Goðasteinn - 01.09.1972, Side 10

Kaupfélagshúsin á Rauðalœk 1944
aðeins yfir sumartímann og oft óku starfsmenn verzlunarinnar
bifreiðum félagsins og þá einnig kaupfélagsstjórinn, þegar að
kallaði.
Vörur til kaupfélagsins komu framan af á Eyrarbakka með
vorskipum Kaupfélags Árnesinga og voru þaðan fluttar austur
eftir hendinni. Hélzt sú skipan fram að heimsstyrjöldinni síðari,
er siglingar til Eyrarbakka lögðust af og tekið var að aka öllum
vörum austur frá Reykjavík. Þurfti þá félagið á auknum bifreiða-
kosti að halda.
Kaupfélag Rangæinga á Rauðalæk bjó við margvíslega erfið-
leika á frumbýlingsárum sínum. Það hóf störf í upphafi kreppu-
áranna, þegar verðfall, atvinnuleysi og samdráttur á öllum svið-
um hrjáðu þjóðina grimmilega. Þurfti þá oft að gæta ýtrustu
sparsemi og hagsýni, svo að allt bjargaðist. Hjá því fór og vita-
skuld ekki að menn greindi á um leiðir og starfshætti. Af þeim
sökum og ýmsum öðrum entist ekki alltaf samstarfs- og sam-
komulagsvilji sem skyldi meðal félagsmanna. Hurfu þá margir
frá og sneru sér í staðinn til Kaupfélagsins Þór, sem stofnað var
á Hellu árið 1935. En Kaupfélag Rangæinga hélt velli og dafn-
aði, þrátt fyrir erfitt verzlunarárferði og ýmis áföll. Vörusala þess
8
Goðasteinn