Ský - 01.02.1998, Side 73

Hér fyrr á öldum voru Ásverjar ríkustu menn landsins. Brennisteinsnámurnar í Mývatnssveit
voru þeirra auður. Þrjátíu ára stríðið var ekki sök Ásverja en meðan á því stóð græddu þeir á
tá og fingri á brennisteininum sem var notaður við skotfæragerð.
Nú getum við notið þessa fjögurra ferkílómetra brennisteinshverasvæðis í friði og spekt - þar
er enginn lengur við námuvinnslu - andað að okkur lyktinni og heyrt hverina hvæsa í kapp við
kulda og trekk. Reyndar er svæðið varasamt yfirferðar. Það er stutt niður á brennandi hita.
PS
í Mýuatnssueit
Qðlegar konur í Reykjauík
Ekki bara kaffispjall, heldur heimsóknin í Árbæjarsafn, Dsta- og smjörsöluna, Veðunstofuna, Þjóðarbókhlöðuna ..
Af öllum þeim aragrúa af félaga-
samtökum sem finnast í landinu
kennir margra grasa. Síðastliðin
þrettán ár hefur til dæmis starfað klúbbur
sem heitir „International Women of
Reykjavík“. Enska nafnið er engin tilvilj-
un því stór hluti hópsins eru konur tengd-
ar sendiráðunum í Reykjavík, auk annarra
erlendra og íslenskra kvenna.
Klúbburinn var settur á stofn til að gefa
konunum tækifæri til að komast í snert-
ingu við menningu, listir og atvinnu- og
mannlíf á íslandi. Frumkvöðullinn var
amerísk kona að nafni Linda Stillman-
Zube sem var búsett á Islandi í fimm ár.
Nokkurs konar þríeyki stjórnar starf-
inu, ein kona úr hópi sendiráðsfólks, ein
íslensk og ein af Keflavíkurflugvelli. í
gegnum árin hefur meðlimafjöldinn verið
um fimmtíu. Klúbburinn er opinn þeim
sem hafa áhuga á alþjóðlegum málefnum.
Eins og gefur að skilja er endurnýjun tölu-
verð, en þumalputtareglan byggist á því að
um þriðjungur kvennanna sé íslenskur,
þriðjungur af Vellinum og þriðjungur af
erlendu bergi brotinn. Ekkert í reglunum
bannar karlmönnum aðgang. Þeir hafa að
vísu ekki sýnt mikinn áhuga enn, eða
kannski endurspeglar þetta karlmannsleysi
bara samfélagið í heild.
Konurnar hittast einu sinni í mánuði
yfir vetrartímann, fara á söfn, fá til sín fyr-
irlesara, eða heimsækja stofnanir og fyrir-
tæki. Félagsgjöld hafa verið í lágmarki, en
ef einhver afgangur verður af aurunum
hefur þeim verið varið í landgræðslu, eða
til skógræktar með gróðursetningarferð í
„Vinaskóg" á Þingvöllum.
Blaðamaður skellti sér á janúarfund
sem haldinn var á Hótel Holti. Það verður
að segjast eins og er að eini karlmaðurinn í
hópnum var Aðalsteinn Ingólfsson list-
fræðingur sem leiddi kvennaskarann um
listaverkasafn hótelsins áður en sest var að
hádegisverði. Hver veit nema maður mæti
með þeim í Óperuna í mars! MB
71