Fréttir - Eyjafréttir - 21.12.2023, Blaðsíða 21

21. desember 2023 | | 21
Arnar Sigur-
mundsson
fæddist í Vest-
mannaeyjum
19. nóvember
1943. Hann
lauk gagn-
fræðaprófi frá
Gagnfræðaskóla Vestmanna-
eyja 1960 og fór að því loknu
að vinna í fiski, hjá Kaupfélagi
Vestmannaeyja og síðan við
heildverslun Heiðmundar
bróður síns, H. Sigurmundsson
hf., frá 1965 fram að gosi. Þar
vann Arnar við sölumennsku,
innheimtu og umboð Sam-
vinnutrygginga.
Arnar varð starfsmaður Við-
lagasjóðs í byrjun mars 1973
og framkvæmdastjóri sjóðsins
í Vestmannaeyjum frá septem-
ber 1973 og fram í mars 1977.
Hann var framkvæmdastjóri
Samfrosts sf., þjónustufyrir-
tækis frystihúsanna í Eyjum,
frá 1977 til 1992 og formaður
Samtaka fiskvinnslustöðva
(SF) 1987 til 2014. Arnar tók
þátt í sameiningu SF og LÍÚ í
Samtök fyrirtækja í sjávarút-
vegi (SFS) árið 2014.
Arnar settist í stjórn Lífeyris-
sjóðs Vestmannaeyinga 1980,
síðar Lífeyrissjóðs Vestmanna-
eyja, og sat þar nær samfleytt
til 2017. Hann átti sæti í stjórn
Landssamtaka lífeyrissjóða frá
stofnun 1998 og til 2017, var
formaður 2006-2012. Arnar
var formaður Nýsköpunarsjóðs
atvinnulífsins 1997-2004,
stjórnarmaður í Vinnuveitenda-
sambandi Íslands og síðar í
stjórn Samtaka atvinnulífsins
(SA) til 2015 og ráðgjafi SA
í lífeyrismálum. Hann var
stjórnarformaður Visku frá
stofnun 2003 til 2023, í stjórn
Þekkingarseturs Vestmanna-
eyja frá stofnun 2008, þar af
formaður 2018-2023, í stjórn
Sparisjóðs Vestmannaeyja um
árabil og formaður stjórnar
1992-2000.
Arnar var í stjórn Eyverja
1964-1977 og bæjarfulltrúi
fyrir Sjálfstæðisflokkinn 1978-
1986 , 1995-1998, 2002-2006
og varamaður í bæjarstjórn í
fjögur kjörtímabil. Hann sat
270 bæjarstjórnarfundi á árun-
um 1974-2009. Aðeins fjórir
bæjarfulltrúar hafa setið fleiri
bæjarstjórnarfundi en Arnar frá
því að Vestmannaeyjabær fékk
kaupstaðarréttindi 1919.
Arnar var formaður Taflfélags
Vestmannaeyja 1962-1964 og
aftur 50 árum síðar, 2015-
2021. Hann hefur lengst af
verið virkur í starfsemi félags-
ins og fjórum sinnum orðið
Skákmeistari Vestmannaeyja.
Arnar hefur verið í ritnefnd
Fylkis frá 1992 og ritstjóri
jólablaðs Fylkis. Hann er einn
af stofnendum Eyjaprents sem
sameinaðist Fjölsýn í Eyjasýn
ehf., útgefanda Frétta/Eyja-
frétta, og í stjórn félagsins um
langt árabil.
árið 1917. Mig minnir að hún
hafi kostað 7.000 krónur sem
var stórfé á þeim tíma. Þar með
hófst blaðaprentun hér. Valdimar
Ottesen hafði þá gefið út fjölritað
blað sem hét Fréttir. Gísli var á
hátindi velgengni sinnar þegar
hann keypti prentvélina. Hann
réði Pál Bjarnason, kennara og
síðar skólastjóra Barnaskólans,
til að vera ritstjóri Skeggja. Svo
tóku önnur blöð við og fleiri
prentsmiðjur urðu til.”
Nú koma Eyjafréttir reglulega
út og einnig Tígull og Sjónvarps-
vísir. Eyjafréttir hófu göngu
sína vorið 1974 og verða því
50 ára næsta vor. Auk þess hafa
Framsóknarblaðið, VG-blaðið,
Aðventublað H-listans, E-lista-
blaðið og Fylkir komið út fyrir
jólin. Jólablað Fylkis er eftirsótt
en auk vandaðra greina er þar
minnst Vestmannaeyinga sem lát-
ist hafa á árinu. Arnar hefur lengi
haldið utan um þann þátt blaðsins
með dyggri aðstoð Bjarneyjar
Erlendsdóttur sem hefur sinnt því
af mikilli samviskusemi en lætur
nú af störfum.
Aldrei fleiri látinna
minnst en nú
„Í jólablaði Fylkis að þessu sinni
verður minnst um 160 látinna
Vestmannaeyinga. Þeir hafa aldrei
verið fleiri. Flest voru nöfnin 132
áður. Af þessum 160 voru um 50
með lögheimili í Eyjum þegar
þeir féllu frá. Það er heldur meira
en áður,” segir Arnar. Hann rekur
þessa fjölgun látinna Eyjamanna
að hluta til Heimaeyjargossins
1973. Þá bjuggu hér um 5.000
manns og þriðjungurinn sneri ekki
aftur til baka. Í staðinn bættust
700-800 nýir Vestmannaeyingar í
hópinn.
Til að látins sé minnst í Fylki
þarf viðkomandi að hafa fæðst í
Eyjum og/eða búið hér í lengri
eða skemmri tíma á lífsleiðinni.
Það er stundum vandasamt að
finna út hvort viðkomandi hafi
haft fasta búsetu í Eyjum. Gríðar-
lega margt fólk kom ofan af landi
á vetrarvertíð oft fleiri en eina, en
hafði ekki fasta búsetu. Það kemur
fyrir að bent er á fyrrverandi
kennara við Barnaskólann, eða
Gagnfræðaskólann, sem látist hafa
og bjuggu og kenndu í skamman
tíma en margir muna eftir.
„Jólablað Fylkis og Eyjafréttir
eru efnismikil, ritstýrð blöð sem
vandað er til. Ég hef trú á að þau
verði lesin áfram og eigi framtíð
fyrir sér á prenti. Það er ekki
eins að skoða blað á skjánum og
að halda á því. Þó hafa ótrúlega
margir samband við mig sem hafa
lesið jólablað Fylkis í prentuðu
formi eða á netinu og þakka fyrir
blaðið,” segir Arnar.
2000 - Arnar á skrifstofu sinni í Hvíta húsinu, Strandvegi 50. Ljósmynd/Fréttir
2013 - Gunnar Júlíusson teiknaði skopmynd af Arnari í tilefni af sjötugsafmæli hans. Myndin sýnir vel hve ótrúlega
fjölþætt viðfangsefni og áhugamál afmælisbarnsins hafa verið í gegnum tíðina.