Skinfaxi - 01.02.2016, Qupperneq 15

SKINFAXI tímarit Ungmennafélags Íslands 15
Hvað er
Heimskaffi?
Kallað hefur verið eftir því að
almenningur geti átt aðkomu
að ákvörðunum með öðrum
hætti en formlegum kosning-
um. Heimskaffifundur er ólíkur
venjulegum umræðufundum
og nefndarfundum að því leyti
að hann byggir á samræðu allra
þátttakenda. Fundargestum er
þá skipt upp í 4–5 manna hópa
og ræða þeir saman. Aðferðin
er talin vel til þess fallin að ná
fram skýrri niðurstöðu með
lýðræðislegum hætti.
• Ferðakostnaður og afslættir
voru ofarlega á blaði. Fyrir
liggur áskorun til landssam-
banda að taka saman afslætti
á gistingu og bílaleigum fyrir
hópa sem eru á ferðinni.
• Iðkendaskattar sérsambanda
voru gagnrýndir harðlega.
• Unglingalandsmót er á veg-
um UÍA 2017. Rætt var um
keppnisgreinar og afþrey-
ingu sem miðast ekki ein-
göngu við ung börn heldur
alla aldurshópa. Rætt um að
ná til krakka í óhefðbundnum
greinum og leggja áherslu á
að ungmenni sem vilji keppa
á Unglingalandsmóti þurfi
ekki að æfa í félagi.
• Tala í meira mæli á jákvæðan
hátt um það mikilvæga og
góða starf sjálfboðaliða.
Þeim þurfi að umbuna, svo
sem með námskeiðum eða
hópefli og með öðrum hætti.
• Hugmyndir um að gera lýð-
heilsuverkefni og almenn-
ingsíþróttir sýnilegri á
Sumarhátíð UÍA.
Brot af
umræðunum
En af hverju heimskaffi?
„Við höfum alltaf lagt mikinn metnað í að
hugsa út fyrir kassann og leita að nýjum
leiðum. Við fórum sem dæmi á fund hjá
UMFÍ sem heitir „Komdu þínu á framfæri“
[innskot: á vegum Æskulýðsvettvangsins]
og á ráðstefnu í Ungverjalandi. Þar hittum við fólk frá ýms-
um löndum og kynntumst þessu fyrirkomulagi. Þar sáum
við hvað þetta er góð leið. Allir voru virkir og raddir og
hugmyndir fólks hlutu brautargengi þrátt fyrir tungumála-
örðugleika. Á þinginu okkar heyrðum við fleiri raddir um
fleiri málefni en á öðrum þingum.“