Fréttablaðið - 16.02.2023, Blaðsíða 6

Stakar kindur sem ekki
valda verulegu tjóni
ættu því ekki að
mynda skyldu til
smölunar við slíkar
aðstæður.
Samband íslenskra sveitarfélaga
Arið 2017 var hagn-
aður þessara fyrirtækja
rúmir átta milljarðar
og árið 2021 var sú tala
komin upp í rúma 28
milljarða.
Ágúst Bjarni
Garðarsson,
þingmaður
Framsóknar-
flokksins.
ritstjorn@frettabladid.is
fjölmiðlar „Ánægjulegast er að sjá
að vefur Fréttablaðsins hefur unnið
sér fastan sess hjá æ f leiri lands-
mönnum, svo sem sjá má af stórauk-
inni aðsókn,“ segir Sigmundur Ernir
Rúnarsson, ritstjóri Fréttablaðsins.
Vefur Fréttablaðsins, frettabladid.
is, hefur nú verið við lýði í fimm ár.
Vefurinn var formlega opnaður
15. febrúar 2018 eftir að rekstur
Fréttablaðsins annars vegar og
Stöðvar 2, Bylgjunnar og Vísis hins
vegar var skilinn að í Torg og Sýn
sem nú eru keppinautar.
Nýr vefur Fréttablaðsins var strax
lesinn af tugþúsundum, en sérstaða
hans varð meðal annars sú að papp-
írsútgáfa blaðsins varð þar aðgengi-
leg öllum þeim sem vildu kynna sér
efni blaðsins í þaula.
„Á þessum árum hefur frettabla-
did.is orðið að einum vinsælasta
fréttavef landsins og er núna með
á annað hundrað þúsund heim-
sóknir á hverjum degi,“ segir Sig-
mundur Ernir, en ástæðuna segir
hann vera fjölbreytt efni vefsins
og fagmannlega skrifaðar fréttir,
viðtöl og áhugavert efni af öllu tagi
sem speglar samfélagið í hita augna-
bliksins og þá heimsmynd sem
blasir við hverju sinni.
„Núna, eftir að breyting varð á
dreifingu blaðsins, skoða æ f leiri
það á netinu – og fletta því rafrænt á
morgnana – og þar eigum við mikið
inni,“ bætir ritstjórinn við.
„Það er kúnst að halda úti þrótt-
miklum fréttavef, en blaðamenn
okkar eru með puttann á púlsinum
– og ég tala fyrir munn allra þeirra
þegar ég segi að við ætlum að gera
miklu betur á næstu árum,“ segir Sig-
mundur Ernir á fimm ára afmælis-
degi vefsins frettabladid.is. n
Fréttablaðsvefurinn fimm ára og með sífellt fleiri lesendur
Fjölbreyttur hópur fólks starfar á ritstjórn Fréttablaðsins. FRÉTTABLAÐIÐ/ERNIR
Við ætlum að gera
miklu betur á næstu
árum.
Sigmundur Ernir Rúnarsson,
ritstjóri Fréttablaðsins
kristinnhaukur@frettabladid.is
landbúnaður Samband íslenskra
sveitarfélaga hefur sent minnisblað
til sveitarfélaga vegna svokallaðra
ágangsmála. Bæði umboðsmaður
alþingis og dómsmálaráðuneytið
hafa ályktað gegn leiðbeiningum
innviðaráðuneytisins um ágang
sauðfjár og skyldu til að smala. Telur
sambandið óljóst hvað sé ágangur
sauðfjár sem réttlætir skylduna.
Í minnisblaði sambandsins segir
að lögin séu ekki nægilega hnit-
miðuð, til dæmis varðandi fjölda
fjár og hvort verið sé að valda tjóni.
„Stakar kindur sem ekki valda
verulegu tjóni ættu því ekki að
mynda skyldu til smölunar við slík-
ar aðstæður,“ segir í minnisblaðinu.
Þá er nefnt að kostnaðarskipting
smölunar milli ríkis og sveitarfélaga
sé óljós og að smölun sé íþyngjandi
aðgerð fyrir þann sem á búfénaðinn.
Árekstrar verða sífellt meira áber-
andi vegna lausagöngu og ágangs,
eins og milli fjárbænda og ferða-
þjónustu- eða skógræktarbænda.
Samkvæmt lögum eiga sveitar-
félög og lögregla að sjá um smölun
á ágangsfé en lengi vel voru leið-
beiningarnar á þá leið að jarðar-
eigendur þyrftu að girða og „friða“
jarðir til að njóta verndar. Sú túlkun
er í stjórnsýslulegu uppnámi eftir
ályktanirnar tvær í vetur.
Samband íslenskra sveitarfélaga
stefnir að því að funda með ráðu-
neytum, Bændasamtökunum og
fleirum á næstu vikum. Endurskoða
þurfi lög um afréttarmálefni til að
uppfylla nútímaviðmið. Það gildi
um gjaldtöku og skyldu fólks til að
sitja í upprekstrarfélögum. Frétta-
blaðið hefur fjallað um mál jarðeig-
enda sem halda ekki kindur en er
þó gert skylt að greiða í slík félög og
sums staðar fara í göngur. n
Ágangur sauðfjár óljós
Stefna að fundi til að leysa vargöldina í sveitum. FRÉTTABLAÐIÐ/MAgNús HLyNuR
kristinnpall@frettabladid.is
fjallabyggð Bæjarráð Fjalla-
byggðar tók undir áhyggjur slökkvi-
liðsstjóra sveitarfélagsins af slæmu
fjarskiptasambandi á svæðinu og
fól bæjarstjóra að ræða við fjar-
skiptafyrirtæki og Vegagerðina
um úrbætur. Áður var slökkviliðs-
stjóri sveitarfélagsins búinn að
lýsa yfir áhyggjum af stöðunni.
Í skýrslu slökkviliðsstjóra kemur
fram að það sé slæmt fjarskipta-
samband á ákveðnum svæðum
innan Fjallabyggðar sem eigi það
sameiginlegt að fjöldi fólks fer um
þau. Komi til þess að fólk þarfnist
aðstoðar geti verið erfitt að óska
eftir henni og nefndi Jóhann K.
Jóhannsson slökkviliðsstjóri sér-
staklega skíðasvæðið í Skarðsdal
sem er að hluta til á snjóf lóða-
hættusvæði. Fjarskiptasambandið
við skíðaskálann sé lélegt og ekkert
samband þegar ofar dregur. Áríð-
andi sé að þarna sé gott samband
enda oft margir saman komnir á
svæðinu. n
Þörf á bættu fjarskiptasambandi
Sigríður Ingvars-
dóttir, bæjar-
stjóri Fjalla-
byggðar
Stjórnmálamenn á Íslandi
gagnrýna hækkanir iðgjalda
og segja oft erfitt að nálgast
upplýsingar um kostnað
trygginga. Framkvæmda-
stjóri Varðar segir að þing-
menn virðist almennt ekki
hafa mikinn áhuga á trygg-
ingamarkaðnum.
helgisteinar@frettabladid.is
Tryggingar Gagnrýnisraddir heyr-
ast frá bæði stjórnmálamönnum
og talsmönnum tryggingafélaga
um samskiptaleysi þegar kemur að
íslenskum tryggingamarkaði. Þing-
menn segjast ekki skilja fordæma-
lausan hagnað tryggingafyrirtækja
og félögin hafa eins sakað stjórnvöld
um aðgerðarleysi.
Rúmlega helmingur allra iðgjalda
tryggingarfélaga á Íslandi má rekja
til ökutækjatrygginga og frá árinu
2015 hafa þau gjöld hækkað um 57
prósent. Að sama skapi hafa skaða-
tryggingar hækkað um 38 prósent
og vísitala neysluverðs um 27 pró-
sent.
Ágúst Bjarni Garðarsson, þing-
maðu r Framsók nar f lok k sins,
segir það sláandi hve mikill hagn-
aður hafi verið á meðal trygginga-
fyrirtækja á Íslandi undanfarin ár.
Hann segir að brýn þörf sé á auknu
gegnsæi þegar kemur að tryggingar-
starfsemi.
„Þau gögn sem ég hef fengið og
skoðað benda öll til þess að bíla-
tryggingar hafi hækkað umfram
verðlagshækkanir og jafnvel líka líf-
og sjúkdómatryggingar. Við sjáum
það að árið 2017 var hagnaður þess-
ara fyrirtækja rúmir átta milljarðar
og árið 2021 var sú tala komin upp í
rúma 28 milljarða.“
Hann vitnar í þá staðreynd að
fækkun hafi orðið á tjónum á
tímum heimsfaraldursins þar sem
fólk var minna á ferðinni. „Þetta
er ég að skoða. Aftur á móti spyrja
menn sig hvað skýrir þá þessar
miklar hækkanir á þeim tíma.“
Ágúst gagnrýnir einnig breytingu
tryggingafyrirtækja frá því að vera
einfalt fyrirtæki sem selur við-
skiptavinum vernd og yfir í það að
vera fjárfestingarfélag. Hann vill fá
að vita hvort bótasjóðir séu notaðir
til fjárfestinga.
Björn Leví Gunnarsson, þing-
maður Pírata, hefur einnig gagn-
rýnt gegnsæisleysi tryggingarfélaga
þegar kemur að verðskrám og segir
lítið sem ekkert eftirlit vera á starf-
semi fyrirtækjanna. Hann segir
að ekki sé hægt að vita hvort mis-
munun eigi sér stað út af ómálefna-
legum þáttum.
Sigurður Óli Kolbeinsson, fram-
kvæmdastjóri vátryggingasviðs
Varðar, segist skilja þessi sjónar-
mið og að tryggingamarkaðurinn sé
flókið fyrirbæri. Hann segir hagnað
tryggingarfélaga vera fyrst og fremst
sveif lukenndan þar sem hann
snýst um tíðni tjóna, meðaltjóns og
afkomu fjárfestingastarfsemi.
„Fólk hefur tilhneigingu til að
horfa bara á tölur en það þarf að sjá
hlutina í samhengi við reksturinn
sem framleiðir hagnaðinn og pen-
ingana sem eru bundnir í starfsem-
inni. Stundum koma líka ár þar sem
hagnaður af tryggingarstarfsemi er
mikill og stundum er hann lítill. Því
þarf að meta þetta yfir lengri tíma
en bara eitt ár í senn.“
Sigurður bendir á að tryggingar-
félögum ber skylda til að fjárfesta og
ávaxta peninga á fjármálamarkaði
þar sem fyrirtækin geyma mikið
fjármagn fyrir framtíðargreiðslum
tjóna. Hann segir að skyldu trygg-
ingarfélög ekki fjárfesta myndi það
koma niður á neytendum í formi
hærri iðgjalda.
Í tengslum við verðskrár segir
Sigurður að verðlagning trygg-
inga sé oft f lókin þar sem margir
þættir hafa áhrif á iðgjöld hvers og
eins. Það sé því í raun ekki til nein
verðskrá til að birta. Hins vegar
segir hann að viðskiptavinir geti í
auknum mæli fengið tilboð á netinu
og þannig séð verð og borið saman.
Sigurður segir að það yrði óheppi-
legt að birta alla verðskrá þar sem
verðlagningin er mjög stór þáttur í
aðgreiningu og samkeppni á trygg-
ingamarkaði og það væri ekki neyt-
endum til hagsbóta ef eitt félag veit
nákvæmlega hvernig annað félag
verðleggur sínar tryggingar.
„ S t jór n m á l a m e n n v i r ð a s t
almennt ekki hafa mikinn áhuga á
tryggingamarkaðnum, en ef menn
vildu í alvörunni reyna að lækka
tryggingar á Íslandi þá þarf að skoða
bótakerfið,“ segir Sigurður. n
Brýn þörf á auknu gegnsæi
Frá 2015 hafa bílatryggingar hækkað um 57 prósent. FRÉTTABLAÐIÐ/ANTON BRINK
6 Fréttir FRÉTTABLAÐIÐ 16. FeBRúAR 2023
FiMMtUDAGUr