Goðasteinn - 01.09.1972, Side 69

stofnaði hún með fleirum Blindrafélagið, sem unnið hefur furðu-
leg afrek á fáum árum. Þar var Margrét lengi foringinn, óbilandi
í áhuga og fórn og hvarf beint frá starfinu þar í þá för, sem
cnginn á afturkvæmt úr.
011 árin hélt Magga áfram að vera sami vinur fjölskyldu
rninnar og fyrrum. Sjaldan kom ég svo í borgina í seinni tíð, að
leið mín lægi ekki í Blindraheimilið, þar sem Magga bjó. Gamli
Iárinn hélt áfram að heilsa gestum, og fyrir löngu var umtalað og
ákveðið, að með tíð og tíma lægi leið hans aftur undir Fjöllin,
i félag fornra muna í byggðasafninu í Skógum. Oftar en einu
sinni sagði Magga, að réttast væri, að ég tæki lárinn með austur,
því víst var farið að halla degi, en jafnvel safnarar geta haft hóf
Goðasteinn
67