Fréttablaðið - 20.01.2023, Blaðsíða 16

Uppskriftin að
þessum snúðum er
ein sú fyrsta sem kom
inn á bloggið mitt og
hefur verið afar vinsæl,
þá sérstaklega í Covid
þegar hálft landið bakaði
þessa snúða.
Það sem hefur gert
minn mann glað­
astan á bóndadaginn er
þegar ég hef bakað handa
honum ameríska kanil­
snúða eða cinnabon sem
eru í allra uppáhaldi.
Eldhúsgyðjan og matar-
bloggarinn María Gomez
hefur ástríðu fyrir því að
útbúa ljúffengar kræsingar
við hvert tilefni fyrir sína og
bóndadagurinn er þar ekki
undantekning. María ætlar
að færa bónda sínum glóð-
volga og nýbakað snúða í
tilefni dagsins og dekra við
hann frá morgni til kvölds.
sjofn@frettabladid.is
María var spurð hvort hún gleðji
bónda sinn á þessum degi.
„Já, oftast, en það hefur þó
komið fyrir að ég hef hreinlega
gleymt bóndadeginum mér til
háborinnar skammar. Það sem
hefur gert minn mann glaðastan á
bóndadaginn er þegar ég hef bakað
handa honum ameríska kanil­
snúða eða cinnabon sem eru í allra
uppáhaldi. Uppskriftin að þessum
snúðum er ein sú fyrsta sem kom
inn á bloggið mitt og hefur verið
afar vinsæl, þá sérstaklega í Covid
þegar hálft landið bakaði þessa
snúða,“ segir María og brosir.
Ertu búin að ákveða hvað þú
ætlar að gera í tilefni dagsins fyrir
bóndann?
„Já, þetta árið ætla ég að bjóða
honum út að borða auk þess að
baka snúðana svo krakkarnir geti
líka glaðst á bóndadaginn en þau
elska líka þessa snúða. Ég hugsa að
ég bjóði honum á veitingastaðinn á
Grand Hótel sem er dulin perla, en
þar fæst allra besta nautalund með
bearnaise sem við höfum fengið,“
segir María og er orðin spennt að
njóta með sínum á bóndadaginn.
Cinnabon – amerískir
kanilsnúðar með kremi
285 g mjólk (1 bolli)
125 g sykur (½ bolli)
1 bréf eða 11 g af þurrgeri eða 30 g
pressuger en þá verða þeir enn
mýkri og léttari (fæst í kæli)
2 egg
80 g olía (⅓ bolli)
730 g af hveiti (4½ bolli)
1 tsk. salt
Snúðarnir gleðja
á bóndadaginn
María og eiginmaðurinn, Ragnar Már Reynisson, á góðri stundu. Hann á von á góðu dekri í dag. MYND/AÐSEND
Snúðarnir sem eru í miklu uppáhaldi hjá Ragnari.
Fylling
220 g púðursykur (1 bolli)
2½ msk. kanill
80 g smjör (⅓ bolli)
Kremið ofan á
125 g rjómaostur (1 dl)
60 g mjúkt smjör (¼ bolli)
260 g flórsykur (1½ bolli)
½ tsk. vanilludropar eða vanillu-
extrakt
Byrjið á að setja volga mjólk, sykur
og ger saman í hrærivélarskál og
hrærið létt saman með sleikju.
Látið standa í um 5 mínútur og
takið tímann. Setjið næst olíu
og egg út í og hrærið saman með
sleikju þar til vel blandað saman.
Bætið nú salti og hveiti út í og látið
hnoðast með króknum á vélinni.
Deigið er til þegar það er búið að
hringa sig utan um krókinn. Breiðið
næst stykki yfir deigið og látið
hefast í 30–40 mínútur á volgum
stað (má líka hefast lengur, alveg
í nokkra tíma þess vegna). Ég læt
það alltaf hefast yfir volgum mið­
stöðvarofni. Ef notað er pressuger
er betra að leyfa því að hefast í um
1 klukkustund. Athugið að deigið
hefast ekkert svakalega mikið og
er frekar þungt í sér, svo ekki hafa
áhyggjur af því. Ef pressuger er
notað hefast það mun meira.
Á meðan deigið er að hefast
útbý ég kremið og fyllinguna inn í
snúðana.
Fylling
Bræðið smjörið og blandið því svo
saman við kanilinn og púður­
sykurinn. Blandið vel saman.
Kremið ofan á
Ég hita smjörið ögn í örbylgjunni
til að mýkja það, ekki bræða það
alveg heldur bara að það verði vel
mjúkt. Svo hræri ég saman smjör­
inu, rjómaostinum og vanilludrop­
unum. Síðast set ég svo sykurinn
út í og hræri vel saman þar til silki­
mjúkt og kekkjalaust, líka ágætt að
gera með handþeytaranum.
Næsta skref
Þegar deigið er búið að hefast er
það flatt út í ferning. Ekki hafa
hann of þunnan né stóran, best að
hafa hann í þykkari kantinum, því
þá verða snúðarnir meira djúsí.
Setjið svo fyllinguna vel yfir allt
deigið. Rúllið síðan deiginu upp
í pulsu, og skerið í frekar þykka
bita, um það bil 5 sentimetra.
Raðið snúðunum í eldfast mót og
hafið pínu bil á milli svo þeir nái
allir að bakast í gegn, þeir munu
líka stækka og verða alveg klesstir
saman. Leyfið þeim að hefast
undir stykki í svona 10 mínútur
aftur ef vill, þarf samt ekki ef
þið viljið sleppa því. Bakið svo á
180–190°C blæstri í 15 mínútur.
Snúðarnir eiga að vera gullinbrún­
ir þegar þeir koma úr ofninum,
frekar ljósir. Passið að baka ekki of
mikið.
Setjið svo síðast rjómaosta­
kremið á snúðana sjóðandi heita
og berið fram heitt en það er lang­
best þannig. n
4 kynningarblað A L LT 20. janúar 2023 FÖSTUDAGUR