AVS. Arkitektúr verktækni skipulag - 01.06.1998, Side 23

Fjárfesting í menningarmálum á þessu ári verður
36,5 millj. og munar þar mest um framlag vegna
byggingar fyrri hluta Menningarmiðstöðvarinnar,
þ.e. til tónlistarhúss og tónlistarskóla. Bæjarstjórn
hefur allt frá árinu 1990 lagt á það kapp að byggja
upp aðstöðu fyrir menningarstarfsemi í bænum.
Fyrst var lokið við Gerðarsafn. Hafist var handa
við þá byggingu 1986 og 1987 en síðan var engin
hreyfing fyrr en 1992 að bæjarstjórn hófst handa
við að Ijúka byggingu safnsins. Henni var síðan
lokið vorið 1994. Kostnaður við safnið var þá
orðinn 250 millj. kr. í haust var síðan hafist handa
við Menningarmiðstöðina og eru væntingar um að
hægt verði að Ijúka henni að fullu á næstu 4-5
árum. í framhaldi af því er líklegt að hægt verði að
koma upp útibúi fyrir bókasafn í austurhluta
bæjarins enda eykst byggð hraðfara og nauðsyn á
að hægt verði að fá þjónustu af þessu tagi í nýjum
hverfum bæjarins. Einnig er það keppikefli okkar
að Náttúrufræðistofan í Kópavogi verði viðurkennd
sem náttúrustofa fyrir Suðvesturland, þar sem hún
hefur alla burði til að sinna slíku hlutverki og hefur
reyndar á undanförnum árum sinnt miklum rann-
sóknum samfara því að vera hefðbundið náttúru-
gripasafn með mikla starfsemi. ■
ECLAS - RÁÐSTEFNA í VÍN
Opin svæði í þéttbýli og borgarsvæði. Evrópska
borgin sem vettvangur fyrir kennslu og rannsóknir
í landslagsarkitektúr. Dagana 17. - 20. september
nk. verður haldin ráðstefna í Vínarborg í Austurríki
á vegum ECLAS (European Conference of Land-
scape Architecture Schools). Þema ráðstefnunnar
er: Opin svæði í þéttbýli og borgarsvæði. ECLAS
er samstarf háskóla í Evrópu á sviði landslags-
arkitektúrs. Þeir sem að ráðstefnunni standa eru:
I Landslagsarkitektadeild Tækniháskólans í Vín,
I Deildir fyrir landslagsarkitektúr, landslagshönn-
un og landslagsskipulag við Landbúnaðarháskól-
ann í Vín.
Ráðstefnan er skipulögð í samvinnu við Vínar-
borg. Vínarborg hýsir tvo háskóla á sviði lands-
lagsarkitektúrs og hefur einnig upp á að bjóða fjöl-
breytilegt landslag. Borgin hefur lengi haft opin
svæði á sinni stefnuskrá. Vínarborg liggur á
mörkum fyrrum Austur-Evrópu og Vestur-Evrópu
og bíður upp á möguleika á að fagmenn frá þess-
um svæðum hittist. Skipuleggjendur munu fagna
því að sem flestir þátttakendur frá allri Evrópu láti
sjá sig á ráðstefnunni. Ráðstefnan 1998 verður
fyrsta ECLAS-samkoman í Vín. En 1990 hófst
undirbúningur að stofnun ECLAS og var sá undir-
búningsfundur haldinn í Vín.
Fyrir utan það að borgin eigi sögulega garða, opin
svæði og Vínarskóginn er borgin ein af fáum
borgum með sinn eigin þjóðgarð og landbúnaðar-
svæði (t.d. með vínvið) innan borgarmarkanna.
Á 7. og 8. áratug voru haldnar alþjóðlegar garð-
yrkjusýningar sem leiddu af sér tvo nýja stóra
garða. Á 9. og 10. áratug voru byggð opin svæði
sem tengdust stórum framkvæmdum, Dónáreyja
og Marchfeldskurðurinn. Síðan járntjaldið féll
1989 upplifir Vínarborg nýja bylgju í byggingu
íbúðarhúsnæðis og nýrra skóla með tilheyrandi
opnum svæðum. í upphafi aldarinnar var skipu-
lagður grænn hringur í kringum borgina. Enn
hefur honum ekki verið lokað en nú er unnið að
því að loka græna hringnum.
RÁÐSTEFNAN
Ráðstefnan fer fram dagana 17. og 18. septem-
ber með fyrirlestrum og umræðum. 19. og 20.
september verða skoðunarferðir um Vínarborg og
nágrenni sem tengjast þema ráðstefnunnar.
Ráðstefnutungumálin verða enska og þýska.
Nánari upplýsingar um ráðstefnuna eru á vef-
síðunni: http://e261nt1.ac.at/eclas98/ ■
21