Fréttablaðið - 11.02.2023, Qupperneq 44

Whitney Houston var
uppgötvuð á nætur-
klúbbi aðeins 19 ára
gömul.
Hér sést Whitney Houston syngja á tónleikum í Mílanó á Ítalíu árið 1993. Plötur Houston hafa selst í meira en 200
milljónum eintaka og hún vann til fjölda verðlauna fyrir tónlist sína. fréttablaðið/Getty
Hér er Whitney í upptökuveri á há-
tindi frægðar sinnar á 10. áratugnum.
Whitney með móður sinni Cissy Houston í maí árið 1985.
Whitney Houston, Bobby Brown og
dóttir þeirra Bobbi Kristina Brown.
Fjöldi fólks kom saman og minntist Whitney í Los Ange-
les þann 13. febrúar, tveimur dögum eftir að hún lést.
Söngkonan Whitney Houston
lést á þessum degi árið 2012
aðeins 48 ára gömul. Í ár hefði
hún orðið sextug hefði hún
lifað. Whitney vann til fjölda
Grammy-verðlauna og selst
hafa yfir 200 milljónir platna.
Whitney Houston
fæddist í Newark
í New Jersey þann
9. ágúst árið 1963.
Hún lést á þessum
degi árið 2012 en í ár hefði hún orðið
60 ára hefði hún lifað.
Whitney var ung að árum þegar
fólk var farið að gruna að hún yrði
söngkona. Hún átti ekki langt að
sækja hæfileikana en söngkonan
Dionne Warwick var frænka hennar
og móðir hennar stjórnaði kórnum
í New Hope-baptistakikjunni og
var þekkt í gospelheiminum, söng
meðal annars með Arethu Franklin.
Whitney byrjaði ung að syngja í
kórnum hjá móður sinni og sagðist
f ljótt hafa áttað sig á því að rödd
hennar væri guðsgjöf. Á unglingsár-
unum kom Whitney oft fram ásamt
móður sinni og var þá farið að
dreyma um frama sem söngkonu.
Hana langaði í plötusamning. Um
svipað leyti uppgötvaði ljósmynd-
ari Whitney og hún varð eftirsótt
fyrirsæta, var meðal annars á for-
síðu tímaritsins Seventeen sem þá
var afar vinsælt.
Sló strax í gegn
Þegar Whitney Houston var nítján
ára kom hún fram á stórum nætur-
klúbbi og það sama kvöld var Clive
Davis í salnum. Davis var stofnandi
plötuútgáfunnar Arista Records
og gerði samning við Whitney á
staðnum. Hann hóf strax að breyta
ímynd hennar úr gospelstelpunni í
poppstjörnu.
Árið 1983 kom Whitney fram í
sjónvarpi í fyrsta sinn, þegar hún
söng lagið Home úr söngleiknum
The Wiz í The Merv Griffin Show
sem sýndur var um öll Bandaríkin.
Þau Davis vörðu svo næstu tveimur
árum í að vinna að fyrstu plötu
Whitney. Þau lögðu mikla vinnu í
að finna tónlist sem bæri vitni um
afbragðs sönghæfileika hennar.
Fyrsta platan kom svo út árið
1985 og bar nafn söngkonunnar,
Whitney Houston. Um leið og
platan kom út sló Whitney í gegn
og var orðin poppstjarna. Sama ár
komu svo út smáskífurnar Saving
All My Love for You og How Will I
Know, þær nutu mikilla vinsælda og
komu plötunni á topplista þar sem
hún var í fjórtán vikur.
Árið 1986 vann Whitey svo
Grammy-verðlaun fyrir Saving
All my Love for You og það var
frænka hennar Dionne Warwick
sem afhenti henni verðlaunin. En
móðir Warwick og amma Whitney
voru systur.
Eftir mikla velgengni fyrstu plötu
Whitney Houston var ákveðið að
gefa út aðra plötu strax árið 1987 en
þá kom út platan Whitney. Sú plata
seldist líkt og sú fyrri eins og heitar
lummur og hlaut Whitney Grammy-
verðlaun fyrir lagið I Wanna Dance
with Somebody (Who Loves Me). Í
kjölfarið jukust vinsældir hennar
enn meir og Whitney fór í túr um
heiminn.
Whitney og Bobby
Fyrstu fjórar breiðskífur Whitney
seldust í 86 milljónum eintaka um
allan heim. Árið 1992 lék hún svo
í kvikmyndinni The Bodyguard
ásamt Óskarsverðlaunaleikaran-
um Kevin Costner og seldist plata
Whitney með tónlist úr myndinni í
33 milljónum eintaka. Aldrei hafði
frægðarsól hennar skinið eins skært
en það sama ár giftist Whitney
söngvaranum Bobby Brown en þá
höfðu þau verið trúlofuð í þrjú ár.
Í fyrstu var hjónabandi ástríkt
og kærleiksríkt en það átti eftir að
verða stormasamt. Bæði Whitney
og Bobby neyttu vímuefna óhóf-
lega og snemma fóru á kreik sögur
um að hjónabandinu væri lokið. Þá
Litrík ævi
Whitney Houston
birtu slúðurblöð reglulega fréttir
af fíkniefnamálum og óæskilegri
hegðun hjónanna.
Bobby Brown og Whitney Hous-
ton eignuðust dótturina Bobbi
Kristina Brown árið 1993, hún lést
aðeins 22 ára gömul árið 2015. Whit-
ney og Bobby voru í mikilli neyslu
vímuefna og sagði Bobby í viðtali
eftir andlát Whitney að þau hefðu
margoft lokað sig inni í einni álmu
heimilis síns og neytt vímuefna
dögum saman á meðan barnfóstrur
sáu um dóttur þeirra.
Whitney og Bobby Brown skildu
árið 2007 en nokkrum árum fyrr var
Brown handtekinn fyrir að beita
eiginkonu sína of beldi. Storma-
samt hjónabandið, of beldið sem
Whitney varð fyrir og neyslan hafði
mikil áhrif á líf hennar og ferilinn. Á
tímabili þurfti hún trekk í trekk að
fresta tónleikum og heilsu hennar
hrakaði ört.
Hún reyndi margoft að hætta að
nota vímuefni en aldrei gekk það
vel. Besta vinkona Whitney, Robyn
Crawford, segir í nýrri bók að Whit-
ney hafi aðeins verið 14 ára gömul
þegar hún prófaði kókaín í fyrsta
sinn. Oft hafi hana langað að hætta
en aldrei hafi hún verið tilbúin og
aldrei hafi það tekist.
Kókaín var meðal þess sem fannst
í blóði Whitney Houston eftir and-
lát hennar. Whitney drukknaði í
baðkeri á Beverly Hills-hótelinu
kvöldið fyrir Grammy-verðlauna-
hátíðina á þessum degi árið 2012.
Þremur árum seinna fannst dóttir
hennar nær dauða en lífi einn-
ig í baðkeri og lést hún nokkrum
dögum síðar.
Whitney og Robyn
Robyn Crawford og Whitney Hous-
ton voru vinkonur frá því þær voru
ungar og allt til ársins 2000 vann
Robyn fyrir Whitney. Eftir andlát
hennar sagði Robyn frá því að þær
hefðu verið meira en vinkonur, að
Whitney Houston hefði verið föst
inni í skápnum.
Whitney var alin upp á afar trú-
uðu heimili og var mikið í kirkjunni.
Sumarið þegar Whitney var 19 ára
vann hún í æskulýðsstarfi ásamt
Robyn og það sumar áttu þær í
ástarævintýri. Síðar fluttu þær inn
saman og nutu lífsins og fékk svo
móðir Whitney, Cissy Houston,
fregnir af sambandinu og tók því
ekki vel.
Þegar Whitney fékk fyrsta plötu-
samninginn stuttu síðar vissi hún
að hún yrði að binda enda á sam-
bandið, samfélagið væri ekki tilbú-
ið fyrir poppstjörnu sem væri svört
lesbía. Whitney er frá því sögð hafa
falið samband sitt við Robyn og það
hver hún raunverulega væri. Hún
tók þó alla tíð afstöðu með hinsegin
samfélaginu og kom meðal annars
fram í gleðigöngunni í New York
árið 1999.
Líf Whitney Houston var stórt og
litríkt. Hún hafði áhrif á fólk um
allan heim og var lengi vel sú lista-
kona sem hafði hlotið flest verðlaun
fyrir tónlist og hafa plötur hennar
nú selst í yfir 200 milljónum ein-
taka. Hún lést aðeins 48 ára gömul
en í ár hefði hún fagnað 60 ára
afmæli sínu þann 9. ágúst hefði hún
lifað. n
Birna Dröfn
Jónasdóttir
birnadrofn
@frettabladid.is
24 helgin FRÉTTABLAÐIÐ 11. FeBRúAR 2023
lAUgARDAgUR