Þingtíðindi Alþýðusambands Íslands ... - 13.11.2000, Qupperneq 116

• Vinna gegn því af öllum mætti að atvinnutækifæri séu flutt úr landi.
• Vinna stefnu sinni fylgi og sjá til þess að hún komist í framkvæmd.
Áherslur og helstu verkefni ASÍ á sviði vinnuréttar:
Réttindi á vinnumarkaði
Áherslur ASÍ
• ASI leggur áherslu á, að virt séu í hvívetna grundvallarmannréttindi launa-
fólks og íslenskrar og alþjóðlegrar verkalýðshreyfingar.
• ASI leggur áherslu á að allt launafólk á íslenskum vinnumarkaði njóti
sömu réttinda í skjóli samræmdrar og heildstæðrar löggjafar.
• ASÍ telur að tryggja beri erlendu launafólki sömu réttindi á vinnumarkaði
og íslendingar njóta og að þeim verði gert mögulegt að vera fullgildir þátt-
takendur í íslensku samfélagi.
• ASI telur að réttindum launafólks á Islandi skuli skipað þannig að íslensk
löggjöf og túlkun dómstóla taki ætíð mið af réttindum eins og þau gerast
best, en ekki af lágmarkskröfum skv. innlendum og alþjóðlegum skuld-
bindingum.
Helstu verkefni ASI eru að:
• Eiga frumkvæði að réttarbótum til handa launafólki í ákvæðum kjarasamn-
inga og laga.
• Hafa eftirlit með setningu laga og stjórnvaldsfyrirmæla er varða hagsmuni
launafólks.
• Vinna að því að erlent launafólk fái fullnægjandi upplýsingar um réttindi
sín og að því verði gert kleift að tileinka sér íslenska tungu.
• Taka virkan þátt í undirbúningi lagasetningar, fullgildingar tilskipana ESB
sem eiga að gilda hér á landi skv. ákvæðum samningsins um EES og ann-
arra alþjóðlegra skuldbindinga sem varða hagsmuni launafólks og verka-
lýðshreyfingar, þar með talið samþykkta Alþjóða vinnumálastofnunarinn-
ar, sérstaklega samþykktar nr. 158 um uppsögn starfs af hálfu atvinnurek-
anda.
• Taka virkan þátt í samstarfi á sviði lögfræði og samningagerðar innan sam-
taka launafólks á norðurlöndunum og á EES-svæðinu.
114