Þingtíðindi Alþýðusambands Íslands ... - 13.11.2000, Side 56

fulltrúi hafði lokið við að kjósa, greindi móðurtölvan frá niðurstöðunni. Með
þessu sparaðist umtalsverður tími sem annars hefði farið í talningu.
Þetta fyrirkomulag vakti verðskuldaða athygli þingfulltrúa og kallaði fram
gamanmál og vísur. M.a. barst þessi vísa frá Jóni Guðmundssyni:
Við að kjósa með tölvu þá kosti égfann
að kjörseðill útfyllist rétt og með sann
og talning ei þingstörfin tefur.
Efvirkjarð’u í „ógáti“ vitlausan mann
þá vefst ekki fyrir að aftengja hann
og velja sem vitið þér gefur.
Skemmst er frá því að segja að kosningakerfið virkaði fullkomlega, jafnt í
tilraunakosningunni og í raunverulegum kosningum á þinginu.
Forsetakjör
Kjör forseta fór fram fimmtudaginn 15. nóvember. Halldór Bjömsson, formað-
ur kjörnefndar, kynnti tillögu kjörnefndar. Meirihluti kjörnefndar gerði tillögu
um Ara Skúlason sem næsta forseta ASI. Þorbjöm Guðmundsson, Trésmiða-
félagi Reykjavíkur kynnti tillögu minnihluta, sem gerði tillögu um Grétar Þor-
steinsson. Þingforseti lýsti eftir fleiri framboðum. Engin bárust.
Þátt í kosningunum tóku 484 þingfulltrúar og fjöldi atkvæða að baki þeim
var samtals 71.675. Atkvæði féllu þannig:
Grétar Þorsteinsson 47.450
Ari Skúlason 23.925
Tveir seðlar voru auðir. Grétar Þorsteinsson er því réttkjörinn forseti ASI
til ársfundar 2002.
Grétar Þorsteinsson, nýkjörinn forseti tók til máls og þakkaði það traust sem
honum hefur verið sýnt. Hann þakkaði Ara Skúlasyni sérstaklega fyrir drengi-
lega kosningu. Hann sagðist vona að hreyfingin hlyti ekki skaða af þessu, held-
ur gætu menn snúið bökum saman í vinnunni við þau verkefni sem við blasa.
Hann benti sérstaklega á nýsamþykkt lög í því sambandi.
Ari Skúlason tók til máls. Hann óskaði nýkjörnum forseta til hamingju og vel-
farnaðar í starfi. Hann kvaðst koma ósár úr þessari baráttu og sagðist vona að
sú vinna sem hefði verið í gangi undanfarið, ekki síst í sambandi við ný lög,
yrði sambandinu til framdráttar.
54