Fréttablaðið - 27.01.2023, Qupperneq 4

Við áttuðum okkur
ekki strax á því að um
flóð væri að ræða.
Þórdís Sif
Sigurðardóttir,
sveitarstjóri
Vesturbyggðar
Krapaflóð féll úr Geirseyrar­
gili á Patreksfjörð í gær­
morgun. Ofanflóðavarnir þar
eru í forgangi og munu rísa á
komandi árum.
kristinnhaukur@frettabladid.is
náttúruvá Krapaf lóð féll úr
Geirseyrargili á Patreksfjörð um
klukkan tíu í gærmorgun. Íbúum
var brugðið enda aðeins nokkrir
dagar síðan þeir minntust þeirra
sem létust í snjóflóðunum árið 1983.
„Við sátum inni á kaffistofu í ráð­
húsinu og heyrðum í flóðinu. Okkur
var brugðið. Við áttuðum okkur
ekki strax á því að um f lóð væri
að ræða,“ segir Þórdís Sif Sigurðar­
dóttir, sveitarstjóri Vesturbyggðar.
Strax var brugðist við og síðar um
daginn var fólki boðið að koma í
safnaðarheimilið og ræða við starfs­
fólk Rauða krossins en atburðir eins
og þessir geta ýft upp gömul sár.
Það var 22. janúar árið 1983 þegar
tvö flóð féllu á bæinn, það fyrra úr
Geirseyrargili og seinna úr Litla­
dalsá. Sex ára stúlka og fullorðin
feðgin létust í fyrra flóðinu, sem öll
voru innandyra á heimilum sínum.
Kona á sextugsaldri lést utandyra
í því seinna. Fyrir utan mannfall
var eignatjón mikið og tryggingar
bættu íbúum lítið. Í áratugi báru
Patreksfirðingar harm sinn í hljóði.
„Við vorum að vonast til þess að
þetta myndi ekki gerast en það eru
engin hús ofarlega í þessum far­
vegi og við erum betur stödd en
oft áður,“ segir Þórdís. „Ég hugsa að
almennt séð sé fólki hérna á Pat­
reksfirði svolítið brugðið.“
Framkvæmdir við tvo varnar­
garða ofan við Vatnseyrarsvæðið
eru langt komnar en þær voru í
Í forgangi að verja Patreksfjörð fyrir
ofanflóðum úr Geirseyrargilinu
Íbúum var
brugðið enda
aðeins nokkrir
dagar síðan
snjóflóðsins
árið 1983 var
minnst.
Mynd/Elfar
StEinn
miklum forgangi á landsvísu. Geirs­
eyrargil er hins vegar eftir.
„Nú þarf að fara að verja svæðið
undir Geirseyrargili fyrir svona
hættum. Það er alveg óvarið enn
þá,“ segir Óliver Hilmarsson, ofan­
flóðasérfræðingur hjá Veðurstofu
Íslands. Hann segir þetta einnig
vera í mjög háum forgangi. „Þetta
var lítið flóð og ógnar ekki húsum,
en minnir óþægilega á að hættan
er til staðar,“ segir hann um krapa­
flóðið sem féll í gær.
Samkvæmt Þórdísi er forhönnun
á vörnum fyrir Geirseyrargilið í
gangi. Áætlað var að funda með
Ofanflóðasjóði og Veðurstofunni
síðar í vetur til að ræða möguleik­
ana. Hugsanlega verður þeim fundi
flýtt í ljósi nýliðinna atburða. Sam­
kvæmt áætlun Ofanf lóðasjóðs á
forhönnun garðanna að ljúka árið
2023, framkvæmdir að hefjast árið
2024 og ljúka árið 2028.
Eftir stór snjóflóð sem féllu á Flat­
eyri í janúar árið 2020 var ákveðið
að gera nýtt hættumat fyrir sex bæj­
arfélög, á Vestfjörðum, Tröllaskaga
og Austfjörðum. Patreksfjörður var
ekki þar á meðal.
Spurður um þetta atriði segir
Óliver að þegar sé til hættumat fyrir
Patreksfjörð þar sem bent sé á þessa
hættu. Ekki séð þörf á endurmati
eins og gert var í kjölfar f lóðsins á
Flateyri. n
90,7%
Eflingarfélaga
vill leggja áherslu á hækkun
lægstu launa í kjarasamningum?
Vissir
þú að
*Samkvæmt könnunum sem Gallup gerði fyrir Eflingu síðastliðið haust
gar@frettabladid.is
fjölmiðlar Samtals 27 prósent
þjóðarinnar lásu Fréttablaðið í
síðustu viku samkvæmt könnun
frá Prósent.
Athyglisvert er hversu margir
lásu Fréttablaðið í tölvutæku formi
eða um 10 prósent. Er það veruleg
aukning frá fyrra tímabili.
Jafnt og þétt er auk ið við
útbreiðslu blaðsins og má því reikna
með að það beri fyrir augu sífellt
fleiri og að lestur aukist jafnt og þétt
á næstunni.
Nú er Fréttablaðinu dreift á um
150 stöðum í þar til gerðum blaða­
stöndum. Á sama tíma hafa verið
gerðar útlitsbreytingar á blaðinu og
það aðlagað breyttu dreifingarkerfi
þar sem margir kippa með sér blaði
þegar verslað er og það lesið síðdegis
eða um kvöld.
Svör bárust frá 1.097 einstakling­
um í úrtaki Prósent og var skipting­
in nokkuð jöfn milli kynja. n
Alls 27 prósent lásu Fréttablaðið í síðustu viku
Blaðastöndum Fréttablaðsins fjölgar jafnt og þétt. fréttablaðið/Ernir
kristinnhaukur@frettabladid.is
orkumál Guðlaugur Þór Þórðar­
son, umhverfis­, orku­ og lofts­
lagsráðherra, hyggst leggja fram
frumvarp um eldsneytisbirgðir.
Í íslenskum lögum er enginn til­
greindur aðili sem ber ábyrgð á að
neyðarbirgðir eldsneytis séu til í
landinu, né hversu miklar þær eigi
að vera.
Samkvæmt áformum ráðherra
verða söluaðilar eldsneytis skyld­
aðir til að viðhalda birgðum sem
jafngilda notkun í 90 daga. Þessi
birgðaskylda verður innleidd í
skrefum yfir nokkurra ára tímabil
og Orkustofnun hefur eftirlit með
henni.
„Á meðan Ísland er háð jarðefna­
eldsneyti getur skortur á því tak­
markað mjög hefðbundna virkni
samfélagsins,“ segir í áformunum.
„Vöruf lutningar, samgöngur og
atvinnulíf getur lamast ef ekki er
til taks orkugjafi til að knýja slíkt
áfram.“ n
Bensínstöðvar
verði skyldaðar
til að eiga birgðir
Guðlaugur Þór
Þórðarson, um-
hverfis-, orku-
og loftslags-
ráðherra
birnadrofn@frettabladid.is
Hafnarfjörður Félag grunnskóla­
kennara í Hafnarfirði hefur áhyggj­
ur af starfsöryggi starfsfólks grunn­
skóla. Þetta kemur fram í bókun sem
félagið lagði fyrir á síðasta fundi
fræðsluráðs Hafnarfjarðar.
Í bókuninni segir að kennarar
í skólum bæjarins séu sakaðir um
ýmis brot, bæði af foreldrum og
nemendum. „Hvort sem það er and­
legt, líkamlegt – og jafnvel ásakanir
um kynferðisof beldi. Hverskyns
hótanir en þó alvarlegust, morð­
hótanir, fara í gegnum símann.“
Fulltrúar félagsins segja vegið að
heiðri grunnskólakennara og óska
eftir því að hlutlaus aðili sjái um að
rannsaka slíkar ásakanir. Fræðslu­
ráð fól sviðsstjóra mennta­ og lýð­
heilsusviðs að vinna málið áfram. n
Kennarar lýsa yfir
áhyggjum sínum
4 Fréttir FRÉTTABLAÐIÐ 27. jAnúAR 2023
FÖStUDAGUr