Framkvæmdafréttir Vegagerðarinnar - 06.09.2023, Síða 7

Framkvæmdafréttir nr. 726
4. tbl. 31. árg.
7
Umferð á vegkaflanum
Umferð um þennan vegkafla hefur aukist árlega um
11%, að meðaltali, frá upphafi mælinga.
Árið 2022 var ÁDU (meðalumferð á dag, alla
daga ársins) 1.152 bílar á sólarhring og 1.828 bílar
yfir sumartímann. Spá fyrir ÁDU fyrir árið 2023 er
1.410 bílar á sólarhring, en 2.190 bílar á sólarhring yfir
sumartímann (SDU). Til samanburðar má nefna að um
aldamótin síðustu voru sambærilegar tölur 202 og 410
bílar á sólarhring.
Umferðaröryggi
Helsta markmið framkvæmdanna var að fækka
einbreiðum brúm og auka þannig umferðaröryggi. Brúin
yfir Núpsvötn var í lok árs 2022 sú brú þar sem flest
slys hafa orðið við einbreiða brú á Hringvegi. Á árunum
2000 til 2022 urðu fjögur slys á brúnni yfir Hverfisfljót.
Á sama tímabili voru slysin á brúnni yfir Núpsvötn 20,
þar af eitt banaslys árið 2018 þegar bíll steyptist yfir
vegrið brúarinnar með þeim afleiðingum að þrír létu
lífið.
↑
Nýja brúin yfir Hverfisfljót.
↑
Innviðaráðherra og forstjóri Vegagerðarinnar með Amadeus Lotar
sem spilaði á sekkjapípu við opnun brúarinnar yfir Núpsvötn.