Ský - 01.02.1998, Blaðsíða 8

í fótspor Ingvars Sigurðssonar
Baldur Trausti Hreinsson leikur Ormar í Meiri gauragangi
sem er sjálfstætt framhald af kassastykkinu Gauragangi
LEIKHÚS
Síðasti bærinn í dalnum
Hafnarfjarðarleikhúsið Hermóður og Háð-
vör er búið að koma sér þægilega fyrir á
leikhúskorti höfuðborgarinnar. Sýningar
hópsins hafa verið sérlega frísklegar og er
þessi nýja leikgerð á sögu Lofts Guð-
mundssonar þar engin undantekning. Hér
er á ferðinni gamansöm lýsing á baráttu
sveitafjölskyldu við yfírgangssöm og frek
tröll sem vilja öllu ráða í litla dalnum þeirra.
Meðal leikara eru María Ellingsen, Halldór
Gylfason, Björk Jakobsdóttir og Gunnar
Helgason. Um leikstjórataumana heldur
svo Hilmar Jónsson.
Söngvaseiður
Pessi sígildi söngleikur var síðast settur
upp í Þjóðleikhúsinu árið 1991. Nú spreytir
LA sig á honum og hefur fengið hina stór-
efnilegu söngkonu Þóru Einarsdóttur til
þess að syngja hlutverk barnfóstrunnar
geðþekku, Maríu. Hörkutólið Von Trapp
kaptein leikur Hinrik Óiafsson og í hlutverki
elstu dóttur hans er Jóna Fanney Svavars-
dóttir, bróðurdóttir hetjutenórsins okkar,
Kristjáns Jóhannssonar. Það er Auður
Bjarnadóttir sem leikstýrir, en fyrsta leik-
stjóraverkefni hennar var hin ákaflega vel
heppnaða Ástarsaga 3 sem sýnd var í
Borgarleikhúsinu í haust.
Takið eftir leikmynd Messíönu Tómasdóttur
sem ku vera mikið listaverk.
Óskastjarnan
Átakaverk eftir Birgi Sig-
urðsson. Ung myndlistar-
kona sem hefur búið er-
lendis um árabil snýr aftur á
æskuslóðirnar þar sem
eldri systir hennar glímir við
raunveruleikann í sveitinni.
Leikarar eru meðal annars
Elva Ósk Ólafsdóttir, Hall-
dóra Björnsdóttir, Valdimar
Örn Flygenring og Hilmir
Snær Guðnason. Leíkstjóri
er Hallmar Sigurðsson.
Feitir menn í pilsum
Þessi hrollvekjandi gamanleikur segir frá
móður og syni sem lenda í flugslysi og
hafna ein síns liðs á eyðieyju. Þar þurfa þau
fljótlega að spyrja sig að því hvort sömu
reglur gildi í stórborgum og frumskóginum.
Þetta hnyttna og skemmtilega leikrit er
skrifað af Nicky Silver, einu heitasta leikrita-
skáldinu í New York um þessar mundir, og
leikstýrt af Þóri Tulinius. Hanna María Karls-
dóttir, Halldóra Geirharðsdóttir og Jóhann
G. Jóhannsson fara með aðalhlutverk.
Gauragangur er eitt vinsælasta leikritið sem sett hefur verið upp í
Borgarleikhúsinu. Það var frumsýnt árið 1994 og fjallaði um félag-
ana Orm og Ranúr. Stykkið var sýnt 80 sinnum fyrir um 40.000 á-
horfendur. í kjölfar gífurlegra vinsælda Gauragangs er nú ráðist í uppsetn-
ingu Meiri gauragangs. Hér er á ferðinni sjálfstætt framhald fyrra
leikritsins. Þeir Ormur og Ranúr knýja nú dyra í Danmörku og halda á vit
ævintýra í Kaupmannahöfn. Komast þar í margvíslegan háska og kynnast
kynlegum kvistum.
Ingvar E. Sigurðsson fór með hlutverk Orms á sínum tíma og gerði
hann ódauðlegan með túlkun sinni. Að þessu sinni er það Baldur Trausti
Hreinsson sem fer með hlutverk draumórapiltsins Orms. Hvernig ætli hon-
um litist á að feta í fótspor Ingvars?
„Handritið að þessu leikriti er allt öðruvísi en handritið að Gauragangi.
Ormur og Ranúr virka í rauninni mjög normal innan um liðið sem þeir hitta
í Kaupmannahöfn. Stefnan er sú að þetta eigi ekki að vera eins enda fer
maður ekki í skóna hans Ingvars. En grunnurinn er sá sami og maður tek-
ur þetta bara og gerir að sínum eigin karakter."
í Kaupmannahafnarferðinni prófar Ormur hin og þessi eiturlyf og það
þarf Baldur svo að sjálfsögðu að túlka á sviðinu.
Aðspurður um hvaða aðferðum hann beiti til þess að leika hin annar-
legu áhrif segir Baldur það fara eftir því hversu raunsæ túlkunin á að vera.
„En fyrir mann sem ekki hefur prófað eiturlyf verður hann bara að
kynna sér hvernig þau virka. Og það er svo sem nóg til af þeim sem geta
sagt manni hvernig áhrifin eru,“ bætir hann við.
Að mati Baldurs er meginmunurinn á Gauragangi og Meiri gauragangi
sá að þessi saga er skýrari og einfaldari, og kannski meira grípandi.
„Svo finnst mér lögin hjá Jóni vera mun skemmtilegri en í Gauragangi."
En ætli Baldur sé ekkert hræddur um að verða hundleiður á þessu öllu
saman ef sýningin verður jafnvinsæl og Gauragangur?
„Nei, ég held að maður hafi nú alltaf jafngaman að þessu. En mér skilst
að tækniliðið sem vann að Gauragangi megi ekki heyra minnst á leikritið.
En þetta er bara eins og hver önnur vinna, maður mætir á staðinn og gerir
sama hlutinn sextíu sinnum.“