Ský - 01.02.1998, Side 60

AKUREYRI :
■ FLUGFÉLAGSBÆRINN
Þorparar, Brekkusniglar
og Innbæingar
Það verður ekki af Akureyringum skafið að þeir eru
dágóðir boltaíþróttamenn. Heimaliðin tvö, KA og
Þór, tefla bæði fram meistaraflokkum í handbolta og
fótbolta og það síðarnefnda í körfubolta.
Miklar sögur fara af því að grimmilegur rígur sé á milli
félaganna. Heimasvæði KA er í innbænum, á eyrinni og á
brekkunni, en Þórssvæðið er hins vegar norðan Glerárinn-
ar, í Glerárhverfi sem dags daglega gengur undir nafninu
Þorpið, en það er yngri hluti bæjarins. Þeir sem búa á
þessum svæðum styðja nánast undantekningarlaust
heimalið sitt af krafti og eru um leið svarnir andstæðingar
hins liðsins.
Að sögn Tómasar Guðmundssonar, formanns handknatt-
leiksdeildar Þórs, er þó gert heldur meira úr þessum ríg en
efni standa til.
Stuðningsmenn Þórs og KA
elda saman grátt silfur, en eiga
þaó til að snúa bökum saman
á ögurstund
„Klappliðið frá KA hefur til dæmis stutt okkur á mikil-
vægum augnablikum og það má alveg geta þess að Gunn-
ar Níelsson, einn harðasti stuðningsmaður KA, hefur
reynst okkur mjög vel."
Hvort sem það er vegna þessa stuðnings eða ekki er
handboltalið Þórs spútniklið 2. deildar íslandsmótsins í
vetur og hafði ekki tapað leik þegar þetta var skrifað seint
í febrúar. Það stefnir því allt í að á næsta keppnistímabili
verði „derby"-leikir fyrir norðan þegar KA og Þór mætast í
1. deildinni og þá verður örugglega heitt í kolunum.
Erfitt er að spá í sumarið framundan í fótboltanum.
Norðanmenn hafa ekki riðið feitum hesti frá knattspyrnu-
völlunum undanfarin ár og sýna KA og Þór reyndar á sér
lítið fararsnið úr 1. deildinni. Þór lék síðast í efstu deild ís-
landsmótsins keppnistímabilið 1994 og enn lengra er síð-
an KA var þar, eða árið 1992. Þetta árið ætla Þórsarar að
halda áfram að sér höndunum í leikmannakaupum og
byggja á eigin mannskap. Er varla hægt að fara fram á
annað en liðið haldi sæti sínu í 1. deildinni. KA hefur aftur
á móti verið að fá til sín leikmenn og virðist stefnan hafa
verið sett á að komast upp. Hvort sú verður raunin, frekar
en síðustu fimm tímabil, er svo allt annað mál.
Ævintýraferðir í
Eyjafirði
Sportferðir klæöskerasníóa feröir
eftir óskum viðskiptavinanna
Stærsta ferðaþjónustufyrirtækið í Eyjafirði er Sportferðir
sem hefur meðal annars yfir að ráða miklum flota af fjalla-
jeppum og snjósleðum. Eigendur fyrirtækisins eru Sveinn
Jónsson, bóndi á Kálfskinni á Árskógsströnd og fjölskylda.
Marínó, sonur Sveins, er framkvæmdastjóri Sportferða og
segir hann fyrirtækið jafnan hafa jeppa fyrir 40 til 50
manns tilbúna með stuttum fyrirvara og ef því er að skipta
sé hægt að útvega bíla fyrir allt að 160 manns í hálendis-
ferðir.
Það er örugglega ekki á neinn hallað þótt fullyrt sé að fá
fyrirtæki bjóða jafnfjölbreytta þjónustu og Sportferðir. Má
reyndar segja að Sveinn og fjölskylda dekki nánast öll svið
íslenskrar ferðaþjónustu eins og sjá má á þessum lista yfir
það sem í boði er: Jeppa- og snjósleðaferðir, sjóstangveiði.
dorgveiði í gegnum vök, hvalaskoðun, hestaferðir, gúmmí-
bátasiglingar og köfun fyrir byrjendur og lengra komna.
Auk þess býður fyrirtækið húsaskjól, annaðhvort í bænda-
gistingu eða sumarbústöðum, og svo er Pizza 67 á Akureyri
í eigu fjölskyldunnar.
„Við fléttum saman það sem er í boði eftir aðstæðum í
hvert skipti og raunar getum við klæðskerasniðið ferðir
algjörlega eftir óskum viðskiptavina okkar," segir Marínó.
Fyrirtæki og hópar hafa verið iðin við að nýta sér krafta
Sportferða og látið skipuleggja fyrir sig óvissuferðir. Marínó
segir að í þeim tilvikum sé sett saman dagskrá með ein-
hverjum af áðurtöldum möguleikum og svo yfirleitt endað
með matarveislu við óvenjulegar aðstæður fjarri manna-
byggðum þar sem veitingarnar koma frá Pizza 67.
58