Goðasteinn - 01.09.1970, Qupperneq 42

og Jónas kvað: . . um bóndabæ, / scm blessun eflir sí og æ /
af því að hjónin eru þar / öðrum og sér til glaðværðar.“
Hjónaband þeirra Vigfúsar og Valgerðar var mjög farsælt og
bar ekki skugga á í 44 ára sambúð.
Þess skal getið, að gestkomur voru alltíðar á Hólmabæjum á
þessum árum, og allt til þess er Markarfljót var brúað (1934),
lá leið ferðamanna oft um syðri bæina, sem þá efri, er nær voru
þjóðvegi, ekki sízt á vetrum, er vötn urðu spillt af frostum. Var
þá oft leitað fylgdar og gistingar á bæjunum, sem lágu á milli
vatnanna, en heimamenn þar vanir að komast leiðar sinnar í
flestum tilfellum, þó vötnin væru ógreið yfirferðar oftsinnis.
Sigurður hafði af orgelinu mikið yndi, og mátti segja að hann
léti enga stund ónotaða, er tóm gafst frá störfum, því hins vegar
voru einnig bækurnar, sem áttu ítök í honum. Hann nam af bók-
um Norðurlandamálin og síðar þýzku, las margt bóka á þcim
málum. Hann cignaðist nótnasafn allgott og m. a. skrifaði hann
oft upp lög úr nótnabókum, er hann fékk að láni. Nótnaskrift
hans var skýr og læsileg sem prent.
Hann kynnti sér eftir föngum tónsmíðar, m. a. sígildu tónskáld-
anna þýzku. Einnig má nefna Edward Grieg, sem hann hafði
miklar mætur á.
Meðal áhugamála Sigurðar var grasafræði. Hann var vorið
1904 á garðyrkjunámskeiði í Rvík hjá Einari Helgasyni, garð-
yrkjufræðingi. Þetta var sex vikna tími og taldi Sigurður að sér
hefði orðið þessi vortími að góðum notum. Hann fór að reyna
að gróðursetja blóm og trjáplöntur við heimili sitt 1905, og var
það fyrsta tilraun með trjá- og útiblómarækt í sveit hans. Inni-
blóm voru ræktuð á Brúnum nokkru fyrr en þetta vor - nál.
1900, og var húsfreyju einkar annt um blómaræktina.
Trjágróður, sem Sigurður reyndi að koma á fót, átti crfitt upp-
dráttar, og mun hafa valdið bæði fremur grunnur jarðvegur, mal-
arborinn, svo og tíðir næðingar á sléttlendinu. Þó náði birki og
víðir nokkrum þroska og margt bljómjurta þreifst allvel og var
bæjarprýði. Marga ánægjustund átti heimafólk og gestir í þessum
friðaða reit, þó ekki væri stór í sniðum á nútímamælikvarða.
Veturinn 1905-1906 hófst stofnun fyrstu ungmennafélaganna
40
Godastevrn