Framkvæmdafréttir Vegagerðarinnar - 23.10.2023, Side 4

4 Framkvæmdafréttir nr. 727
5. tbl. 31. árg.
Nýja bryggjan er nánast í upprunalegri mynd og byggð
úr svokölluðum Greenheart harðviði, sem fenginn er
úr sjálfbærri skógrækt frá Gvæjana í Suður-Ameríku.
Angróbryggjan er þannig fyrsta timburbryggjan
á Íslandi sem er í heild unnin úr timbri sem fengið
er úr sjálfbærri skógrækt og þannig með minna
kolefnisfótspor en annars. Angróbryggjan er þannig
fyrsta timburbryggjan á Íslandi sem er í heild unnin úr
timbri sem fengið er úr sjálfbærri skógrækt og þannig
með minna kolefnisfótspor en annars. „Það var mjög
gott að vinna með þetta timbur, það var svipað og
annar harðviður en þó aðeins mýkra. Mjög gott efni,“
lýsir Guðmundur.
Guðmundur segir smíðina hafa gengið vel þegar til
þess viðraði. „Við byrjuðum í september í fyrra en um
haustið gerði mikla rigningu og við urðum frá að hverfa.
Svo byrjuðum við aftur í lok febrúar og náðum hálfum
mánuði. Þá var farið að snjóa mikið og snjóflóð féll
þannig að allt var á kafi. En þegar við gátum unnið
þá gekk allt mjög vel og við vorum þokkalega innan
tímarammans þótt einhverjar tafir hafi orðið vegna
veðurs,“ segir Guðmundur.
Guðmundur var þó ekki einn við smíðina. „Þegar við
smíðum svona bryggju þurfum við að vera fjórir til
fimm auk tækjamanna þegar þannig ber undir. Þetta
er töluverð krana- og lyftaravinna enda efnið þungt í
hönd.“
Guðmundur segir annars um hefðbundna bryggjusmíði
að ræða og ekkert sérstakt hafi komið uppá. „Reyndar
hef ég ekki áður séð gúmmífendera eins og eru notaðir
á nýju bryggjuna. Þetta eru gúmmíhólkar sem eru
lóðréttir og boltaðir framan á bryggjuna og því ekki
þörf á dekkjum eins og víða eru notuð.“
↑
Guðmundur Guðlaugsson bryggjusmiður
til vinstri með Rúnari Gunnarssyni
yfirhafnarverði á Seyðisfirði sem var að
vonum ánægður með nýju bryggjuna.
↓
Smíði nýju bryggjunnar lauk í júlí 2023.