Skessuhorn - 29.03.2023, Side 10

MIÐVIKUDAGUR 29. MARS 202310
Barnamenningarhátíðin OK verður
haldin dagana 8.­13. maí næst­
komandi. Hátíðin fer milli svæða
á Vesturlandi með stuðningi SSV
og verður nú haldin í Borgarfirði
og nágrenni. Á barnamenningar­
hátíðinni er fagnað allri menningu
barna, menningu með börnum og
menningu fyrir börn í lífi þeirra
og verkefnum. Listaskóli Borgar­
fjarðar sér um skipulagið og
framkvæmdina í samstarfi við fjöl­
marga aðila, bæði skóla og fyrir­
tæki. Dagskráin er í hraðri mótun
og áhersla lögð á að verkefni barna
og ungmenna séu í sviðsljósinu.
Þetta er júróvisjón­vikan og því
upplagt að leggja hreinlega alla vik­
una undir menningu og skemmtun
með börnum sínum.
Í tilkynningu vegna undir­
búnings hátíðarinnar segir að fram
hafið komið frábærar hugmyndir
um verkefni og þó ekki sé hægt að
framkvæma allt sem stungið hefur
verið upp á að þessu sinni þá verður
safnað í sarpinn og geymt til betri
tíma.
„Gefið verður út Barnablað í
samvinnu við Skessuhorn með
völdu efni þar sem sögur, myndir
og ljóð barna á svæðinu fá aukna
athygli. Viðburðir verða í leik­
skólum og skólum. Þannig munu
t.d. nemendur úr söngleikjadeild
tónlistarskólans bjóða leikskólum
brot úr sýningunni Dýrin í Hálsa­
skógi. Grunnskólarnir verða með
opið hús þar sem afrakstri vetrar­
ins verður fagnað. Í boði verða líka
kvikmyndasýningar í Óðali í sam­
starfi við Bíó Paradís, tónleikar
með frumsömdum verkum, frum­
sýning og tónleikar sem byggja
m.a. á mjög forvitnilegum stein­
trompet frá Páli á Húsafelli sem
hann gaf nemanda tónlistarskól­
ans og öðrum náttúrusprottnum
hljóðfærum Páls í Reykholti,
sýning og sýningarleiðsögn fyrir
börn í Safnahúsinu, listsýning í
Geirabakaríi auk lokahátíðar í
Hjálmakletti laugardaginn 13. maí
þar sem ýmsir einstaklingar og
hópar á öllum aldri koma fram.“
Nafn hátíðarinnar, OK, er valið
vegna þess hve tengingar við orðið
eru fjölbreyttar og líka hrífandi.
OK er fjallið okkar allra, smátt í
fjallahringnum en mikilvægt eins
og börnin. OK, eins og börnin,
tengist líka samvisku einstaklinga.
Jökull þess er horfinn og minnir
okkur þannig á ábyrgð samfélags­
ins og framtíð barna okkar.
Orðið OK merkir líka byrði
og það minnir á fallega sögu um
byrði. Maður nokkur gekk fram
á ungan dreng með yngra barn á
bakinu. „Þetta er þung byrði fyrir
ungan dreng“ sagði maður við
drenginn. Drengurinn leit upp
og brosti um leið og hann sagði
„Þetta er ekki byrði – þetta er
systir mín“. Skilaboðin eru skýr og
falleg og gætu allt eins átt við nátt­
úruna sem allir þurfa að læra að
umgangast eins og „systur“ okkar.
OK er svo líka oft lesið ókei sem
merkir „allt í lagi“ sem felur í sér
skilaboð um létta og jákvæða lund
og var skemmtilega undirstrikað í
undankeppni júróvisjón núna í vor
í samnefndu lagi.
Auglýst verður eftir efni í barna­
blaðið og allar ábendingar um inn­
tak hátíðarinnar eða framkvæmd­
ina eru vel þegnar. Senda má póst á
tonlistarskoli@borgarbyggd.is.“
-fréttatilkynning
Samtök sveitarfélaga á Vesturlandi
hafa kallað eftir hugmyndum að
hátíðum á svæðum á Vesturlandi
þar sem listahátíðir eru alla jafnan
ekki að fara fram og uppfylla skil­
yrði sem sett eru í verkefninu.
„Listahátíðir á Vesturlandi“ er hluti
af áhersluverkefninu „Menningar­
gróska“ og er sett fram til að efla
framboð á faglegum listahátíðum í
landshlutanum. Er þetta liður í að
uppfylla markmið Sóknaráætlunar
Vesturlands um að auka hlutdeild
skapandi atvinnugreina í atvinnulífi
svæðisins og að Vesturland verði
þekkt fyrir ríkt menningarstarf með
öflugri markaðssetningu.
Fram kemur á heimasíðu SSV
að verkefnið sé útfært þannig að
gerður er samningur við aðila
sem hyggjast efna til listahátíðar
árið 2024, en skuldbinda sig til að
undirbúa og skipuleggja sín verk­
efni með t.d. gerð fjármagns­ og
verkáætlana, skoðana á samskonar
hátíðum og svo framvegis. Valin
verða að hámarki þrjú verkefni til
þátttöku og munu þau fá á bilinu
500­800 þúsund krónur í verkið.
Auk þess munu ráðgjafar SSV veita
ráðgjöf í ferlinu. Markmiðið er að
haustið 2023 verði tilbúið handrit
að listahátíð sem má nýta til frekari
fjármögnunar og umsóknar í Upp­
byggingarsjóð Vesturlands 2024.
Þau skilyrði sem verkefnin verða
að uppfylla eru: Sé grasrótarhátíð,
(þ.e. hafi ekki farið fram áður), með
sérhæfðum listgreinum, t.d. sviðs­
listir, myndlist, uppistand, hlað­
varp o.s.fv., séu ekki bæjarhátíðir
eða íþróttaviðburðir, sveitarfélög
og stofnanir í opinberum rekstri
hafa ekki rétt á þátttöku, kostur er
að hugað sé að barnamenningu,
hafi verkefnastjórnanda og/eða list­
rænan stjórnanda sem hefur hlotið
menntun og/eða reynslu í viðkom­
andi listgrein. Loks er æskilegt
að með framkvæmd viðburðarins
skapist atvinnu­ og viðskiptatæki­
færi fyrir ferðaþjónustaðila á starfs­
svæði hátíðanna og að ekki verði
farið í beina samkeppni við aðrar
listahátíðir eða menningarviðburði
á Vesturlandi.
Skipaður verður starfshópur
á vegum SSV sem annast val og
samningagerð við verkefnastjóra
hátíðanna. Hópurinn áskilur sér
þann rétt að hafna öllum inn­
sendum umsóknum. Tengiliður
SSV er Sigursteinn Sigurðsson
menningarfulltrúi.
vaks
Áhöfnin á Sigurvin, nýjasta
björgunar skipi landsins, ákvað á
föstudaginn að koma við í tveimur
höfnum vestanlands á siglingu
sinni frá Reykjavík til Siglufjarðar.
Fyrst var komið við í Akranes­
höfn þar sem siglt var í einn hring
fyrir Guðmund St Valdimars­
son ljósmyndara. Næst var för­
inni heitið til Rifs þar sem Lífs­
bjargarmenn tóku vel á móti
félögum sínum. Var nýja skipið
skoðað og síðan boðið í kaffi og
pönnukökur í björgunarsveitarhús­
inu, áður en förinni var fram
haldið norður. Í áhöfn skipsins var
meðal annarra Kolbeinn Óttars­
son Proppé fyrrum þingmaður og
blaðamaður á Skessuhorni, en nú
björgunarsveitarmaður á Siglu­
firði. Eftir viðkomu í Rifi var næsta
höfn Bolungarvík en komið var til
Siglufjarðar á laugardaginn.
Skipið er annað í röðinni af 13
skipum sem Slysavarna félagið
Landsbjörg er að láta smíða í
Finnlandi. Fyrstur var Þór frá
Vestmannaeyjum sem kom til
landsins fyrr í vetur, nú Siguvin
en þriðja skipið í röðinni mun
hafa aðsetur í Reykjavíkurhöfn og
kemur næsta haust.
mm
Kalla eftir hugmyndum að
hátíðum á Vesturlandi árið 2024
Barnamenningarhátíðin
OK fer fram í maí
Jökullinn Ok í ofanverðum Borgarfirði, sem á í vök að verjast sem slíkur.
Sigurvin kom við
í tveimur höfnum
á Vesturlandi
Tekinn var hringur í Akraneshöfn fyrir Guðmund St Valdimarsson ljósmyndara.
Sigurvin komið til Rifs. Þar er til staðar í höfninni björgunarskipið Björgin sem
smíðað var 1988 í Havant í Bretlandi. Telja verður líklegt að í þessari lotu endur-
nýjunar björgunarskipaflota Landsbjargar muni röðin koma að Lífsbjörgu, enda
oft sem reynir á mikilvægi öflugs björgunarskips á þeim slóðum. Ljósm. af.
Eftir hádegi á laugardag kom skipið til hafnar á Siglufirði. Mikil hátíðahöld voru á
Siglufirði í tilefni þessa. Ljósm. Landsbjörg.