Fréttablaðið - 27.01.2023, Page 8

Hreppurinn hefur litið
svo á að virkjunin sé
virkjunarleyfislaus og
gert það að skilyrði að
um það sé sótt en við
erum ósammála því.
Rún Ingvars-
dóttir, sam-
skiptastjóri
hjá Orkuveitu
Reykjavíkur
Landeigandi í Skorradal segir
sérstaka stöðu komna upp
eftir að úrskurðarnefnd vís-
aði máli varðandi Andakíls-
virkjun frá. Orka náttúrunnar
vill nú strax hefjast handa við
framkvæmdir.
kristinnhaukur@frettabladid.is
umhverfismál Úrskurðarnefnd
um umhverfis- og auðlindamál vís-
aði máli Huldu Guðmundsdóttur,
landeiganda á Fitjum í Skorradal,
varðandi Andakílsvirkjun frá.
Hulda taldi að Skipulagsstofnun
væri ekki heimilt að úrskurða um
hvort framkvæmdir við virkjunina
væru háðar umhverfismati enda
hefði virkjunin ekki virkjanaleyfi.
Orka náttúrunnar, sem rekur
Andakílsvirkjun, vill endurnýja og
hækka virkjunina um 2,5 metra.
Einnig taka allt að 115 þúsund rúm-
metra af seti úr lóninu til að auka
rýmdina. Hulda er ekki sú eina sem
hefur áhyggjur af áhrifum þessara
framkvæmda en sveitarfélögin
Skorradalshreppur og Borgarbyggð
hafa lýst áhyggjum af breytingum á
yfirborði Skorradalsvatns og fleiri
atriðum.
„Við erum að undirbúa leyfisum-
sókn til sveitarfélaganna vegna
framkvæmdaleyfis en fram-
kvæmdir hef jast að fengnu
leyfinu. Við viljum hefjast handa
með vorinu enda um öryggismál að
ræða, bæði hvað varðar endurbætur
á stíf lu og uppgröft á uppsöfnuðu
seti,“ segir Rún Ingvarsdóttir, sam-
Vilja reisa nýja stíflu með
vorinu eftir frávísun kæru
Skorradalshreppur deilir við Orku náttúrunnar um virkjana- og byggingarleyfi. Mynd/Orka náttúrunnar
skiptastjóri hjá Orkuveitu Reykja-
víkur, móðurfélagi Orku náttúrunn-
ar. Andakílsvirkjun var reist árið
1947 og þykir komin til ára sinna.
Stefnt er að því að fjarlægja gömlu
stífluna og reisa nýja í staðinn.
Skipulagsstofnun úrskurðaði
þann 1. júlí síðastliðinn að fram-
kvæmdirnar væru ekki líklegar til
að hafa í för með sér umtalsverð
umhverfisáhrif og þyrftu því ekki
að fara í umhverfismat.
Í umsögn Skorradalshrepps til
Skipulagsstofnunar kemur fram að
Orka náttúrunnar þurfi að sækja
um byggingarley f i núverandi
mannvirkja innan marka hrepps-
ins. „Því eins og staðan er í dag þá
teljast mannvirkin vera óleyfis-
framkvæmdir,“ segir í umsögninni.
Einnig er bent á að ekkert virkjana-
leyfi sé til staðar, eins og kæra Huldu
snerist um.
„Hreppurinn hefur litið svo á að
virkjunin sé virkjunarleyfislaus og
gert það að skilyrði að um það sé
sótt en við erum ósammála því,“
segir Rún. Bendir hún á að í skýrslu
Orkustofnunar komi fram að stofn-
unin líti svo á að önnur leyfi virkj-
unarinnar séu ígildi virkjanaleyfis.
„Andakílsárvirkjun og ýmsar aðrar
starfandi virkjanir voru reistar áður
en kröfur um virkjunarleyfi voru
lögfestar en njóta engu að síður
starfsleyfa,“ segir hún. Þetta eigi við
um tugi virkjana á Íslandi.
Hulda segir ák veðna stöðu
komna upp eftir þennan úrskurð.
„Það er hægt að senda hvaða
framkvæmdahugmyndir sem er
í umhverfismatsferli, án þess að
þær hafi nokkurt leyfi. Til
dæmis hjá landeigendum eða
sveitarfélögum, nú eða Orku-
stofnun,“ segir hún. n
kristinnpall@frettabladid.is
Akureyri Bæjarráð Akureyrar sam-
þykkti að stækka hjúkrunarheimili
sem á að rísa við Vestursíðu 9 um
þriðjung, úr sextíu rýmum í áttatíu
rými.
Í árslok 2020 var undirritað sam-
komulag milli heilbrigðisráðu-
neytisins og Akureyrarbæjar um
að byggja hjúkrunarheimili við hlið
dvalarheimilisins Lögmanns hlíðar
og stóðu vonir til þess að hjúkrunar-
heimilið yrði tilbúið árið 2023.
Ásthildur Sturludóttir bæjarstjóri
Akureyrar segist ekki vita hvenær
nýja húsið verði tilbúið.
„Við erum að vonast til þess að
framkvæmdir gangi nokkuð hratt,
en það þarf að fara í útboð og sam-
keppni með þetta eins og öll opin-
ber verkefni. Það verður að liggja
fyrir hver stærð hússins verður og
fjöldi rýma áður en farið er í slíkt.“ n
Vilja stækka nýtt hjúkrunarheimili
Ásthildur
Sturludóttir,
bæjarstjóri
Akureyrar
helgisteinar89@frettabladid.is
vísindi Loftsteinn á stærð við smá-
rútu þeyttist yfir suðurodda Suður-
Ameríku rétt eftir miðnætti í fyrri-
nótt.
Smástirnið var á bilinu 3,5 til 8,5
metrar að þvermáli og bar heitið
2023 BU.
Stjörnufræðingar höfðu reiknað
með að loftsteinninn myndi fljúga
í rúmlega 3.600 kílómetra fjarlægð
frá jörðu, en það er tíu sinnum nær
plánetunni en flestir gervihnettir.
Í stjarnfræðilegu samhengi er um
litla vegalengd að ræða og litlu mátti
muna.
Í tilkynningu frá bandarísku
geimferðastofnuninni NASA segir
að jafnvel þó að loftsteinninn
hefði verið á beinni leið til jarðar
væri ólíklegt að það myndi valda
einhverjum skaða. Sökum lítillar
stærðar loftsteinsins myndi bergið
líklega sundrast í lofthjúpnum á leið
til jarðar. n
Loftsteinn flaug rétt fram hjá í nótt
Smástirnið var á bilinu
3,5–8,5 metrar að þver-
máli.
jonthor@frettabladid.is
dómsmál Einar Oddur Sigurðsson,
verjandi Ísidórs Natanssonar sak-
bornings í hryðjuverkamálinu, velti
fyrir sér mikilli stefnubreytingu hjá
lögreglunni í málinu í munnlegum
málflutningi í héraðsdómi í gær.
Þar á hann við breytingu sem
hefur átt sér stað við rannsókn
málsins þegar lögregla hafði fengið
heimildir til að fylgjast með mönn-
unum tveimur sem grunaðir eru,
til dæmis með hlerunum. Innan
við sólarhring eftir að lögregla fékk
umræddar heimildir voru menn-
irnir handteknir.
„Það verður þarna einhver ótrú-
leg stefnubreyting hjá lögreglunni
á stuttum tíma. Það kemur fram
í gögnum málsins að lögreglan
hafi talið tilefni til að fylgjast með
mönnunum, en á þeim tíma benti
ekkert til að þyrfti að handtaka þá
eða grípa inn í,“ segir Einar. „Það er
einhver breyting sem á sér stað á
þessum tíma. Það er ómögulegt að
gera sér grein fyrir hvað það er, en
mögulega verður það leitt í ljós við
aðalmeðferð málsins,“ segir hann.
„Þetta hefur ekkert verið útskýrt, en
hefur vakið athygli mína.“
Þegar málið var tekið fyrir í hér-
aðsdómi í gær kröfðust sakborning-
arnir þess að þeim ákæruliðum sem
varða hryðjuverk yrði vísað frá dómi.
Verjendur mannanna hafa gagn-
rýnt að meint skipulagning hryðju-
verka sé ótilgreind í dómnum. Í gær
sagði saksóknari það liggja fyrir að
mennirnir hefðu tekið ákvörðun
um að fremja slík voðaverk, þó ekki
lægi fyrir hvenær, gegn hverjum eða
hvar þau hefðu átt að vera framin.
Fyrir dómi minntist Einar á
blaðamannafund lögreglu sem
haldinn var skömmu eftir handtök-
una, þar sem sagt var að komið hefði
verið í veg fyrir hættuástand. Sem
verjandi mannsins sagðist Einar
hafa beðið þess að fá einhver gögn
í hendurnar sem myndu sýna fram
á það, en telur að ekkert af gögnum
málsins geri það. n
Breytt stefna lögreglunnar vekur
athygli verjanda í hryðjuverkamálinu
Munnlegur málflutningur í hryðjuverkamálinu fór fram í gær. Sveinn Andri
Sveinsson og Einar Oddur Sigurðsson eru verjendur sakborninganna.
Sakborningarnir
krefjast þess að ákæru-
liðum sem varða
hryðjuverk verði vísað
frá dómi.
8 fréttir FRÉTTABLAÐIÐ 27. jAnúAR 2023
fÖStUDAGUr