Goðasteinn - 01.09.1972, Blaðsíða 30

mér sé óhætt að fullyrða, að flutningur Brúnaselja á Skammadals-
heiði hafi átt sér stað fyrir Sólheimajökulsgosið um miðja þrett-
ándu öld. Undir vikurlaginu þaðan eru 2 lög sem virðist vera
Kötluaska, sem faliið hafi í gosum, sem orðið hafi eftir landnám,
og er þá ekki svo vitað sé í dag um önnur gos í Kötlu að ræða
en seint á tólftu öld og um eða rétt fyrir árið 1000. Mér virðist
eftir rannsóknum mínum á Brúnaselsrústum, að búið hafi verið
að byggja þau áður en bæði þessi öskulög féllu, og sé aldurs-
ákvörðun þeirra rétt, ættu þau sel ekki að hafa verið byggð síðar
en á tíundu öld og gætu verið eldri og ef til vill verður hægt að
ákveða aldur einhverra selrústa nákvæmlega, því öskulagarann-
sóknir hér í Mýrdal eru enn svo að segja á byrjunarstigi.
Ekki virðast hafa geymzt sagnir um fólk eða atburði í sambandi
við selveru og má það heita undarlegt, eftir annari sagngeymd
íslenzkrar alþýðu, aðeins hef ég heyrt eina sögu tcngda Dagmála-
seljum, en þar sem ég hef sagt frá henni annarsstaðar, sleppi ég
henni í þetta sinn.
Fari svo, að einhverjir lesi þetta og hafi einhverju við að bæta,
er það mjög vel þegið, því flest er nú að glatast, sem minnir á
þennan þátt búskapar fyrri alda, varla annað að verða eftir en
vallgrónar rústir og eitt og eitt örnefni.
Skrifað 1971. E. H. E.
28
Goðasteinn