Framkvæmdafréttir Vegagerðarinnar - 10.10.2022, Qupperneq 3

2 Framkvæmdafréttir nr. 721
6. tbl. 30. árg.
Framkvæmdafréttir nr. 721
6. tbl. 30. árg.
3
Tvö stærri vegamót eru í framkvæmdinni, hringtorg
við Biskupstungnabraut og nýjan Hringveg og svo
hliðfærð T-vegamót á Hringvegi við Hvammsveg
eystri og Kirkjuferjuveg. Til framkvæmdanna teljast
einnig bygging fimm steyptra brúa og undirganga
ásamt tveimur reiðgöngum úr stáli, auk breytinga á
lagnakerfum veitufyrirtækja. Hringvegur er byggður
upp sem 2+2 vegur en gengið verður frá yfirborði hans
sem 2+1 vegar.
Framkvæmdir hafa gengið framar vonum og
eru nokkuð á undan áætlun. Enn á eftir að steypa
brúargólf á tvær brýr, yfir Bakkárholtsá og við
Kotströnd. Þá á eftir að malbika veginn frá Kotströnd
að Kirkjuferjuvegi en sá hluti Hringvegar var byggður
nýr frá grunni.
Verkinu í heild á að ljúka í september 2023
samkvæmt útboði og verksamningi en útlit er fyrir að
umferð verði hleypt á allan kaflann fyrir árslok en gera
má ráð fyrir einhverjum frágangi fram eftir
árinu 2023.
↓ Vonast er til að vegurinn milli Kotstrandar
og Kirkjuferjuvegs klárist fyrir árslok.
→ Undirgöng við Kotströnd eru langt komin.