Framkvæmdafréttir Vegagerðarinnar - 31.03.2023, Side 22

22 Framkvæmdafréttir nr. 724
2. tbl. 31. árg.
Framkvæmdafréttir nr. 724
2. tbl. 31. árg.
23
Nú er það svo að ég er ekki mikill listamaður eða
merkilegur teiknari en ég réði þó sæmilega við þetta
tvívíða format sem tákn umferðarmerkja er. Ég held
þó að aðal ástæðan fyrir því að yfirmenn mínir létu
mig halda áfram við þetta verk var sú að ég var mjög
fljótur að vinna þetta í FreeHand forritinu og var ég oft
kominn með tillögu að tákni sama dag og óskað var
eftir henni. Það var hentugt og því ekki leitað annað.
Í reglugerðinni frá 1995 hljóðar 41. greinin svo:
„Vegagerðin mun hafa til sölu tölvudisklinga með
myndum umferðarmerkja og málsetningu, svo og
vinnuteikningar af einstökum merkjum í mælikvarða
1:4.“ Fáum árum síðar voru þessar teikningar komnar
á vefinn, öllum aðgengilegar án endurgjalds. Í nýju
reglugerðinni 32. grein segir: „Vegagerðin skal á vefsíðu
sinni gera aðgengilegar myndir og málsetningar merkja
sem getið er í reglugerð þessari.“ Þannig mun það áfram
vera á ábyrgð Vegagerðarinnar að hafa þetta í lagi.
Reglugerðin frá árinu 1989 var 36 blaðsíður
en árið 1995 voru blaðsíðurnar 70 í sama broti. Það
segir talsvert um fjölgun merkja og mynda. Það kom
aftur út reglugerð 1998 en síðan hafa einungis komið
viðbætur, a.m.k. 7 talsins, sem hafa verið auglýstar
í Stjórnartíðindum en engin heildarútgáfa fyrr en
sú sem nú er væntanleg. Á þessum árum fluttist
ábyrgð á þessu málefni frá dómsmálaráðuneyti
til samgönguráðuneytis og varð það til þess að
Vegagerðin hafði að mestu frumkvæði varðandi
viðbætur við umferðarmerkin og aðrar lagfæringar
á reglugerð. Það var líklega ástæðan fyrir þessum
bútasaumi, það var auðveldara að skjóta inn einni og
einni auglýsingu en að fara í heldar endurskoðun.
Sú útgáfa á umferðarmerkjareglugerð sem nú
er væntanleg hefur verið í vinnslu í nokkur ár. Einar
Pálsson á þjónustusviði Vegagerðarinnar tók við af
Birni Ólafssyni sem stjórnandi þessa verkefnis og
hefur leitt vinnuna við nýja reglugerð. Ég mun fjalla
um hana í sérstakri grein en mín aðkoma að þeirri
vinnu var yfirlestur og ráðgjöf varðandi texta og svo
öll teiknivinna. Myndirnar eru yfir 500 talsins og þótt
flestar þeirra hafi verið til frá 1995 þá þurfti að fara
Það hefur verið nokkur umræða undanfarna áratugi um hvort ástæða sé til að íslensk umferðarmerki séu
einnig með enskum texta. Þetta á einkum við þar sem um er að ræða tákn sem má segja að sé séríslenskt.
Lengi var mikil andstaða gagnvart þessu og er enn að nokkru leyti. Meðal raka er að ekki sé víst að stór hluti
↑
Mynd 14 Tvö viðvörunarmerki sem bættust við
reglugerðina eftir 1998 með sérstökum auglýsingum.
Íslenska sauðkindin brýtur upp regluna um að táknið
skuli teiknað frá hlið. Hún horfir í áttina að ökutækinu en
lambið fylgist ekki með og getur stokkið af stað hvenær
sem er. Með auglýsingu var einnig ákveðið að merki sem
sett eru upp tímabundið vegna framkvæmda skuli vera
með öðrum skærari neongulum grunnlit en hefðbundin
viðvörunarmerki. Það á við um veghefilinn.