Tímarit rafvirkja - 01.10.1951, Blaðsíða 4

AVARPSORÐ
fró fyrsta formanni félagsins
Fimtudaginn 20. maí 1926 var kallað saman til
fundar meðal starfandi rafvirkjasveina og nema
í húsi K. F. U. M. í Reykjavík, til að undribúa
stofnun fagfélags. Aður höfðu nokkrir, er mestan
áhuga höfðu, talast við á ýmsum stöðum er tæki-
færi gáfust. Einhugur virtist ríkja meðal fundar-
manna, er hlustuðu með athygli á ræðumenn, er
höfðu búið sig undir að beita málfimi sinni.
Má þar nefna: Jón Guðmundsson, Ogmund Sig-
urðsson, Jónas Guðmundsson, Hafliða Gíslason,
Einar Bachmann o. fl.
Á nefndum fundi voru kosnir menn til að undir-
búa næsta fund.
Föstudaginn 4. júní s. á. var síðan settur og
haldinn hinn skráði stofnfundur Rafmagnsvirkja-
félags Reykjavíkur er síðar hlaut nafnið Raf-
virkjafélag Reykjavíkur eða R. V. R. Á þessum
fundi, sem hinum fyrri, kom berlega fram eldmóð-
ur þó með framsýni, sömu og fleiri ræðumanna,
einnig þeirra er aðeins sögðu fá orð.
Nú hófst húsnæðishrakstímabil er stóð nær 3
ár og háði nokkuð framförum í félagsmálum. Al-
mennir fundir voru haldnir með tveggja eða
þriggja mánaða millibili en stjórnar og nefnda-
fundir oft viku eða hálfsmánaðarlega.
Allvel var því starfað að félagsmálum og meira
en flestir félagar höfðu hugmynd um fyrr en síðar.
Annar fundur félagsins var haldinn að Hótel
Heklu, þriðji að Hótel ísland, fjórði í Iðnskóla-
húsinu svo í Varðarhúsinu o. s. frv.
Á árinu 1930 var tekið, í eitt ár, á leigu her-
bergi í húsi Eimskipafélags íslands. Þar voru
haldnir félags- og stjórnarfundir, einnig (var þar
haldið) fyrirlestranámskeið í rafmagnsfræði er fé-
lagið gekkst fyrir. Kennarar voru færustu raf-
magnsverkfræðingar er völ var á. Sýndu þeir sér-
staka velvild og tóku lítið fyrir kennsluna.
í byrjun ársins 1927 var stofnað félag Rafvirkja-
meistara í Reykjavík og nokkru síðar gjörðir
kaup og kjarasamningar milli rafvirkjameistara
og rafvirkja.
Við þá samninga var einn af samningamönnum
fyrir hönd R. V. R. Jónas Guðmundsson, síðar
rafvirkjameistari. Kom hann þar fram með svo
mikili djörfung og festu að báðir aðilar töldu
honum mest hve hagkvæmir samningar tókust
fyrir R. V. R.
Á fyrstu fjórum—fimm árum Rafvirkjafélagsins
var mikið gjört til að skapa glögg náms og rétt-
indaskilyrði fyrir fagmenn, bæði hvað viðvék
námi og próftöku. Auðvitað hafa breyttir tímar
og viðhorf skapað breyttar reglur og kröfur en
mikið af því, er á þeim tíma var samþykkt, stend-
ur enn.
Hjá okkur, stofnendunum eru fyrstu starfsár
R. V.R. í minningaljóma um yfirstigna erfiðleika
og unna félags- og stéttarsigra, sem við vonum að
Félag íslenzkra Rafvirkja njóti góðs af og auki
og bæti.
í sept. 1951.
Hallgrímur Bachmann
2 TÍMARIT RAFVIRKJA