Veiðimaðurinn - 01.06.1993, Síða 43

Löndun undirbúin í Aðaldalnum. Ljósm. Rafn Hafnfjörð.
bætt botngerð sem talinn er geta skilað ár-
angri (Wenger 1989). Þar sem skjól íyrir
seiði hafa verið gerð með grjótburði í ána
og breytingu á straumlagi hefur þéttleiki
seiða á flatareiningu allt að tífaldast sam-
anborið við önnur svæði (Tumi Tómasson
1991). Sandburður hefur verið mikill í
Laxá en hann sest milli steina á botni ár-
innar og spillir þar búsvæðum seiða.
Bæði minnkar þá skjól fyrir seiði og
einnig minnkar flatarmál botns og því
framleiðsla fæðudýra einnig. Nú hefúr
náðst að hefta verulega, með uppgræðslu í
Krákárbotnum, helstu uppsprettu þess
sands sem í ána berst. Hermt er að sand-
burður sé farinn að minnka í efri hlutum
hennar. Mörg ár eða áratugir munu þó
líða þar til áin verður búin að skola út öll-
um þeim sandi sem í farveginum er. Líta
má á heftingu sandfoks sem einn mikil-
vægasta þátt fiskræktar í Laxá eins og
málum er nú háttað. Varðandi seiðaþétt-
leika í ánni sumarið 1992 er hann hærri en
hann hefur verið undanfarin ár og má því
væntanlega segja að seiðaástand sé gott.
Þetta á þó bara við seiði á öðru sumri.
Áreiðanlegar tölur um heimtur eru for-
senda þess að hægt sé að geta sér til um
hagkvæmni sleppinga. Rétt er að taka
fram að forsendur geta verið flóknar og
fleira komi til en það sem hægt er að
reikna í krónum. Miðað við að hvert
gönguseiði kosti 70 kr. er kostnaðurinn
við sleppingu 34800 seiða 2.436.000 kr.
auk kostnaðar við sleppinguna sjálfa, en
hann er ekki reiknaður með hér. Ef bara
er tekið tillit til endurheimtra smálaxa læt-
ur nærri að hver fiskur kosti um 7.100 kr.
þegar hann er veiddur. Að auki koma til
væntanlegar heimtur tveggja ára seiða á
næsta ári og ef hlutfall eins og tveggja ára
VEIÐIMAÐURINN
41