Upp í vindinn - 01.05.2018, Page 14

byggingarverkfræðideild
í þessari grein er sagt frá M.S. rannsókn Sólrúnar Svövu Skúladóttur
við Umhverfis- og byggingarverkfræðideild Háskóla íslands, sem
hún lauk íjúlí 2017, í leiðbeiningu Guðmundar Freys Úlfarssonar og
Þorsteins Þorsteinssonar.
Inngangur
Á síðustu árum hefur umferð aukist jafnt og þétt á höfuðborgar-
svæðinu sem og á öðrum svæðum á landinu. Sveitarfélög á höfuð-
borgarsvæðinu hafa stefnt á að auka hlutdeild almenningssam-
gangna af heildarferðum úr 4% árið 2016 í 12% árið 2040.
Aðalskipulag Reykjavíkur hefur það einnig sem markmið að efla
almenningssamgöngur þannig að 12% allra ferða verði farnar með
strætisvögnum árið 2030. Frá árinu 2007 hefur meðalferðatími frá
heimili til vinnu aukist um 3,5 mínútur (Bjarni Reynarsson, 2014,
2016) og ef ekkert er að gert má búast við því að ferðatími muni
aukast enn frekar. Sveitarfélög á höfuðborgarsvæðinu hafa sett af
stað verkefnið um Borgarlínuna sem ætlað er að vera mikilvægur
þáttur í að ná fram settum markmiðum í samgöngumálum. Ljóst er
að til þess að þau markmið náist þurfa að eiga sér stað miklar
breytingar á almenningssamgöngum á svæðinu sem og á ferða-
venjum íbúa. Mikilvægt er að rannsaka hvaða þættir hafa áhrif á val
á ferðamáta á íslandi og hvað megi bæta til að auka hlutfa.ll ferða
með almenningssamgöngum. Rannsókn þessi byggist á könnun
sem lögð var fyrir þá sem eru 18 ára og eldri og þekkja til Strætó og
unnið var með 2.174 svör. Markmiðið var að kanna ferðamátaval
síðustu ferðar, hvaða þættir hafa áhrif á notkun strætisvagna á
höfuðborgarsvæðinu ásamt því hvað helst þarf að bæta í þjónustu
Strætó bs. Rannsóknarspurningarnar í þessu verkefni voru:
1. Hvaða þættir hafa áhrif á hversu oft einstaklingar
nota Strætó að jafnaði?
2. Hvað er það sem einstaklingar vilja helst bæta hjá
Strætó og hvaða þættir hafa áhrif á það val?
3. Hvaða ferðamáta völdu einstaklingar í síðustu ferð
og hvaða þættir höfðu áhrif á það val?
m
...upp i'vindinn