Heimili og skóli - 01.10.1946, Blaðsíða 4
98
HEIMILI OG SKÓLJ.
ritsgrein, slíkt væri í alltof mikið ráð-
izt, en ég hef lofað ritstjóra Heimilis
og skóla að segja lesendum blaðsins
nokkuð frá þeim þætti útvarpsstarf-
seminnar, sem ég lagði einna mest
stund á að kynnast, meðan ég dvaldi í
London. Þessi þáttur er barnatímarnir
(Children’s Hour).
Bretar segja sjálfir, að það skynsam-
legasta (the most inteiligent) í allri út-
varpsstarfsemi þeirra séu barnatím-
arnir og skólaútvarpið (Broadcasting
for Schools), svo að ætla mætti, að hér
væri eitthvað gott á ferðinni, sem vert
væri að kynnast og nema af.
Reynsla mín varð einnig sú.
Nú, þegar ég renni huganum yfir
hina lærdómsríku dvöl mína hjá B. B.
C., er æði margt, sem verður á vegi
mínum, og hugurinn vill staldra við
oftar en góðu hófi gegnir.
í sambandi \ ið barnatímana verður
samtal, er ég átti eitt sinn við forstjóra
deildarinnar, Derek McCulloch, all
ofarlega í huga mínum.
Ég vil geta þess, að „Uncle Mac“,
eins og hann heitir í útvarpinu, er tal-
inn einn af færustu mönnum B. B. C.
Hann er þekktur um allt Bretland,
og þótt víðar sé leitað, fyrir frábæran
skilning á barnssálinni og skilning á
því, hvernig útvarp fyrir börn eigi að
vera. Hann er og talinn snillingur í
uppsetningu ýmissa dagskrárliða,
einkum leikrita. — Ég efast um, að
nokkur maður í Bretlandi sé jafn vin-
sæll hjá börnunum og „Mac frændi" í
barnatímum B. B. C.
„Hlutverk okkar er áð ala upp góða
hlustendur," var aðalkjarni ræðu hans,
„og þess vegna er aldrei of velunniðað
undirbúningi né æfingum. Við berum
aðeins á borð fyrir hlustendur okkar
það bezta, sem völ er á, og við höfum
ekki efni á að kasta höndum að
nokkru því, sem fram er reitt fyrir
yngstu hlustendur stofnunarinnar."
Ég kynntist brátt starfsháttum deild-
arinnar, og þótti mér mikið koma til
þess, hve vel var unnið og vandað til
alls, og hve starfsskilyrði öll voru góð
og skemmtileg. — Barnatímarnir hafa
verið afar lánsamir, hvað starfskrafta
snertir. — Þeir hafa um langan aldur
notið hæfni og kunnáttu hinna fær-
ustu manna, sem skilja hlutverk sitt til
fullnustu, og er Derek McCulloch þar
í fararbroddi.
Auk hans starfar við deildina fjöldi
fólks, þar af nokkuð margt, sem vinn-
ur einungis fyrir barnatímana. — B. B.
C. hefur innan vébanda sinna mikið
leikfélag, sem í er fjöldi afbragðs lista-
manna, karla og kvenna á ýmsum
aldri. Úr þessum leikarahópi er for-
stjórum hinna ýmsu deilda heimilt að
kalla til starfa fólk til þess að flytja hin
ýmsu efni og fara með, undir umsjón
leikstjóra þess, er annast þáttinn. —
Við hverja útsendingu er ennfremur
aðstoðarfólk, sem sér um grammófóna,
hljóðgerfina (effects) o. s. frv.
Afleiðing hins mikla starfs, sem þar
er innt af hendi, og kostgæfninnar í
efnavali og flutningi hefur orðiðsú,að
barnatímarnir eiga nú ekki aðeins
hlustendafjölda meðal barnanna, held-
ur og á meðal fullorðinna víðs vegar
urn Bretlandseyjar.
Við skulum nú athuga lítilsháttar,
hvað það er, sem forstjórinn átti við
með ,,því bezta, sem völ er á“, og hvað
það er, sem tímar þessir hafa á boðstól-
um. Yfirgnæfandi á dagskrám barna-