Lögmannablaðið - 2024, Blaðsíða 10

10 LÖGMANNABLAÐIÐ TBL 02/24
Um miðjan maí 2024 voru félagsmenn í Lögmannafélagi Íslands
1032 talsins en það er 3,6% fækkun frá sama tíma árið 2023
þegar félagsmenn voru 1071. Sé samsetning félagsmanna skoðuð
út frá þeim dómstigum sem réttindi þeirra ná til, þá má sjá að
fjöldi lögmanna sem flutt geta mál fyrir héraðsdómstólum er
658 og fjöldi lögmanna sem að auki hafa réttindi til málflutnings
fyrir Landsrétti 89. Fjöldi félagsmanna sem flutt geta mál fyrir
öllum dómstigum er svo 284. Þá starfar 1 meðlimur félagsins á
grundvelli erlendra málflutningsréttinda.
Alls eru 577 lögmenn sjálfstætt starfandi eða 56% félagsmanna.
Þá starfa 148 lögmenn sem fulltrúar sjálfstætt starfandi lögmanna
og svarar það til 14% félagsmanna. Innanhússlögmenn hjá
ýmsum fyrirtækjum og stofnunum eru nú 262 talsins eða 26%.
Af þeim starfa 72 hjá ríki eða sveitarfélögum og 190 hjá ýmsum
fyrirtækjum og félagasamtökum. Fjöldi lögmanna sem ekki
stunda lögmannsstörf vegna aldurs eða veikinda er 45 sem
svarar til 4% af heildarfjölda félagsmanna.
Konur í lögmannastétt
Af félagsmönnum í Lögmannafélaginu eru 332 konur eða 32,2%
félagsmanna og hefur hlutfallið aldrei verið hærra frá stofnun
félagsins. Hlutfall kvenna meðal sjálfstætt starfandi lögmanna
heldur áfram að hækka og er nú 42% á móti 40% árið 2023.
Hlutfall kvenna sem starfa sem fulltrúar sjálfstætt starfandi
lögmanna helst óbreytt milli ára og er 20%. Hins vegar hefur
hlutfall kvenna sem starfa sem innanhússlögmenn lækkað úr 28%
árið 2023 í 26% í ár, en athygli vekur að lækkunin er alfarið meðal
þeirra sem starfa hjá fyrirtækjum og félagasamtökum. Hlutfall
kvenna sem hættar eru störfum vegna aldurs helst óbreytt milli
áranna 2023 og 2024, en það er 2%.
Af þeim 332 konum sem í dag hafa virk málflutningsréttindi
eru 266 með réttindi til málflutnings fyrir héraðsdómstólum
og 21 auk þess með réttindi til málflutnings fyrir Landsrétti.
Þá hafa 44 konur aflað sér réttinda til málflutnings fyrir
Hæstarétti. Loks starfar 1 kona hér á landi á grundvelli erlendra
málflutningsréttinda.
Karlar í lögmannastétt
Af félagsmönnum eru 700 karlar. Af þeim hafa 392 aflað sér
málflutningsréttinda fyrir héraðsdómstólum og 68 að auki aflað
FÉLAGSMÖNNUM
FÆKKAR