Heimili og skóli - 01.12.1950, Blaðsíða 27

HEIMILI OG SKÓLI
143
Stellu og félögum hennar á þessum
viðsjárverðu og viðburðaríku árum,
þegar stórtíðindi gátu gerzt á hverjum
degi. — Þjóðverjarnir höfðu tekið
skólann, svo að kenna varð öllum
nemendunum í einni stofu, og allir
kennararnir eru farnir burt nema
einn. Á hverjum degi gerist eitthvað
sögulegt og stundum æsandi. Skugg-
inn af hinum erlendu óvinum fellur
á allt daglegt líf, einnig hið glaða líf
Stellu og skólafélaga hennar, en þessu
fylgja einnig ævintýri. — Bók þessi
mun gefa góða hugmynd um lífið í
Noregi á hernámsárunum, þótt þar sé
hvergi sagt frá hinum stærri og alvar-
legri viðburðum.
Kibba kiðlingur. Hörður Gunnars-
son þýddi. — Þetta er skemmtilegt æv-
intýri, með mörgum myndum, eink-
um ætlað litlum börnum, sem eru far-
in að stauta. Þegar ævintýri þetta kom
út hjá Æskunni fyrir nokkrum árum,
varð það svo vinsælt, að það seldist
upp á skömmum tíma. Þetta er því
önnur útgáfa. Og er ekki að efa, að
henni verður einnig vel fagnað af
hinum yngstu lesendum.
Kappar, II. Marinó L. Stefánsson
kennari tó.k saman. — Fyrir síðustu
áramót kom út hjá Æskunni 1. bindi
þessarar bókar og var vel tekið. Nú er
komið 2. bindi og flytur, eins og hið
fyrra, endursagða þætti úr íslendinga-
sögunum, einkum sagnir af ýmsum af-
reksmönnum. og hetjum sögualdar-
innar. Þetta skemmtilega efni er lífg-
að upp með nokkrum ágætum mynd-
um, sem gera frásögurnar meir lifandi
en ella.
Prýðilegur frágangur er á öllum
þessum bókum Æskunnar, og það er
óhætt að mæla með þeim öllum,
Æskan hefur jafnan fengið þann dóm,
að útgáfubækur hennar væru í fremstu
röð barnabóka hverju sinni, og svo
mun enn vera.
Frá Bókaútgáfu B. S„ Akureyri:
Jónsi karlinn i Koti og telpurnar
tvœr, efitr Guðmund L. Friðfinnsson.
Höfundur þessarar bókar er bóndi
frammi í Skagafjarðardölum, en hann
virðist þó kunna vel að halda á penna,
og hann kann einnig þá list að skrifa
skemmtilegar sögur fyrir börn. Bók
þessi gerist í sveit, og segir frá Jónsa
í Koti og tveimur telpum, á aldur við
liann. Þarna kemur að vísu margt
fleira fólk við sögu, og frá mörgu er
að segja, því að á hverjum degi gerist
eitthvað sögulegt. Þessi skemmtilega
barnabók lýsir vel lífi íslenzkra sveita-
barna, eins og það var fyrir nokkrum
áratugum, og er reyndar að mörgu
leyti enn í dag.
Bókin er prýdd nokkrum heilsíðu-
teikningum.
Frá Bókaútgáfurmi Björk, Rvík.
Selurinn Snorri, eftir Frithiof Sælen.
Vilbergur Júlíusson íslenzkaði.
Þetta er fallegt ævintýri um selinn Snorra,
sem á heima norður í Ishafi, og segir þar frá
ævintýrum hans og viðureign við ísbjörninn
Voða og stórhvelið Glefsir. Þótt það verði
ekki séð af ævintýri þessu, er talið að það eigi
að vera táknræn mynd af samskiptum Norð-
manna og Þjóðverja á hernámsárunum, að
minnsta kosti gerðu Þjóðverjar bókina upp-
tæka, en hún hefur hlotið miklar vinsældir
í heimalandi sínu og komið út í þremur út-
gáfum. Auk þess sem ævintýri þetta er mjög
skemmtilegt og hugðnæmt fyrir 7—10 ára
börn, er þetta óvenjulega falleg bók. Á ann-