Skessuhorn - 14.12.2022, Page 18
MIÐVIKUDAGUR 14. DESEMBER 202218
Sunnudaginn 18. desember nk.
kl. 20.00 munu Sigrún Hjálmtýs-
dóttir sópransöngkona og sex
manna blásarasveit flytja hugljúfa
og glæsilega aðventu- og jólatónlist
í Hallgrímskirkju í Saurbæ. Gestir
þeirra verða Margrét Bóasdóttir
sópran og Kór Saurbæjarpresta-
kalls með stjórnanda sínum Zsuz-
sönnu Budai. Sr. Þráinn Haralds-
son flytur kvöldbæn í lok tónleika
og tónleikagestir syngja jólasálm
með flytjendum.
„Verið hjartanlega velkomin
að njóta þessarar hátíðisstundar í
aðdraganda jólanna. Aðgangseyrir
er 2.500 krónur og frítt fyrir börn
til 16 ára aldurs,“ segir í tilkynn-
ingu frá tónleikanefnd Hallgríms-
kirkju í Saurbæ. mm
Miðvikudaginn 7. desember síð-
astliðinn var mikið um að vera í
Grundarfirði. Verslanir voru opnar
fram á kvöld og margt fólk sem
rölti á milli búða í blíðviðrinu.
Hinn árlegi jólamarkaður Lions var
einnig nýopnaður en þar var hægt
að fá ýmislegt nytsamlegt og girni-
legt til jólanna.
tfk
Um síðustu helgi stóðu Miðbæj-
arsamtökin Akratorg á Akranesi
fyrir jólamarkaði í fyrrum verslun-
arhúsnæði Nínu við Kirkjubraut 4.
Þar komu 24 söluaðilar sér fyrir. Á
markaðnum voru söluaðilar með
ýmsar smávörur, hannyrðir, mat-
vörur, bækur og jólavörur. Ráðgert
er að markaðurinn verði einnig
opinn um næstu helgi.
mm
Tónlistarskóli Grundarfjarðar hélt
árlega jólatónleika sína í Grundar-
fjarðarkirkju miðvikudaginn 7. des-
ember síðastliðinn. Þá stigu nem-
endur úr öllum deildum á svið og
fluttu vel valin jólalög fyrir gesti.
Þétt var setið í kirkjunni og hún
nánast full út úr dyrum. Tónleik-
arnir tókust frábærlega og dynjandi
lófaklappið eftir hvern flutning var
því til sönnunar.
tfk
Samflot iðn- og tæknifólks, VR og
Landssamband íslenskra verslunar-
manna undirrituðu á mánudaginn
kjarasamning við Samtök atvinnu-
lífsins. Um er að ræða skammtíma-
samning sem gildir frá 1. nóvember
2022 og rennur út 31. janúar 2024.
„Samningurinn felur í sér umtals-
verðar kjarabætur,“ sagði í tilkynn-
ingu frá ASÍ. Frá og með 1. nóv-
ember 2022 hækka mánaðarlaun
um 6,75% en þó að hámarki um 66
þúsund krónur á mánuði. Hækk-
unin felur í sér flýtingu og fullar
efndir hagvaxtarauka sem koma átti
til greiðslu þann 1. maí 2023.
Samhliða almennum launahækk-
unum hækka kauptaxtar og nýjar
launatöflur taka gildi. Desem-
ber- og orlofsuppbætur taka hækk-
unum. Desemberuppbót á árinu
2023 verður 103.000 kr. og orlofs-
uppbót verður 56.000 kr.
„Markmið samninganna er að
styðja við kaupmátt launa auk þess
að veita heimilum og fyrirtækjum
fyrirsjáanleika á miklum óvissu-
tímum. Samningurinn byggir undir
stöðugleika og skapar forsendur
fyrir langtímasamningi. Með
áherslu á að verja kaupmátt í samn-
ingi til skamms tíma er það ásetn-
ingur samningsaðila að skapa fyrir-
sjáanleika á miklum óvissutímum;
fjölskyldum og fyrirtækjum til
hagsbóta. Nú taka við kynningar og
atkvæðagreiðslur um samninginn
en eftirfarandi landssambönd og
aðildarfélög þeirra eiga aðild að
samningnum: VR, Landssamband
íslenskra verslunarmanna, Mat-
vís, Rafiðnaðarsamband Íslands,
Samiðn og VM.“
mm
Haraldur Benediktsson þingmaður
Sjálfstæðisflokksins og varafor-
maður fjárlaganefndar Alþingis
vakti máls á því, í umræðunni um
fjáraukalög, að mikil tilhneiging
virtist vera til þess að forstöðu-
menn stofnana verji ekki störf á
landsbyggðinni. Vísaði hann þar til
nýlegrar niðurlagningar opinberra
starfa frá Hafrannsóknastofnun í
Ólafsvík.
„Á stundum eru störf flutt með
pompi og prakt „út á land.“ Þing-
menn viðkomandi kjördæma fagna,
stjórnarþingmenn fagna djörfung
ríkisstjórnar sinnar og samflokks-
menn hampa ráðherrum sínum.
Sveitarstjórnarmenn á viðkom-
andi svæðum fagna að sama skapi
að verið sé að efla þeirra byggðar-
lög með störfum sem auka um leið
flóru atvinnulífsins. Svo líður tím-
inn. Minni athygli er vakin á því
þegar störf „leka“ til baka,“ sagði
Haraldur. Hann vísaði til þess
að einn af fylgifiskum breyttrar
umræðu um fjárlög væri að póli-
tískt aðhald og umræða um það
skorti þegar stofnanir taka störf til
baka, eða færa í önnur héruð.
„Það eru helst sveitarstjórn-
armenn sem þurfa að bera þann
kyndil og það merkilega er að
sveitarstjórnir margar verða að sér-
stöku baráttuafli fyrir viðkomandi
stofnanir. Um þetta má nefna fjöl-
mörg dæmi,“ sagði þingmaðurinn.
„Forstöðumenn stofnana eru oft á
tíðum í þröngri stöðu. Þeir þurfa
að halda rekstri sínum innan fjár-
heimilda. Þá sýnist það oft vera
þægilegast fyrir þá að skera niður
í starfsemi sem er lengra frá höf-
uðstöðvunum. Eitt eru breytingar
á starfsemi, ný stefnumörkun og
hlutverki stofnunar breytt, eða hún
lögð niður. Annað er þegar látið er
smám saman undan síga. Niður-
staðan er á stundum að störfin
hverfa smám saman aftur til höf-
uðstöðva viðkomandi stofnana.
Forstöðumenn virðast áreynslu-
laust og oftast án umræðu geta
flutt störf, til að halda rekstri sínum
innan fjárheimilda, og ráðuneyti
án þess að hafa athugasemdir stað-
festir niðurlagningu starfanna og
eða flutning án athugasemda, með
samþykkt rekstraráætlana.“
Haraldur vakti máls á því að
meirihluti fjárlaganefndar gerir
þetta að sérstöku umfjöllunarefni í
nefndaráliti sínu fyrir fjárlög 2023,
þar sem margar umsagnir sveitar-
félaga við frumvarpið veki athygli
á að jafnt og þétt fækki störfum
á vegum ríkisins í viðkomandi
sveitarfélagi.
mm
Diddú og drengirnir
í Hallgrímskirkju
Jólatónleikar Tónlistar-
skóla Grundarfjarðar
Jólamarkaður Lions
stóð fyrir sínu
Lionsmeðlimirnir Rósa Guðmundsdóttir og Guðmundur Pálsson sáu um að rista
dýrindis möndlur fyrir Grundfirðinga.
Jólasveinninn mætti á svæðið og
gladdi yngstu kynslóðina með galsa
og gjöfum.
Opinber störf á landsbyggðinni
eiga það til að leka til baka
Kjarasamningar undirritaðir hjá
iðnaðar- og verslunarmönnum
Jólamarkaður við Akratorg