Ský - 01.02.1998, Side 71

Hans Guðmundsson handboltakappi leikur með og þjálfar 1. deildarliðið H-71 í Þórshöfn, en stýrir auk þess
vinsælasta kaffihúsi bæjarins. Jón Kaldal hitti Hans yfir krús af Foroyar-hjór í Þórshöfn.
Hvernig stóð á því að þú komst hingað?
Ég kom hingað í haust til að skoða að-
stæður hjá H-71 með það fyrir augum
að þjálfa liðið og spila með því. Það
stóð til að útvega mér vinnu með því
starfi. Þegar til kom leist mér ekki nógu
vel á það sem var í boði og var ákveðinn í því að fara heim aft-
ur.
En hvað?
Þá kom þessi framkvæmdastjórastaða hérna á Café Natúr
upp og ég ákvað að slá til. Ég þekki töluvert til veitingareksturs
að heiman og fannst gaman að fá tækifæri til þess að spreyta
mig hér. Eigendur staðarins eru miklir íslandsaðdáendur og það
má segja að Kaffi Reykjavík sé að vissu leyti fyrirmyndin að
þessum stað.
Eru mörg kajfihús afþessu tagi hér?
Nei, það er ekki hægt að segja það. Þetta er það vinsælasta
og enginn annar staður selur jafnmikið af bjór. Reyndar hugsa
ég að mjög fáir staðir heima nái sama lítrafjölda á mánuði og
Café Natúr. Þessar miklu vinsældir ölsins má sjálfsagt skýra
með því að við erum bara með léttvínsleyfi, sterkt vín má ein-
göngu selja á næturklúbbunum og á hótelbörunum.
Hvernig er að vera Islendingur í Fœreyjum?
Það er alveg yndislegt. Færeyingar kalla íslendinga „jáara“
því við segjum já, en þeir segja ja og þeir eru rosalega jákvæðir
gagnvart öllu því sem er íslenskt, og hafa reyndar mjög margir
komið til íslands. Mér er sagt að þeim finnist miklu skemmti-
legra að fara í borgarferð til Reykjavíkur en til Kaupmanna-
hafnar.
Hvað finnst þeim þá um Danina eftir allan þennan hasar í
kringum hankamálið?
Ja, það er óhætt að segja að þeir séu mjög heitir út í þá. Ég
veit ekki hvort það segi eitthvað um sambandið við Danmörku,
en þótt hér tali nánast allir dönsku vilja að minnsta kosti þeir
innfæddu sem ég þekki frekar tala ensku við aðra Norðurlanda-
búa. Danir eru núna dálítið eins og vondi stjúpinn á meðan við
íslendingar erum eins og góði, stóri bróðirinn.
En finnst Fœreyingum jafngaman aðfara út að skemmta sér og
Islendingum?
Já, ekki síður. Þeir eru mjög skemmtanaglaðir og það er
gaman að vera í kringum þá þegar þeir eru að skemmta sér. Þeir
eru kátir og léttir og alveg lausir við öll merkilegheit og snobb.
Jón Kaldal er ritstjóri Slýja og fyrrverandi handboltamarkvörður í yngri flokkum Armanns.
69
LJÓSM.: PÁLL STEFÁNSSON