Morgunblaðið - 22.09.2022, Page 44

44 DÆGRADVÖL
MORGUNBLAÐIÐ FIMMTUDAGUR 22. SEPTEMBER 2022
Fiskislóð • Bíldshöfði • Smáratorg • Helluhraun • Baldursnes
www.gaeludyr.is
MEÐ SJÁLFBÆRNI
AÐ LEIÐARLJÓSI
Stjörnuspá
21. mars - 19. apríl ,
Hrútur Þú átt gott með að átta þig á hlut-
um með því að beita vitsmunum þínum og
rökhyggju en stundum er nauðsynlegt að
láta innsæið ráða.
20. apríl - 20. maí +
Naut Þú ert undir þrýstingi til að taka
ákvörðun í vissum aðstæðum. Leitaðu álits
annarra því það mun gagnast þér.
21. maí - 20. júní 6
Tvíburar Taktu ekki gagnrýni óstinnt upp.
Láttu það ekki koma þér úr jafnvægi þótt
hlutirnir gangi ekki fyrir sig nákvæmlega
eins og þú hafðir hugsað þér.
21. júní - 22. júlí 4
Krabbi Til er ráð við kvíðanum sem þú
upplifir og í því felst meðal annars blað og
penni. Bjartar hugsanir hjálpa þér við að
halda sól í sinni.
23. júlí - 22. ágúst Z
Ljón Ekki vera of yfirþyrmandi í sam-
skiptum þínum við smáfólkið í dag. Reyndu
að halda ró þinni, þótt mikið gangi á.
23. ágúst - 22. sept. l
Meyja Yfirmenn og aðrir ráðamenn reyna
oft á sjálfsálitið. Það er erfitt að láta það
ekki á sig fá. Sláðu á létta strengi til að
bætaandrúmsloftið.
23. sept. - 22. okt. k
Vog Þú ert ómótstæðilega heillandi – og
ómögulegt að spilla þínu góða skapi.
Leyfðu þér að njóta lífsins.
23. okt. - 21. nóv. j
Sporðdreki Það getur haft örlagaríkar af-
leiðingar að skipta sér af málum sem ekki
eru á manns færi. Fólk misskilur hvert ann-
að auðveldlega í dag.
22. nóv. - 21. des. h
Bogmaður Þú ert í harðri samkeppni og
verður að leggja mikið á þig til þess að
standast hana og koma þínum málum í
höfn.
22. des. - 19. janúar @
Steingeit Fólk sýnir þér góðvild í dag.
Reyndu að komast að því hvers það þarfn-
ast og útvegaðu það þannig að það veki
lukku.
20. jan. - 18. febr. ?
Vatnsberi Þú þarft ekkert að fyrirverða þig
fyrir tilfinningar þínar, ef þær eru sannar og
án sársauka fyrir aðra. Haltu áfram á sömu
braut.
19. feb. - 20. mars =
Fiskar Þú færð góðar hugmyndir um
hvernig þú getur verið eigin atvinnurekandi
eða varðandi sérverkefni sem færa þér fé.
Fáðu þína nánustu í lið með þér og þá
heppnast allt vel.
D
avíð Sigurðsson fædd-
ist 22. september
1982 á Akranesi og
ólst upp fyrstu árin í
Þorlákshöfn og á
Þórustöðum í Ölfusi. Fjölskyldan
flutti að Hellubæ í Hálsasveit þeg-
ar hann var þriggja ára og bjó
hann þar út grunnskólagönguna.
„Ég var síðan með annan fótinn
í Skagafirði eftir grunnskóla og
var í tvö ár bæði í fjölbrautaskóla
og í vinnu á bílaverkstæði en hafði
verið vinnumaður á Skefilsstöðum
á Skaga í fjögur sumur eftir ferm-
ingu hjá yndislegum hjónum, þeim
Búa Vilhjálmssyni og Margréti
Viggósdóttur. Ég fór því næst aft-
ur heim í Borgarfjörðinn og vann
við byggingarvinnu, vélavinnu og
tók eitt ár í Bændaskólanum á
Hvanneyri.
Ég nældi svo í eiginkonu mína
hana Sigríði 2001 og saman fórum
við í Fjölbrautaskóla Vesturlands
haustið 2005 að klára okkar nám.
Vorið 2007 útskrifuðumst við bæði
sem stúdentar en ég einnig sem
vélvirki.“
Síðan þá hefur Davíð starfað
sem vélvirki við járnblendið á
Grundartanga, keypti ásamt föður
sínum 2013 dekkjaverkstæði og
smurstöð í Borgarnesi sem hann
starfaði á og rak þar til í fyrra
ásamt því að vera landbúnaðar-
verktaki síðustu árin með eigin
bústörfum.
„Ég sá um ásamt góðum hópi
manna að viðhalda varnargirðingu
sauðfjárveikivarna milli Borgar-
fjarðar og Húnavatnssýslna frá
2006-2020 en við kölluðum okkur
Gaddavírsbandalagið.“
Davíð hefur verið mikið viðloð-
andi félagsstörf síðasta áratuginn
eða svo. Hann var formaður Fé-
lags sauðfjárbænda í Borgarfirði í
fjögur ár og formaður Búnaðar-
félags og Ræktunarsambands
Þverárþings í fjögur ár. Hann var
kosinn í sveitarstjórn Borgar-
byggðar 2018 og svo aftur í vor og
situr nú sem formaður byggðar-
ráðs.
„Við höfum búið í Miðgarði
meira og minna síðan 2005 og
Davíð Sigurðsson, bóndi, sveitarstjórnarmaður og vélaverktaki – 40 ára
Í Þverárrétt Davíð, Sigríður og Skarphéðinn Karl ásamt systkinum og systkinabörnum Sigríðar.
Smalamennskan í fullum gangi
Yngsti sonurinn Skarphéðinn Karl, á hestinum sínum, sem heitir Fyrstur.
Hundurinn Maríó fylgir á eftir þeim á heimreiðinni í Miðgarð.
Afmælisbarnið Davíð situr í
sveitarstjórn Borgarbyggðar.
Sigrún Þorsteinsdóttir fæddist 22.
september 1922 að Hörðubóli í Mið-
dölum, Dalasýslu. Foreldrar hennar
voru Þorsteinn Jónsson, f. 1874, d.
1966, og Jóna Elín Snorradóttir, f. 1896,
d. 1971.
Sigrún giftist fyrri eiginmanni sín-
um, Vilhjálmi Friðrikssyni, 1942 og slitu
þau samvistum. Hann lést árið 1996.
Börn þeirra eru Dagný Heiða, f. 1942,
Friðjón Ágúst, f. 1944, Jón Steinar, f.
1945, og Una, f. 1949. Seinni eigin-
maður Sigrúnar var Ársæll Hannesson,
f. 1929, d. 2020. Börn þeirra eru Ásdís
Lilja, f. 1955, Dóra Bryndís, f. 1957,
Hannes Grétar, f. 1958, og Guðgeir Eið-
ur, f. 1960.
Fyrstu ár ævinnar flutti Sigrún með
fjölskyldu sinni á milli nokkurra staða.
„Efst í minningunni er jörðin Glæsivellir
í Miðdölum, vorum við þar í nokkur ár.
Að síðustu var flutt að Svalbarða í
sömu sveit (1936-1956). Þar bjuggu
þau meðan þau höfðu heilsu og getu til
að vera með skepnur sem var þeirra lifi-
brauð. Þar voru tvær kýr og kindur sem
ég man ekki hvað voru margar.
Það fór nú ekki mikið fyrir skóla-
göngu, ég lærði að lesa, reikna og skrifa
heima og það bóklega var ekki upp á
marga fiska. Farkennsla var nokkra
mánuði á vetri hverjum sem var á heim-
ilum þar sem börn voru 10-12 ára.
Eftir unglingsaldur vann ég á sím-
stöðinni í Búðardal og líkaði það vel.
Svo tók alvara lífsins við með eigin-
manni og börnum, en við bjuggum t.d.
um tvö ár á Svínhóli í Miðdölum. Eftir
smá flakk í u.þ.b tvö ár þá slítum við
Vilhjálmur samvistum. Basl er búskap-
ur stendur einhvers staðar og þá var
enga aðstoð að fá frá því opinbera.
Þurftum við að koma börnum fyrir hjá
góðu fólki, en það yngsta var hjá mér.
Það tók á en harður er lífsins skóli.“
Sigrún réðist í vinnu austur í Grafn-
ingi með ársgamla dóttur sína og þar
kynntist hún seinni eiginmanni sínum,
Ársæli Hannessyni. Fluttist hún til hans
þegar þau fóru að búa á Stóra-Hálsi í
Grafningi, þaðan sem hann var ættaður.
„Þar var blandaður búskapur kýr, kind-
ur, hænsni og tún ræktuð. Börnin fædd-
ust, íbúðarhús byggt og einnig útihús
og nóg að gera á báða bóga. Árin liðu,
börnin flugu úr hreiðri við eltumst og
heilsu okkar hrakaði. Á endanum flutt-
um við á hjúkrunarheimilið Ás í Hvera-
gerði þar sem eiginmaður minn féll frá
árið 2020. Og hér er ég að ná 100 ára
aldrinum.
Það sem angrar mig mest er að bæði
sjón og heyrn eru að fjara frá mér. En
þegar upp er staðið er ég þakklát fyrir
mig og mína.“ Afkomendur Sigrúnar
eru í dag 68 talsins.
Árnað heilla
100 ára