Skinfaxi - 01.02.2016, Page 11

SKINFAXI tímarit Ungmennafélags Íslands 11
B irgir Jakobsson landlæknir
segir íþróttahreyfinguna á
Íslandi hafa staðið sig vel í for-
vörnum og lýðheilsumálum.
„Öll þessi héraðssambönd og virkj-
un fólks í íþróttastarfi er til fyrirmyndar.
Hún hefur borið uppi þessa fámennu
þjóð. Þau hafa líka skapað góðar
aðstæður fyrir ungt fólk til að stunda
íþróttir og heilbrigðan lífsstíl í skóla,“
segir hann.
En hvernig hugar Birgir að félagslegri
og andlegri heilsu sinni?
„Þetta er ekki daglegt umhugsunar-
efni hjá mér. Mér líður vel bæði félags-
lega og andlega en hugsa vel um þessi
mál. Mér þykir mikilvægt að umgang-
ast fjölskyldu mína og vini og sinna
hugðarefnum mínum utan vinnutíma.
Ég hlusta á tónlist og fer á tónleika. En
svo er ég gamall íþróttamaður og hef
alltaf haft gaman af íþróttum og hreyfi
mig reglulega. Ég er með árskort í
sund, reyni að fara í sund á hverjum
degi, syndi 200 metra og fer í heita
pottinn til að hugleiða og ræða um
málefni dagsins við einhvern,“ segir
Birgir.
Hann fer auk þess 2–3 sinnum á
sumri í stangveiði út á land ásamt félög-
um sínum. „Það er góð hvíld að fara úr
argi og þvargi í veiðiskapinn. Það er til-
hlökkun að eiga þetta í vændum.“
718 börn og
ungmenni á
biðlista eftir
þjónustu
Tillaga heilbrigðisráðherra um
stefnu og aðgerðaáætlun í geð-
heilbrigðismálum var samþykkt
á Alþingi í lok apríl. Markmiðið er að
stuðla að aukinni vellíðan og betri
geðheilsu landsmanna. Áhersla er
meðal annars lögð á markvissa geð-
rækt í skólum, skimun fyrir kvíða og
þunglyndi meðal grunnskólabarna
og viðeigandi meðferð veitt eftir
þörfum.
Einkar ánægjulegt er að tillagan
hafi náð fram að ganga því á ung-
mennaráðstefnu UMFÍ, sem fram fór
á Selfossi í mars sl., var fjallað um geð-
heilsu ungmenna á Íslandi. Á ráðstefn-
unni kom fram að í lok árs 2015 hafi
718 börn og ungmenni verið á bið-
lista eftir sér- og ítarþjónustu geðheil-
brigðiskerfisins. Biðin geti verið ansi
löng. Heildarbiðtími barna og ung-
menna eftir þjónustu getur því orðið
allt að þrjú til fjögur ár. Vandamálið
hefur verið þekkt í áraraðir og tuktaði
Ríkisendurskoðun stjórnvöld fyrir að
draga lappirnar í þessum málum.
Varar við sjúkdóma-
væðingu
Birgir Jakobsson segir tillögu ráðherra
skref í rétta átt. Börn eigi ekki að
þurfa að bíða eftir úrlausn sinna mála,
sérstaklega geðheilbrigðismála.
Á hinn bóginn varar hann við of
mikilli sjúkdómavæðingu.
„Ég hef tilfinningu fyrir því, án þess
að ég hafi fyrir því tölur, að við séum
að sjúkdómavæða of mörg fyrirbæri
og skapa kerfi um að gerðar séu kröfur
um sjúkdómsgreiningu einstaklinga
svo að viðkomandi fái hjálp og aðstoð
í skóla. Þetta setur ákveðnar kröfur á
heilbrigðiskerfið sem ég er ekki viss
um að séu góðar, hvorki fyrir heil-
brigðiskerfið né einstaklinga. Ef fólk
þarf aðstoð í skóla eða vinnu þá á
það að fá hana. Það á ekki að þurfa
að setja stimpil á fólk svo það fái
aðstoð.“
Birgir spilaði lengi körfubolta með ÍR
og var aðeins 16 ára þegar hann tryggði
liðinu sigur gegn Collegians Basketball
Club frá Belfast á Írlandi í Evrópubikar-
keppni meistaraliða um jólaleytið 1964.
ÍR var fyrst íslenskra liða til að fara í keppn-
ina. Birgir spilaði körfu með ÍR fram á
áttunda áratuginn og var jafnframt í
landsliðinu.
„Ég er lítið í því að keppa í íþróttum
núna en villist inn á einstaka golfmót.“
Var í landsliðinu í körfubolta
Landslið Íslands sem tók þátt í Norðurlandamótinu er fram fór
á Íslandi 1968. Aftari röð frá vinstri: Guðmundur Þorsteinsson
þjálfari, Birgir Jakobsson, Birgir Örn Birgis, Kristinn Stefánsson,
Einar Bollason, Sigurður Ingólfsson og Agnar Friðriksson. Fremri
röð frá vinstri: Guttormur Ólafsson, Kolbeinn Pálsson, Þórir
Magnússon, Þorsteinn Hallgrímsson, Gunnar Gunnarsson og Jón
Sigurðsson.