Morgunblaðið - 22.09.2022, Qupperneq 41

ur gat auðveldlega gleymt stund
og stað. Og hver man ekki eftir
meistaraverkinu „Tuttugu tillit til
Jesúbarnsins“ eftir franska tón-
skáldið Olivier Messiaen sem
Anna flutti í Langholtskirkju í til-
efni af fimmtugsafmæli sínu árið
2008. Það var stór stund og
ógleymanleg.
Nú er söngurinn hljóður og horfinn,
aðeins hljómar frá bjöllunnar klið.
Allt er hljótt yfir langferða leiðum
þess er leitar að óminni og frið.
(Freysteinn Gunnarsson)
Nú er komið að leiðarlokum og
við félagarnir í kórnum þökkum
Önnu Guðnýju fyrir samstarfið og
fyrir að vera ein af okkur í leik og
starfi. Hennar verður ávallt
minnst með mikilli virðingu.
Elsku Siggi, börn og fjölskylda,
megi góður guð styrkja ykkur öll.
Fyrir hönd Karlakórs Reykja-
víkur,
Friðrik S. Kristinsson,
söngstjóri.
Fallin er frá í blóma lífsins lista-
konan góða Anna Guðný Guð-
mundsdóttir píanóleikari.
Við fráfall hennar er stórt skarð
höggvið í forystusveit íslenskra
tónlistarmanna. Hún kom víða
fram, gerði alla hluti vel, var góður
listamaður sem vandaði til verka í
hvívetna í öllu því sem fyrir hana
var lagt. Hennar er sárt saknað.
Eiginmanni hennar, Sigurði
Ingva Snorrasyni, ættingjum
hennar og vandamönnum öllum
sendum við okkar innilegustu
samúðarkveðju.
Ágústa og Jónas
Ingimundarson.
Söknuðurinn er sár, skarðið er
stórt, en þakklætið er mikið fyrir
að hafa átt slíka samferðakonu í
áratugi og fengið að njóta þess að
vinna með henni við ótal tækifæri.
Ég sendi mínar innilegustu
samúðarkveðjur til Sigurðar
Ingva, barna og barnabarna og
annarra fjölskyldumeðlima og
vina.
Guðný Guðmundsdóttir.
Anna Guðný, samstarfssystir
til rúmlega 40 ára, akkeri mitt og
klettur í tónlistinni, er horfin í ljós-
ið til að kanna guðdómlegan fugla-
söng í paradís. Leiðir okkar lágu
fyrst saman innan veggja Guild-
hall School of Music and Drama. Í
örvandi og hvetjandi andrúmsloft-
inu þar sugum við í okkur áhrifin.
Þar upphófst líka djúp vinátta og
slógu hjörtu okkar í takt músík-
lega. Við æfðum og ófum marglita
strengi, féllum kylliflatar fyrir li-
taskölum og andagiftinni í tónmáli
Messiaens. Margt annað var próf-
að daginn út og inn. Þetta voru ár
blóðs, svita og tára. Engin mis-
kunn, við vissum að æfingin meitl-
ar meistarann. Af næmi og fag-
mennsku kafaði Anna djúpt í leit
að fullkomnun þegar hún réðst til
atlögu við áskorun lífs síns, verkið
„Tuttugu tillit til Jesúbarnsins“.
Hvernig höndum hún fór um það
verkefni er lýsandi fyrir vinnu-
semi og skilning Önnu á listinni.
Hæfileikar hennar voru ótvíræðir
og spilamennskan óaðfinnanleg.
Eins ólíkar og við vorum bar aldr-
ei skugga á okkar gifturíka sam-
band. Alltaf sat hún hnakkakerrt
við hljóðfærið eins og upplýst
stuðlaberg. Ekkert hreyfðist
nema liprir fingurnir sem hlupu
upp og niður hljómborðið, á með-
an ég galopnaði hjartað og jós úr
skálum sönggleðinnar. Stundum
gat augnablikið orðið „háspenna/
lífshætta“, sérlega þar sem söng-
konan er hálfheyrnarlaus! Þannig
mótuðum við og lærðum hvor á
aðra og tókum oft flugið upp í
hæstu hæðir. Eitt sinn áttum við
að mæta í flug til Ísafjarðar, Anna
mætti á undan út á völl. Ég hafði
sofið yfir mig, endasentist í nátt-
fötunum á flugvöllinn, en sá vélina
takast á loft með Önnu innan-
borðs. Hún varð veðurteppt í
fimm daga, án mín! Þar kenndi
hún mér að stundvísi borgar sig.
Allt sem við höfum upplifað saman
í tónlistinni og lífinu er ég óend-
anlega þakklát fyrir. Alla tón-
leikana og uppákomurnar um víða
veröld, í sölum heimsins eða þegar
við fórum í flesta grunnskóla
landsins með tónlist fyrir alla, þá
snarbreyttust krakkarnir í litlar
Næturdrottningar í morgunsárið,
hvílík var upplifun þeirra. Eitt
sinn í byrjun ferilsins héldum við
með áætlunarrútu í söngferð
norður í land, þótti okkur frekar
dræm mæting, en komumst að því
að þetta var í miðjum hestarétt-
um! Okkur leið svolítið eins og við
værum „Tvær úr Tungunum“!
Samstarf okkar spannar allt litróf
tónbókmenntanna. Hvílíkt ferða-
lag; gleði og gjöf lífsins að hafa
haft Önnu samferða við að koma
skilaboðum tónlistargyðjunnar til
umheimsins.
Ástarþakkir himinhæða elsku
Siggi og fjölskyldan öll fyrir Önnu.
Sigrún Hjálmtýs-
dóttir (Diddú).
Anna Guðný Guðmundsdóttir
píanóleikari er látin. Stórt skarð
er nú höggvið í fremstu raðir ís-
lenskra tónlistarmanna. Anna
Guðný var píanóleikari í hæsta
gæðaflokki og kom mjög víða við í
íslensku tónlistarlífi, bæði sem
einleikari, meðleikari og píanó-
leikari Sinfóníuhljómsveitar Ís-
lands um árabil. Ég var svo hepp-
inn að njóta hjálpar hennar við
kennslustörf mín, bæði við Tón-
listarskólann í Reykjavík og
Listaháskóla Íslands. Þeir nem-
endur sem báru gæfu til að vinna
með henni munu aldrei gleyma
þeirri alúð, samviskusemi og inn-
blæstri sem hún lagði í hvern ein-
asta nemanda. Svona var allur
hennar ferill. Hann einkenndist af
ótrúlegri kunnáttu, natni og góð-
vild. Hún hafði stórkostlegt vald á
hljóðfærinu, syngjandi tón, skýr-
leika og fallega mótun á hending-
um. En öll þessi gæði flytjandans,
Önnu Guðnýjar, komu ekki fyrir-
hafnarlaust. Að baki lá gífurleg
vinna og eljusemi. Þegar ég lít yfir
feril hennar síðustu fjörutíu ár er
erfitt fyrir mig að skilja afköst
hennar. Það er ekki ofmælt að
segja að hún hafi afkastað tveggja
manna framlagi í þágu tónlistar og
menningar á Íslandi. Í erfiðum
veikindum hennar var Sigurður
Ingvi sá klettur sem aldrei hagg-
ast.
Það er með sorg og söknuði í
hjarta að ég kveð þessa einstöku
konu, sem gaf svo mikið.
Sigurði Ingva og fjölskyldum
þeirra beggja sendi ég mína inni-
legustu samúðarkveðju.
Gunnar Kvaran.
Það var eins og birti til þegar
Anna Guðný settist við hljóðfærið.
Útgeislun, fágun og virðing fyrir
viðfangsefninu gerðu stundina eft-
irminnilega.
Það var mikið gæfuspor fyrir
Karlakór Reykjavíkur þegar hún
gerðist meðleikari kórsins og tók
við af sæmdarkonunni Guðrúnu A.
Kristinsdóttur. Samstarf Önnu
Guðnýjar og Friðriks S. Kristins-
sonar, stjórnanda kórsins, var ein-
staklega farsælt í þrjá áratugi.
Eldri félagar í Karlakór Reykja-
víkur nutu einnig samstarfs við
þau Friðrik og Önnu Guðnýju og
ógleymanleg varð afmælisferð
kórsins til Vestfjarða, þar sem
Sigurður Ingvi, eiginmaður henn-
ar, var einnig með.
Ég var svo lánsamur að kynn-
ast foreldrum Önnu Guðnýjar, Aa-
got Árnadóttur og Guðmundi
Halldórssyni, mætum heiðurs-
hjónum og mannkostir þeirra
höfðu sannarlega skilað sér til
dótturinnar. Harmur þeirra á
háum aldri er mikill.
Kæri Sigurður Ingvi Snorra-
son. Enn man ég úr Karfavogi 21,
þegar þið bræður og foreldrar
tókuð lagið á aðfangadagskvöldi
svo hljómaði milli hæða. Svona
geymast minningar.
Innilegar samúðarkveðjur til
ykkar allra.
F.h. eldri félaga í Karlakór
Reykjavíkur,
Reynir Ingibjartsson.
Önnu Guðnýju Guðmundsdótt-
ur kynntist ég í Tónlistarskólan-
um í Reykjavík á áttunda áratugn-
um þar sem hún, ung
menntaskólastúlka, var í píanó-
námi, en ég nýkomin til starfa sem
fiðlukennari. Strax þá birtust þeir
eiginleikar sem síðar urðu aðals-
merki Önnu Guðnýjar bæði sem
píanóleikara og samstarfskonu,
einlæg gleði og áhugi á verkefn-
unum, næmi, vandvirkni, ná-
kvæmni og úthald.
Eftir framhaldsnám við Guild-
hall School of Music í London
sneri Anna Guðný heim og varð
mjög fljótt virkur píanóleikari og
kennari. Sem formaður Kammer-
sveitar Reykjavíkur hafði ég sam-
band við Önnu sumarið 1983 og
bauð henni að spila með okkur
Þorkeli Jóelssyni hornleikara Tríó
í Es-dúr op. 40 fyrir horn, fiðlu og
píanó eftir Johannes Brahms. Þar
hófst áratuga langt og gefandi
samstarf okkar Önnu Guðnýjar.
Óteljandi eru tónleikarnir þar sem
við tókum þátt saman á vegum
Kammersveitarinnar, í Reykja-
vík, víða um land og víða um heim.
Fyrir okkur báðar var samstarfið
við Paul Zukofsky sérstaklega
gefandi, en hann hvatti alltaf alla
til dáða. Anna Guðný tók þátt í
frumflutningi Kammersveitarinn-
ar á Íslandi á verki Oliviers Messi-
aens Frá gljúfrunum til stjarn-
anna árið 1989 undir stjórn
Zukofskys. Þar var grunnurinn
lagður að áhuga Önnu Guðnýjar á
verkum Messiaens. Hún átti síðar
eftir að tileinka sér þau og flytja á
eftirminnilegan og glæsilegan
hátt. Af óteljandi tónleikaferðum
okkar saman um heiminn er ferðin
til Kína haustið 1999 ógleymanleg
fyrir margra hluta sakir, m.a. þeg-
ar Anna Guðný fékk að æfa sig í
hljóðfærabúð í Nanking þar sem
við höfðum ekki aðgang að sal fyrr
en rétt fyrir tónleikana.
Ég kveð Önnu Guðnýju með
miklu þakklæti fyrir langt og far-
sælt samstarf og vináttu og bið
henni og fjölskyldu hennar Guðs
blessunar.
Rut Ingólfsdóttir.
Í dag kveðjum við í Karlakór
Reykjavíkur með miklum söknuði
og allt of snemma okkar yndislegu
Önnu Guðnýju Guðmundsdóttur,
píanóleikara kórsins til 30 ára.
Fyrstu tónleikar Önnu með kórn-
um voru árið 1984 um vorið, en pí-
anóleikari kórsins í 20 ár, Guðrún
A. Kristinsdóttir, hafði handleggs-
brotnað og var úr leik. Þetta var
rétt fyrir tónleikana og mjög
stuttur fyrirvari. Páll Pampichler
Pálsson söngstjóri kórsins fékk þá
ungan og efnilegan píanóleikara,
Önnu Guðnýju Guðmundsdóttur,
til að hlaupa í skarðið. Þá var
Anna aðeins 25 ára. Sex árum síð-
ar árið 1990 urðum við í kórnum
þeirrar gæfu aðnjótandi að fá
Önnu til liðs við okkur aftur og
upp frá því var hún píanóleikari á
árlegum vortónleikum kórsins í
hartnær 30 ár og í fjölmörgum
kórferðalögum bæði hér heima og
erlendis. Anna var sæmd heiðurs-
merki Karlakórs Reykjavíkur árið
2012. Það sem einkenndi spila-
mennsku Önnu og var svo hrífandi
var þessi mikla reisn þegar hún
settist við flygilinn og töfraði fram
tónana af þvílíku listfengi að mað-
MINNINGAR 41
MORGUNBLAÐIÐ FIMMTUDAGUR 22. SEPTEMBER 2022
Ástkær faðir okkar, tengdafaðir og afi,
ATLI SIGURÐSSON
bóndi,
Ingjaldsstöðum,
Þingeyjarsveit,
sem lést á Landspítalanum í Fossvogi
föstudaginn 9. september, verður jarðsunginn í Þorgeirskirkju
laugardaginn 24. september klukkan 13. Blóm og kransar
vinsamlegast afþakkaðir en þeim sem vilja minnast hans er
bent á Hollvinasamtök Þorgeirskirkju, reikningsnúmer
1110-15-201755, kt. 560119-2160.
Elma Atladóttir Þráinn Óskarsson
Ragna Atladóttir Guðmundur Sigfinnsson
Sigurður Atlason Berglind Gunnarsdóttir
og barnabörn
Innilegar þakkir fyrir auðsýnda samúð og
hlýhug við andlát og útför ástkærs
eiginmanns míns, föður, tengdaföður, afa
og bróður,
SIGURÐAR ÁSTRÁÐSSONAR,
Reyrhaga 14, Selfossi,
sem lést á dvalar- og hjúkrunarheimilinu Ási
í Hveragerði 16. júlí. Útförin fór fram frá Selfosskirkju
miðvikudaginn 27. júlí.
Guðný Bjarnadóttir
Ásta Björk Sigurðardóttir Willy Blumenstein
Sigurður Bjarki Blumenstein
Sólon Blumenstein
Valgeir Ástráðsson Emilía Björg Möller
Herdís Ástráðsdóttir Þorvaldur Sigurðsson
Ástkær eiginmaður minn, faðir okkar,
tengdafaðir og afi,
EINAR ORRI DAVÍÐSSON
myndasmiður,
lést á krabbameinsdeild Landspítala
miðvikudaginn 14. september.
Útför fer fram frá Seljakirkju föstudaginn 23. september
klukkan 13. Blóm og kransar vinsamlegast afþakkaðir en þeim
sem vilja minnast Einars er bent á Ljósið.
Helga Klara Alfreðsdóttir
Tómas Orri Einarsson Heba Laufdal Hansdóttir
Anna Einarsdóttir Róbert Traustason
Karl Einarsson Birgitta Saga Jónsdóttir
og afabörn
Elskulegur eiginmaður minn, bróðir,
fósturfaðir og afi,
GÚSTAV KRISTJÁN GÚSTAVSSON
rafeindavirkjameistari,
Skipalóni 5, Hafnarfirði,
lést á Landspítalanum Fossvogi
fimmtudaginn 15. september. Jarðarförin fer fram frá
Hafnarfjarðarkirkju mánudaginn 26. september klukkan 13.
Margrét Sólveig Ólafsdóttir
Ásdís Heiðdal Gústavsdóttir
Berglind Gerða Libungan Bjarni Berg Elfarsson
Lísa Anne Libungan Kjartan Benediktsson
Sindri Fannar Ólafsson Corinna Spruch
Daníel Pálmar Ólafsson
og barnabörn
Ástkær eignkona mín og móðir okkar,
GUÐRÍÐUR GUÐMUNDSDÓTTIR,
Didda,
lést laugardaginn 17. september á
Landakoti. Hún verður jarðsungin frá
Fríkirkjunni í Reykjavík þriðjudaginn
27. september klukkan 13.
Ragnvald Larsen
Garðar, Gróa Erla, Anna María, Kristín Ragnhild
og ástvinir
Elsku sonur okkar, bróðir og dóttursonur,
JONNI SMÁRASON,
Bríetartúni 26,
varð bráðkvaddur á heimili sínu
miðvikudagskvöldið 7. september.
Útför hefur farið fram í kyrrþey.
Jóhanna Sigurjónsdóttir Smári Jónsson
Jóna Dögg Smáradóttir
Jóna Magnúsdóttir
Ástkær móðir okkar, tengdamóðir, amma,
langamma og langalangamma,
SIGRÍÐUR KARÓLÍNA JÓNSDÓTTIR,
fyrrverandi bóndi á Mið-Grund
undir Eyjafjöllum,
lést þriðjudaginn 20. september á
hjúkrunarheimilinu Kirkjuhvoli Hvolsvelli.
Jarðarförin verður auglýst síðar.
Þorgerður J. Guðmundsd. Viðar Bjarnason
Kristín Á. Guðmundsdóttir Diðrik Ísleifsson
Bára Guðmundsdóttir Lárus Hjaltested
Róbert Bragi Guðmundsson
Jóhann B. Guðmundsson Thongmat Nonthakhamjan
Guðbjörg Guðmundsdóttir Halldór Valdemarsson
barnabörn, barnabarnabörn og barnabarnabarnabörn
Elsku pabbi okkar, tengdapabbi,
afi og langafi,
YNGVI ÖRN GUÐMUNDSSON,
Jófríðarstaðavegi 7, Hafnarfirði,
lést föstudaginn 16. september.
Útför hans fer fram frá Hafnarfjarðarkirkju,
mánudaginn 3. október klukkan 14.
Blóm og kransar vinsamlegast afþakkaðir.
Ingibjörg Lydía Yngvadóttir
Aldís Yngvadóttir Jón Þór Þorgrímsson
Yngvi Jósef Yngvason Þórdís Ósk Rúnarsdóttir
Eyjólfur, Daði, Andri, Hugrún, Gígja, Signý, Kristófer Rúnar
og langafabarn
Innilegar þakkir fyrir auðsýnda samúð og
hlýhug vegna andláts og útfarar ástkærs
eiginmanns míns, föður, tengdaföður, afa
og langafa,
IBSENS ANGANTÝSSONAR
skipstjóra,
Njarðarvöllum 6, Reykjanesbæ.
Hulda Guðmundsdóttir
Davíð Ibsen, Matthildur Sigríður Jónsdóttir
Ríkharður Ibsen, Stella Norðdal Gísladóttir
Marteinn Ibsen, Astrid María Dahl Reynisdóttir
barnabörn og barnabarnabörn