Framkvæmdafréttir Vegagerðarinnar - 31.03.2023, Page 14

14 Framkvæmdafréttir nr. 724
2. tbl. 31. árg.
Framkvæmdafréttir nr. 724
2. tbl. 31. árg.
15
Ný tenging sem getur
stytt byggingartíma
Rúnar Steinn Smárason hlaut
nemendaviðurkenningu Steinsteypufélags
Íslands í febrúar fyrir verkefnið „Þróun nýrrar
tengingar milli forsteypts stöpulveggjar og
staðsteypts sökkuls.“ Rúnar Steinn hefur verið
sumarstarfsmaður hjá Vegagerðinni undanfarin
sumur og hefur starfað á framkvæmdadeild
Vegagerðarinnar í vetur.
Rúnar Steinn útskrifaðist í vetur með BS gráðu í
byggingatæknifræði frá Háskólanum í Reykjavík. „Ég
var mjög ánægður með námið. Það er mjög fjölbreytt,
mikil hópavinna, verkefnaskil og svo mikið verklegt
sem er stór kostur. Þá fær maður starfsréttindi eftir
BS prófið sem er frábært. Í árganginum mínum voru
sex nemendur, þrír strákar og þrjár stelpur. Við vorum
þéttur hópur sem unnum vel saman,“ segir Rúnar
Steinn.
Rúnar Steinn hefur verið sumarstarfsmaður á
framkvæmdadeild Vegagerðarinnar frá 2020.
„Kennarinn minn, Ólafur Sveinn Haraldsson,
benti mér á að sækja um. Hann er forstöðumaður
rannsóknadeildar hjá Vegagerðinni. Hann segir öllum
sínum nemendum að sækja um hjá Vegagerðinni því
þar sé svo skemmtilegt og lærdómsríkt að vinna,“ segir
Rúnar Steinn glettinn.
Honum hefur líkað mjög vel að starfa hjá
Vegagerðinni enda hafi það gefið honum ómetanlega
innsýn inn í ferlið að baki vegaframkvæmdum, allt frá
hugmynd og hönnun til framkvæmdar. „Ekkert verkefni
er eins, sem er mikill kostur.“
↑
Með Agli Valssyni,
tæknimanni verkfræðideildar
HÍ og Franz Sigurjónssyni
meistaranemanda í
byggingarverkfræði, eftir
prófun á einu prófstykkinu.