfi 166,00
Gullkarfi 292,73
Blálanga, óslægð 182,67
Blálanga, slægð 270,14
Langa, óslægð 311,62
Langa, slægð 346,52
Keila, óslægð 122,86
Keila, slægð 99,56
Steinbítur, óslægður 163,35
Steinbítur, slægður 330,34
Skötuselur, slægður 522,07
Skarkoli, óslægður 255,00
Skarkoli, slægður 509,19
Þykkvalúra, slægð 470,41
Langlúra, óslægð 296,14
Langlúra, slægð 221,02
Sandkoli, óslægður 123,66
Sandkoli, slægður 88,13
Skrápflúra, óslægð 2,27
Gellur 1.242,00
Hlýri, óslægður 286,21
Hlýri, slægður 295,52
Lúða, slægð 456,11
Lýsa, óslægð 78,06
Lýsa, slægð 123,42
Náskata, slægð 119,50
Skata, slægð 120,00
Stórkjafta, slægð 278,77
Tindaskata, óslægð 18,11
Undirmálsýsa, óslægð 8,03
Undirmálsýsa, slægð 60,40
Undirmálsþorskur, óslægður 119,90
Undirmálsþorskur, slægður 82,56