Framkvæmdafréttir Vegagerðarinnar - 10.10.2022, Blaðsíða 10

10 Framkvæmdafréttir nr. 721
6. tbl. 30. árg.
Framkvæmdafréttir nr. 721
6. tbl. 30. árg.
11
Rannsóknarteymi skilaði áfangaskýrslu þar sem gerð
er grein fyrir niðurstöðum rannsókna á sprautusteypu
í Hvalfjarðargöngum, Fáskrúðsfjarðargöngum og
Héðinsfjarðargöngum. Í ár er áætlað að skoða fjögur
göng til viðbótar. Verkefnið er samvinnuverkefni unnið
af Mannviti og Vegagerðinni.
Stutt ágrip af verkefnalýsingu
Verkefnið felur í sér að kanna ástand sprautusteypu í
íslenskum veggöngum með tilliti til aldurs, hrörnunar
og þykktar, og með því að reyna að áætla líftíma
sprautusteypunnar miðað við þykkt ásprautaðs lags.
Markmið rannsóknarinnar er að betrumbæta
hönnunarforsendur við val á þykkt ásprautaðrar
steypu til bergstyrkinga við sæmilegar til góðar
jarðgangaaðstæður.
Sýni fyrir fyrri áfanga verkefnisins voru tekin
vor og sumar 2021. Sýnatökustaðir voru valdir út
frá jarðfræðilegum aðstæðum og áætlaðri þykkt
sprautusteypunnar á hverjum stað í göngum. Einnig
var skoðað hvar sýni hafa verið tekin áður og metið
sérstaklega hvort æskilegt sé að taka ný sýni á sömu
slóðum til samanburðar við rannsóknir, sem gerðar
voru árin 2003-2005.
Ástand sprautusteypu í
jarðgöngum nokkuð gott
„Ástandsskoðun sprautusteypu í
íslenskum veggöngum – fyrri áfangi“ er
heiti rannsóknarverkefnis sem styrkt er af
rannsóknasjóði Vegagerðarinnar. Í verkefninu er
ástand sprautusteypu í veggöngum skoðað með
tilliti til þykktar og væntanlegs líftíma.
Bakgrunnur og forsaga
Á Íslandi er jafnan stuðst við norska hönnunarstaðla
þegar kemur að jarðgöngum. Jarðfræðilegar aðstæður
eru þó ólíkar og getur það haft áhrif á styrkingar og
magn. Hér á landi er berggrunnurinn frekar „basískur“
en í Noregi eru það helst „súr“ berglög sem skapa
vandamál fyrir líftíma sprautusteypu í göngum yfir
sjávarmáli og selta í neðansjávargöngum. Einnig er
jarðvatnið hér á landi basískara en norska grunnvatnið.
Steypa er í eðli sínu „basísk“ og sýrustig hennar því
nær því sem er að finna í umhverfi íslenskra aðstæðna.
Það er því þörf á að kanna hrörnun sprautusteypu
í íslenskum veggöngum, þannig að meta megi
væntanlegan líftíma ásprautaðrar steypu hér á landi.
Þar með fást betri forsendur fyrir þykktarviðmiðum
ásprautaðrar steypu við sæmilegar til góðar
jarðfræðilegar aðstæður, en um 70 til 90% af
heildarlengd vegganga undanfarinna ára hafa lent í
þeim gangaflokki.
Von er um að niðurstöður verkefnisins gefi til
kynna að draga megi úr þykktarkröfum sprautusteypu
í góðu gangabergi án þess að það komi niður á kröfum
til líftíma bergstyrkinga sem settar eru (100 ár).
Ef hægt verður að sýna fram á að minni
lágmarksþykkt sprautusteypu í göngum uppfylli
áðurnefndar kröfur í tveimur efstu styrkingarflokkum
mun það minnka magn steypu í göngum umtalsvert.
Einnig mun það leiða til þess að kolefnisspor
framkvæmdar minnkar ásamt styrkingakostnaði.