Harmonikublaðið - 15.09.2021, Qupperneq 8

Harmonikufjör í Austfjarðablíðu
Það var á vordögum í sumarbústað austur í sveitum
að vinur minn og spilafélagi tilkynnti mér að hann
og fleiri vinir okkar væru að fara austur á land á
harmonikumót, hann fullyrti við mig að Mekka
harmonikunnar væri í Neskaupstað. Því ætti ég að
gera helgarprógramm fyrir hópinn. Nú, ég skorast
yfirleitt ekki undan því sem að harmonikuvinir
mínir biðja mig um svo ég hófst þegar handa.
Dagskráin miðaðist við að gestir yrðu mættir ekki
síðar en að kvöldi fimmtudagsins 15. júlí. Veit ég
að einn hópur fór af stað að sunnan á þriðjudegi
og stoppaði á Klaustri og svo lá ferð þeirra á
Hornafjörð og þau spiluðu þar á hjúkrunarheimilinu.
Síðan var haldið áfram austur. Þegar fór að líða að
fimmtudeginum þá voru góð ráð dýr, því öll
tjaldstæði eystra voru yfirfull. Sólarstrandarveður
búið að vera dagana á undan og spáði vel áfram. A
þriðjudegi var útséð með að hægt yrði að nota
tjaldstæðið í Neskaupstað þar sem það var yfirfullt.
Þá var ekkert um annað að velja en að setja upp
plan B og svo plan C til vara. Eg var svo heppin að
fá aðstöðu hjá Hestamannafélaginu Blæ á Norðfirði,
sem er með reiðhöll og ágætar grasflatir á
Kirkjubólseyrum inni í Norðfjarðarsveit. Þar áttum
við góða daga, allir ánægðir með staðsetninguna
og þá ágætu aðstöðu sem við fengum þar.
Fyrsta hjólhýsið kom í bæinn á þriðjudeginum og
var það gamli sjóarinn, hann Erlingur, með sína
frú. Ekki fengu þau inni á tjaldstæðinu og hvert
skyldi þá halda? Þegar hann hringdi í mig voru þau
búin að koma sér fyrir við gömlu loðnuþróna sem
í dag er búið að fylla upp í og grænt gras yfir öllu.
Þar var gamla bræðslan, en hún fór í snjóflóðunum
1974. Eg efa ekki að sjóarinn hafi rifjað upp gamlar
minningar frá síldarárunum og eflaust fundið
lyktina, sem fylgdi síldarævintýrum þeirra daga.
Svo tíndust harmonikuunnendur í bæinn einn af
öðrum og fljótlega var komin hjólhýsaþyrping við
Reiðhöllina og harmonikan strax þanin í
blíðviðrinu. Á fimmtudeginum fékk ég Elísabetu,
Ulfhildi og Kristján með mér á Eskifjörð og
spiluðum við á hjúkrunarheimilinu Hulduhlíð.
Föstudagurinn rann upp bjartur og fagur og fóru
þau áðurnefndu með mér á Breiðablik sem eru
íbúðir aldraðra í Neskaupstað. Þangað var líka
komið með vistmenn af hjúkrunardeildinni. Báðar
þessar skemmtanir tókust frábærlega vel og fengum
við mjög góðar undirtektir. Klukkan 17:00 mættu
svo allir harmonikuvinir og spiluðu við Beituskúrinn
í Neskaupstað við mjög góðar undirtektir og
fjölmenni. Kvöldið var svo tekið rólega hjá sumum
á meðan að aðrir fóru í sjóferð um flóann á
skemmtibátnum Einari afa með skipstjóranum
Einari Sveini sem gerði siglinguna stórkostlega og
ógleymanlega þeim sem í hana fóru.
Það var siglt út Norðfjörð og yfir í næsta fjörð sem
heitir Hellisfjörður og þaðan í þarnæsta fjörð sem
er Viðfjörður. Þaðan kemur stór ætt sem ég tilheyri.
Svo var siglt út með Suðurbæjum og þangað liggur
ætt mín líka. Pabbi var frá Gerðisstekk og bróðir
8
Veðurblíða var frekar regla en undantekning á Norðfirði í sumar
Gestir njóta harmonikutónlistar við Beituskúrinn í Neskaupstað