Goðasteinn - 01.09.1970, Page 8

Sámsstaðir
þörf á því, þar sem starfsemi tilraunastöðvarinnar jókst hratt. Til
dæmis um það má benda á að 1932 voru alls um 1800 tilrauna-
reitir fyrir utan fræ- og kornrannsóknir. Kornakrar voru 7-9 hekt-
arar og fræakrar 1-3 ha. Árið 1936 var byggt fjós og hlaða ásamt
hauggeymslu og þvaggryfju. Það sama ár sleppti ég búskap fyrir
eigin reikning, en Búnaðarfélagið tók við öllum rekstri. Þótti mér
þessi breyting sjálfsögð vegna aukinnar ræktunar og fóðuröflunar
stöðvarinnar. Árið 1945 var reist hús með tveimur íbúðum, um
74 fermetrar hvor. Var húsið ætlað kvæntum starfsmönnum. Að
öðru leyti voru ekki reistar byggingar af framlagi þess opinbera.
En þar sem allt var unnið með hestum árin 1927-54, þurfti hús
fyrir hross og fóður. Var það byggt í áföngum á árunum 1935-40,
svo og geymsla fyrir vélar og áhöld. Fyrsti traktorinn kom að
Sámsstöðum 1946. Var það Farmall. Fyrsta sjálfbindivélin kom
aftur á móti ári fyrr. Fram að þeim tíma var allt bundið með
höndum og var það oft þreytandi verk, því að binda þurfti bæði
grasfræ og korn.
6
Godasteinn