Morgunblaðið - 10.12.2022, Side 20

20 MORGUNBLAÐIÐ LAUGARDAGUR 10. DESEMBER 2022
Markmiðið aðhafa „sixpack“ fimmtugur
Þ
röstur svarar eldhress er
blaðamaður slær á þráðinn.
Hann er ekki lítið stoltur af
sjálfum sér þegar spurt er
hvernig hafi tekist að taka skrokk-
inn í gegn, enda má hann vera
hreykinn af því að hafa náð algjör-
um viðsnúningi í heilsufarinu.
Eins og hjá öllum hefur lífið í
för með sér sínar áskoranir og var
Þresti töluvert niðri fyrir fyrr á
árinu. Hann segist hafa komið að
tímamótum og áttað sig á því að
eitthvað þyrfti að gera. „Ég var
að hætta með barnsmóður minni
og þá var bara spurning um að
vera bara fitubolla eða fara í átak
og fara í gegnum algjörra hugar-
farsbreytingu. Ég var orðinn allt
of þungur og þurfti að breyta til.
Kominn á fertugsaldurinn og komst
bókstaflega ekki í sokkana, ég pass-
aði ekki í buxurnar. Ég var kominn
í þrjú XL og sagði við sjálfan mig:
Þetta bara gengur ekki lengur.“
Hrikalega erfitt að byrja
Þann 10. júní síðastliðinn hóf
Þröstur vegferðina og segir hann
hugarfarsbreytingu lykilatriðið.
„Ég breytti mataræði, tók upp
hreyfingu og fór að fasta. […]
Þremur mánuðum og þremur
vikum seinna var ég búinn að taka
af mér þrjátíu kíló.“
Þetta var þó ekki eintómur
dans á rósum en mikilvægt sé að
gera það sem maður getur gert
fremur en að gera ekki neitt. „Það
er hrikalega erfitt að byrja. Ég
hugsaði með mér að ég myndi byrja
á að labba tvo kílómetra og var í 26
mínútur að taka þá. Svo hugsaði
ég með mér að reyna alltaf að vera
aðeins fljótari og aðeins mánuði
seinna var ég bara 11 mínútur að ná
tveimur kílómetrum.
Ég ætlaði að byrja á að taka arm-
beygjur gat ég ekki tekið þrjár. Ég
tók tvær og gafst upp. Svo hugsaði
ég að ég myndi taka tíu yfir daginn.
Núna þegar ég er úti á sjó eru átta
tíma vaktir og ég er að taka 400
armbeygjur á hverri einustu vakt.
Ég byrjaði bara rólega í tíu, svo
fimmtíu og er nú kominn í 400. Því
meira sem ég styrktist því meira
styrkist ég andlega og því meiri
get ég tekið á líkamanum. Þegar ég
byrjaði að hlaupa þá hófst það líka
rólega. Svo eftir tvo ánuði fór ég og
keypti þyngingarvesti og er núna
með um 12 til 16 kíló er að hlaupa
sjö kílómetra. Þetta hefur allt kom-
ið hægt og sígandi.“
Vaknar klukkan þrjú
Spurður hvort það sé ekkert því
til fyrirstöðu að halda sér í formi að
vera á sjó í krefjandi vaktavinnu,
svarar Þröstur því beitandi. „Þetta
er svo miklu betra úti á sjó því þá
ertu í svo mikilli rútínu. Í þessu
kerfi með átta tíma vaktir næ ég
alltaf að fara í ræktina og við erum
með frábæra rækt um borð. Þvílíkt
flott. Útgerðin er búin að vera
ótrúlega góð við okkur og sjá til
þess að við erum með góða rækt.
Brim hefur staðið sig hrikalega
vel í þessu. Ef það vantar eitthvað
í ræktina um borð kaupa þeir það
fyrir okkur.“
Hann viðurkennir að það getur
verið freistandi að evra góður við
sig eftir krefjandi vinnudag. „Já,
það er mjög algengt að menn fara
í sjoppuna til að ná sér í nammi
og fara í kojuna. Þeir gefa sér rosa
mikið frí. Ég gef mér bara ekkert
frí, ég fer frekar á æfingu. Ég er
með markmið um að vera fimm-
tugur með six-pack,“ segir Þröstur
og hlær.
Á dagvaktinni um borð vaknar
Þröstur ávallt klukkan þrjú og
tekur æfingu, heitan pott og gufu.
Vaktin hefst síðan klukkan átta.
Daginn eftir er það vaknað klukkan
tíu til að fara í ræktina á ný. „Ég
passa mig alltaf að taka æfingu á
hverjum degi. Það er alveg oft sem
mig langar ekki á æfingu, en þegar
rútínan er komin get ég mætt á
æfingu alveg sama hvað. Heima
er ég síðan með lóð og hjól úti í
bílskúr þannig að þar get ég tekið
alltaf tvær æfingar á dag, hjólið
á morgnanna og svo lyftingar í
hádeginu.“
Skipverjarnir um borð hafa
fylgst með árangri Þrastar og fyllst
hvatningu. „Félagarnir um borð
voru með miklar efasemdir fyrst
um að ég myndi ekki duga út tvo
mánuði því ég hef aldrei staðið við
neitt svona, en nú eru komnir sex
mánuðir og margir komnir með í
ræktina. Heilbrigðið smitar vel út
frá sér,“ staðhæfir Þröstur sem
bætir við að gríðarlega góð stemm-
ing sé um borð. „Þetta er bara
eins og fjölskylda. Þetta er alveg
ótrúlega góður hópur.“
Gólf er allt sem þarf
Þröstur segist hafa þurft að taka
mataræðið alveg í gegn og tók
upp á því að fasta, en í því felst að
borða bara milli tólf og átta. Hann
hrósar líka kokkunum á Helgu
Maríu. „Þeir útbúa heilsusamlegan
og góðan heimatilbúin mat. Það
hjálpar rosalega mikið þegar ekki
eru franskar við hvert mál.“
Jafnframt hafi hann eiginlega
ekkert sótt ræktina fyrr en í ágúst.
„Ég var bara að taka armbeygjur,
magaæfingar, hnébeygjur og upp-
hífingar [heima]. Það þarf engar
græjur til að byrja. Ef þú ert með
gólf heima hjá þá geturðu farið af
stað. Það er alltaf þessi afsökun
að ætla að byrja á morgun og fara
þá að kaupa kort í ræktina eða
eitthvað svoleiðis. Ég var þannig í
tíu ár.“
Hann segir ótvíræða kosti
fyrir sjómenn að koma sér í gott
líkamlegt ástand þó þeir þurfi
ekki endilega að vera í toppformi.
„Það munar svo mikið fyrir mig
í vinnunni að eftir að ég komst í
form hætti ég að finna til í öxlunum
og mjöðmunum. Allir verkir fóru.
Það er miklu minna álag í vinnunni,
maður er miklu liðugri og allt
miklu einfaldara.“
Þá sé einnig líkamleg heilsa
sjómanna ákveðið öryggismál. „Það
er mjög erfitt að bera 100 kílóa
meðvitundarlausan mann. Það
er alveg fjögurra manna verk. Í
Noregi þarftu að uppfylla ákveðinn
þyngdarstaðal, því öll mannopin og
lestaropin eru af ákveðinni stærð.
Ef þú ert of stór til að komast í
gegn færðu ekki vinu um borð. Síð-
an ef það kviknar í og þú ert ekki í
formi og þarft að sinna reykköfun
klárarðu súrefnið á einhverjum sjö
átta mínútum.“
Þröstur (t.h.) segist hafa verið kominn í mikla yfirvigt. Maðurinn er allt annar að sjá og segir sjómannsstarfið nú munn léttara.
Sjómaðurinn Þröstur
Njálsson á Helgu Maríu
RE hefur heldur betur
snúið við blaðinu og
er nú í betra formi en
í mörg ár. Hann segir
erfiða vinnu á sjó enga
afsökun til að láta
deigan síga og setur
markið á að vera fimm-
tugur með „sixpack“.
Gunnlaugur Snær Ólafsson
gso@mbl.is
Líkamsræktin um borð í Helgu Maríu er búin öllum þeim tækjum sem þörf er á.