Gerðir kirkjuþings - 2021, Blaðsíða 132

132 133
Alþjóðlegi söfnuðurinn er hins vegar ekki „söfnuður“ í hefðbundum skilningi, heldur
„hreyfing“ innan þjóðkirkjunnar sem mótar starf og þjónustu með innflytjendum og
flóttafólki og styður aðra söfnuði við að koma slíku starfi á fót. Alþjóðlegi söfnuðurinn er
því ekki aðeins bundinn við Breiðholtskirkju.
Markmið Alþjóðalega safnaðarins er ekki að vera kirkja í kirkjunni.
Hann hvetur innflytjendur sem vilja aðlagast íslensku samfélagi að sækja íslenskar
guðsþjónustur. En ákveðinn fjöldi fólks kýs að sækja guðsþjónustur á ensku eða öðru
tungumáli.
Framtíðarsýn Alþjóðlega safnaðarins
Lagt er til að innan árs verði eftirfarandi orðið að veruleika:
• Þjóðkirkjan viðurkenni mikilvægi starfs Alþjóðlega safnaðarins og styrki starf hans.
• Þjóðkirkjan styður helgihald farsi-mælandi fólks í Alþjóðlega söfnuðinum.
• Reglubundin fræðsla verði fyrir skírnarþega.
• Reglubundin fræðsla um kristna trú (t.d. Alfa námskeið).
Innan fjögurra ára.
• Alþjóðlegi söfnuðurinn hafi tengst fleiri söfnuðum um allt land.
• Alþjóðlegi söfnuðurinn býður upp á helgihald á hverjum sunnudegi með lifandi
tónlist.
• Alþjóðlegi söfnuðurinn býður upp á helgihald á farsi og fleiri tungumálum.
• Alþjóðalegi söfnuðurinn myndar eigin safnaðarstjórn.
• Alþjóðlegi söfnuðurinn þróar og gerir tilraunir með fjölbreytt helgihald og
uppfræðir nýja safnaðarmeðlimi um helgihaldið og almennt safnaðarstarf.
Lokaorð
Þjóðkirkjan stendur á tímamótum í margvíslegum skilningi. Íbúar heimsbyggðarinnar
eru á meiri hreyfingu en nokkru sinni fyrr og fjöldi flóttamanna er meiri en í seinni
heimsstyrjöldinni. Vandi þeirra vex ár frá ári. Nokkrir þeirra knýja dyra á Íslandi í von um
skjól og örugga framtíð. Í þeim hópi er fólk sem flýr ofsóknir vegna kristinnar trúar sinnar.
Meira en 50.000 erlendir ríkisborgarar hafa sest að hér á landi á undanförnum árum, flestir
frá 2010. Um 60% af fjölgun landsmanna hefur orðið vegna komu þeirra á þessu tímabili.
Þeir hafa átt mikinn þátt í uppgangi menningar- og efnahagslífs á undanförnum árum.
Ýmsir fræðimenn hafa bent á að á næstu árum og áratugum megi ætla að innflytjendur
verði verulegur hluti kirkjugesta, jafnvel 30%. Hinn virti prófessor Andrew Walls sagði
í fyrirlestri við háskólann í Edinborg árið 2003: „Guð er enn á ný að ýta við kirkjunni í
Evrópu, nú með tilkomu flóttafólks frá Mið-Austurlöndum. Þær kirkjur sem hafa opnað
dyr sínar fyrir því og mætt því með kærleika og virðingu hafa öðlast endurnýjun en þær
sem eru tortryggnar hafa misst af henni.“
Þjóðkirkjan er kölluð til að sýna mannúð og veita skjól og byggja upp söfnuði með fólki
frá mörgum þjóðum. Hér hafa henni opnast víðar og verkmiklar dyr. Hún þarf að bretta