Harmonikublaðið - 15.09.2021, Qupperneq 2

Ávarp formanns
Kæru félagar og vinir
Sumarið er senn á enda og haustið heilsar okkur brátt með sinni
fallegu litadýrð. Sumarið var með eindæmum sólríkt og gott á mínum
slóðum og víðar, þó ekki hafi það verið um land allt. En ástandið í
þjóðfélaginu hefur verið sveiflukennt, eins og í fyrra fór allt á hliðina
hjá okkur fljótlega eftir að covidtakmörkunum var aflétt og við máttum
knúsast og kyssast. Þar af leiðandi voru reglur hertar aftur og ekki
gekk það eftir að við fengjum varanlegt samkomufrelsi. Já það er best
að ganga hægt um gleðinnar dyr. Þannig tókst ekki að halda útihátíðir
félaganna nema eina. Það var hátíð Þingeyinga og Eyfirðinga að
Ydölum 23.-25. júlí. Hún var líka alveg frábær og veðrið hreint
yndislegt. En svo var skellt í lás og hátíð FHUR sem átti að halda að
Borg í Grímsnesi um verslunarmannahelgina var aflýst. Þar komu þó
saman vinahópar en ekkert opinbert skemmtanahald. Eins hefur frést
af spilamennsku í stærri og smærri hópum víða, þó ekki hafi verið
formlegar skemmtanir og er það alveg frábært því undanfarið eitt og
hálft ár hafa harmonikufélögin lítið getað starfað.
Landsmót SIHU verður haldið í Stykkishólmi dagana 30. júní — 3.
júlí 2022. Það er búið að fresta því tvisvar en nú verður reynt til
þrautar. Ég hvet menn til að taka þessa daga frá strax og stefna að því
að mæta í Hólminn á næsta ári. Rétt að ítreka það að fyrsti tíminn er
bestur til að tryggja sér góða gistingu í Stykkishólmi. Landsmótin eru
frábær skemmtun, ég hlakka til að hitta ykkur þar sem flest og njóta
tónlistarveislunnar í góðum félagsskap.
Gaman að segja frá því að föstudaginn 10. sept. nk. eru þær Asta
Soffía og Krisdna með tónleika í Hvammstangakirkju kl. 18:00 og
hvetjum við sem flesta til að mæta þar, frábærir tónlistarmenn þar á
ferð. Haustfundur SÍHU
verður svo haldinn að Hótel
Laugarbakka í Miðfirði í boði
Húnvetninga og Dalamanna,
11. september nk. Þar hittist
stjórn SIHU, formenn og
fulltrúar félaganna, málin
rædd og starf næstu ára
skipulagt. Að sjálfsögðu
harmonikurnar þandar þar
líka við hvert tækifæri. Þar
mun stjórn leggja til að stjórnarkosningar verði með sama hætti og
hefðu átt að vera haustið 2020. Þannig verði síðasta ár ekki tekið með
í setu stjórnarmanna SIHU, enda var helsta verkefni starfsársins að
halda landsmót sem hefur svo þurft að fresta tvisvar.
En sama á hverju dynur þá horfum við bara bjartsýn fram á veginn
og hlökkum til næstu samverustunda. Hittumst heil við fyrsta tækifæri
sem gefst!
Alltfórþetta á annan veg
en ég hélt í vetur,
en þaðfer að lagast það held ég
þaðfer að ganga betur.
Harmonikukveðj ur,
Filippía J. Sigurjónsdóttir
Sagnabelgurinn
Sagan er fengin að láni úr skemmtilegum endurminningum Svavars
Gests sem út komu árið 1992, með góðfúslegu leyfi Mána Svavarssonar.
Gefum Svavari orðið:
Eitt sinn stakk Konráð veitingamaður á Hótel Sögu því að mér að
góðir kunningjar hans, hjón sem þá voru á dansgólfinu, héldu
sérstaklega upp á franskan vals, sem hafðu verið leikinn í brúðkaupi
þeirra. Við vorum með lagið á efnisskrá okkar og lékum það strax og
laginu lauk sem við vorum að spila. Eg kannaðist við manninn en ekki
konuna. Þau litu þakklát til mín þegar þau heyrðu fyrstu tóna lagsins
og klöppuði óspart þegar því lauk. Þau komu nokkuð oft í Súlnasalinn
og fengu ætíð uppáhaldslag sitt. Svo sá ég þau ekki í nokkurn tíma en
eitt kvöldið sá ég ekki betur en þau væru komin á dansgólfið og við
lékum strax franska valsinn þeirra. Ég sá að maðurinn leit undrandi í
áttina til mín og sendi mér hvasst augnaráð. Þá kom Konráð hlaupandi
til mín og sagði: Nú þýðir ekki lengur að spila þetta lag. Hjónin eru
skilin og þetta er nýja kona mannsins.
Harmonikusafn
Ásgeirs S. Sigurðssonar
býður öldruðum harmonikum farsælt ævikvöld á
Byggðasafni Vestfjarða.
vðttsafn
Sími 456 3291 - byggdasafn@isaljordur.is - www.nedsti.is
2