Gerðir kirkjuþings - 2021, Blaðsíða 39

39
2. mál 2021-2022
Flutt af kirkjuráði
Skýrsla kirkjuráðs um fjármál þjóðkirkjunnar
Fjármál þjóðkirkjunnar.
Árið 2021 hefur einkennst af miklum skipulagsbreytingum sem og tiltekt í fjármálum
Þjóðkirkjunnar-Biskupsstofu.
Fjármálasviðið Þjóðkirkjunnar-Biskupsstofu samanstóð af sjö starfsmönnum á haust-
mánuðum 2020, en í upphafi ársins 2021, eftir erfiðar uppsagnir, stóðu eftir þáverandi
fjár málastjóri sem var í veikindaleyfi, staðgengill fjármálastjóra, bókari og gjaldkeri.
Mikið álag hefur verið á sviðinu, verkefnin hefur þurft að vinna með færra fólki en áður
og breyttu verklagi. Verkferlum var breytt og verklag bætt innan fjármálasviðsins, m.a.
var milliuppgjörum skilað til kirkjuráðs ársfjórðungslega. Uppgjörin hafa verið rýnd
mjög nákvæmlega af kirkjuráði en einnig hafa þau verið kynnt og rædd í fjárhagsnefnd
kirkjuþings.
Vinna og skil á ársreikningi Þjóðkirkjunnar-Biskupsstofu fyrir árið 2020 gekk þó
vel og var hann birtur og undirritaður á kirkjuþingi 12. mars 2021. Aldrei áður hefur
ársreikningur verið unnin svo hratt og aldrei áður hefur ársreikningur verið lagður
jafnsnemma fyrir kirkjuþing og í ár.
Í vor var tekin sú ákvörðun að útvista færslu bókhalds til endur skoðunar fyrir-
tækisins Deloitte. Eftir þessa breytingu voru aðeins fjármálastjóri og gjaldkeri starfandi á
fjármálasviði. Á sama tíma var tekin ákvörðun um að færa útreikning launa frá fjármálasviði
yfir á mannauðssvið. Þetta þýddi að launavinnslan var færð úr bókhaldskerfi Navision yfir
í mannauðskerfi Kjarna. Áfram var þó Navision launakerfið notað til launavinnslu fyrir
hluta þess fólks sem fjármálasvið sér um launavinnslu fyrir. Þessar breytingar reyndust
ekki vel, misræmi og villur komu upp við launavinnslu sem unnin var í Kjarna. Nú í
haust var því ákvörðun tekin að snúa til baka og eru nú öll laun reiknuð og bókuð á
fjármálasviði. Fjármálastjóri hætti störfum í júní og var þá Ásdís Clausen, sem áður hafði
verið staðgengill og starfandi fjármálastjóri, fastráðinn sem fjármálastjóri Þjóðkirkjunnar-
Biskupsstofu.
Útvistun bókhalds hefur ekki reynst jafnvel og vonast var til og því er nú hugað að
ráðningu nýs starfsmanns inn á fjármálasvið, sem mun nýtast í fjölbreytt verkefni fyrir
sviðið.
Mannabreytingarnar á fjármálasviði hafa reynt mjög á starfsemi sviðsins, mikið álag á
fátt starfsfólk sem hefur í einhverjum tilvikum hægt á verkefnum, t.d. gerð fjárhagsáætlunar
fyrir árið 2021, sem þó er í góðum farvegi nú og er kynnt á þessu kirkjuþingi með fyrirvara
um heildartekjur Þjóðkirkjunnar-Biskupsstofu en þær fást ekki ákvarðaðar fyrr en ný
ríkisstjórn hefur verið mynduð og Alþingi samþykkt fjárlög ársins 2022.
Fjárhagsáætlun fyrir árið 2022 sem hér er lögð fram nú er unnin af fjármálastjóra í
samráði við stjórnendur einstakra sviða og starfsdeilda Þjóðkirkjunnar-Biskupsstofu og
í samræmi við bókhalds- og kostnaðarliði núlíðandi árs. Vinna við fjárhagsáætlun hófst í