Harmonikublaðið - 15.09.2021, Síða 17
Það voru síðan harmonikusalarnir Einar
Guðmundsson og Gunnar Kvaran, sem hófu
leikinn og þurftu gestir ekki frekari hvatningu
til að hefja dansinn. Það var BRAZ bandið
sem tók við af þeim og lék góða blöndu af
danstónlist, enda vant fólk á hverjum pósti.
Ekki var heldur neinn byrjendabragur á
Dansbandinu, sem keyrði upp fjörið sem
aldrei fyrr, undir öruggri stjórn söngkonunnar
frábæru Ragnheiðar Júlíusdóttur. Það mátti
greina að nú voru að fara í hönd síðustu dansar
sumarsins, því nú var dansað sem aldrei fyrr
og voru flestir sótraftar á sjó dregnir. Til að
ljúka ballinu settust þær með hljóðfærin að
lokum Hildur Petra og Guðný Kristín. Það
var lítið farið að draga af dönsurunum þegar
þær hættu stuttu fyrir miðnætti. Mér telst til
að 34 hamonikuleikarar hafi komið við sögu
á skemmtunum í Ydölum þessa helgi. Þeim
til fulltingis við undirleik má nefna
gítarleikarana Hauk Má Ingólfsson, Pálma
Helga Björnsson, Andrés Einarsson, Jóhann
Möller og Bjarna Gunnarsson. Bassaleikarana
Eirík Bóasson, Marinó Björnsson og Gunnar
Möller, trommuleikarana Magnús Kristinsson
og Arna Ketil Friðriksson og
hljómborðsleikarann Ingólf Jóhannsson.
Mótsstjórnin á mikið hrós skilið, en hennar
framganga var til mikillar fyrimyndar, við
mjög svo krefjandi aðstæður. Að leikslokum
kvaddi Jón Helgi Jóhannsson formaður
Þingeyinga, fyrir hönd mótsstjórnar, með
þessari vísu Friðriks Steingrímssonar.
Þá er úti þetta geim,
það varð hvorki slys né tjón.
Með von þið komist klakklaust heim,
kveðja Agnes og hann Jón.
Síðan hélt hópurinn út í sumarnóttina og við
tóku hefðbundin eftirpartý að sið harmoniku-
unnenda, enda kvöldið ekki nema rétt hálfnað
miðað við undanfarin ár og bar margt til
tíðinda að venju. Sunnudagurinn fór aðallega
í samantekt, kveðjur og brottför til allra átta.
Hittumst að ári.
Friðjón Hallgrímsson
Myndir: Siggi Harðar
NorSfirSingar hófu leikinn í Ýdölum Samtaka nú
£
'1
— j__- T _ ^ m
KcmvdiL nú ctð kueðaÁÍ á (íafipÍMi eJ^ joú qxJtuA
Hagyrðingakvöld og dansleikur verður haldið að Smyrlabjörgum 30. október 2021.
Skemmtun hefst kl. 18:30 með
Hagyrðingar kvöldsins verða:
Andrés Björnsson
Kristín Jónsdóttir
Kristjana Björnsdóttir
Snorri Aðalsteinsson
Stjórnandi: Hjálmar Jónsson
2ja rétta kvöldverði.
Félagar úr FHUR leika fyrir dansi
Matur og skemmtun kr. 9.500 pr.mann
Gisting kr. 8.000 pr.mann
Miðapantanir í síma 478 1074
Félag harmonikuunnenda á Hornafirði
w
17