Framkvæmdafréttir Vegagerðarinnar - 06.09.2023, Síða 16

16 Framkvæmdafréttir nr. 726
4. tbl. 31. árg.
↑ Franz Sigurjónsson varði verkefnið Samanburður á
tengingu staðsteypts og forsteypts stoðveggjar við
staðsteypta undirstöðu. Verkefnið fjallar um hönnun
á nýrri gerð landstöpla í brúargerð þar sem notaðar
eru forsteyptar stöpulveggeiningar með staðsteyptri
undirstöðu. Meginmarkmið rannsóknarinnar var að
stytta framkvæmdatíma á verkstað. Helstu kostir nýju
hönnunarinnar er einföld samsetning og tímasparnaður.
Fyrirhuguð byggingarröð er eftirfarandi:
Veggeiningar eru forsteyptar, yfirborð veggeininga
sem stingast niður í undirstöðu er gert hrjúft. Neðri
járnagrind undirstöðu er svo bundin. Veggeiningar
eru hífðar á sinn stað og stilltar af. Járn í efri
grind undirstöðu eru þrædd í gegnum rifluð göt í
veggeiningum og hún því næst staðsteypt. Með
nýju tengingunni er hægt að byggja landstöpul á
jafnlöngum tíma og það tekur að byggja undirstöðu í
hefðbundinni staðsteyptri útfærslu. Tengingin er sýnd
á mynd 1. Í hefðbundinni framkvæmd er fyrst slegið
upp fyrir undirstöðu, járnabundið og undirstaðan steypt
með útstandandi tengijárnum fyrir stöpulvegg.
Rannsóknir í
brúarverkfræði
Síðastliðið vor fóru fram þrjár meistaravarnir við
Umhverfis- og byggingarverkfræðideild Háskóla
Íslands sem voru styrktar af Rannsóknasjóði
Vegagerðarinnar.
Smíðuð voru tvö sköluð prófstykki og prófuð á
tilraunagólfi Umhverfis- og byggingarverkfræðideildar
Háskóla Íslands VR-III. Uppstilling tilrauna er sýnd
á mynd 2. Fyrra stykkið var staðsteypt útfærsla en
það síðara notaðist við nýju tenginguna. Keyrt var
færslustýrt álagspróf á bæði stykkin og þau borin
saman. Álagspróf á nýju tenginguna voru kláruð 2022.
Meginniðurstaðan er að nýja tengingin er sambærileg
varðandi styrk og hefðbundin tenging í staðsteyptum
landstöpli. Nýja tengingin var þróuð í samstarfi við
Vegagerðina, BM Vallá og Vistu verkfræðistofu.
Leiðbeinendur í verkefninu voru dr. Ólafur Sveinn
Haraldsson, forstöðumaður rannsóknadeildar
Vegagerðarinnar, og dr. Bjarni Bessason, prófessor
við Umhverfis- og byggingarverkfræðideild HÍ.
Prófdómari var Guðmundur Valur Guðmundsson,
framkvæmdastjóri þróunarsviðs hjá Vegagerðinni.
↗
Mynd 1. Ný tenging milli forsteypts stöpulveggjar og
staðsteyptrar undirstöðu.
→
Mynd 2. Uppstilling tilrauna í tilraunastofu Umhverfis- og
byggingarverkfræðideildar í VR-III.
→
Þorkell Jón Tryggvason,
Stefán Grímur Sigurðsson og
Franz Sigurjónsson.