Þingtíðindi Alþýðusambands Íslands ... - 13.11.2000, Side 99

samfélag þar sem undirstaða góðra lífskjara er öflugt atvinnulíf sem býður
launafólki upp á góð störf og góð kjör. Við viljum fjölskylduvænan vinnu-
markað sem byggir á traustum réttindum launafólks, þekkingu og hæfni, þar
sem saman fara ábyrgð á vinnumarkaði og möguleiki á að lifa fjölskyldulífi og
afla sér frekari menntunar.
Eftir að hafa háð varnarbaráttu undanfarin ár er lag fyrir verkalýðshreyf-
inguna að sækja á ný. Það er hljómgrunnur í samfélaginu fyrir þau sjónarmið
sem hún hefur fram að færa og slíkt tækifæri verður verkalýðshreyfingin að
nýta til að hagsmunir og sjónarmið launafólks hafi áhrif á þróun samfélagsins.
Verkalýðshreyfmgin verður að fylgjast grannt með framvindu efnahags- og
velferðarmála til að tryggja að launafólk njóti í reynd umsaminna kjara- og
réttindabóta. Til að tryggja góð lífskjör, trygga stöðu launafólks á vinnumark-
aði og öflugt atvinnulíf til frambúðar verður verkalýðshreyfingin að auka al-
menna þátttöku í starfs- og símenntun. Hún verður að ná því takmarki í sam-
starfi við stjórnvöld, atvinnurekendur og menntakerfið að tryggja öllu launa-
fólki með litla menntun að baki ný tækifæri til náms. Alþýðusambandið á
áfram að vera leiðandi afl í samstarfi við aðrar þjóðir á Evrópuvettvangi enda
ráðast aðstæður og réttindamál á vinnumarkaði í sífellt ríkari mæli af ákvörð-
unum sem teknar eru þar. Alþýðusambandið verður einnig að leiða umræðuna
um það með hvaða hætti hagsmunir íslensks launafólks og atvinnulífs verða
best tryggðir í víðtækara samstarfi Evrópuþjóða innan Evrópusambandsins.
Alþýðusambandið mun fylgja eftir frumkvæði sínu í því að skapa heildstætt
réttindakerfi launafólks á vinnumarkaði. Slíkt kerfi er ekki aðeins mikilvægt
skref í fjölskyldu- og jafnréttismálum heldur eykur það öryggi fólks vegna
veikinda og slysa, og tryggir betri rétt til menntunar.
Hér á eftir er fjallað í stuttu máli um sýn verkalýðshreyfmgarinnar á stöðu
og þróun einstakra málaflokka og síðan dregin út nokkur af þeim áhersluatrið-
um og málaflokkum sem Alþýðusambandið hyggst helst beita sér í á næstu
einu til tveimur árum.
ÍSLAND í DAG
Greining og leiðsögn
Efnahags-, kjara- og atvinnumál
Meginmarkmið verkalýðshreyfingarinnar er að tryggja atvinnu og atvinnulíf
sem býður launafólki upp á næg störf og stendur undir háu launastigi. Hófleg-
ur vinnutími og réttindakeifi sem tryggir fólki möguleika á að sinna fjöl-
skylduábyrgð sinni samhliða námi og starfi eru mikilvægur hluti af góðum
lífskjörum.
97